سكريبتات

اسكريبت٥

بعد ماسبنا بعض وقولنا احنا الاتنين كلام جارح لبعض وحاولت كذا مره اني اساير المركب واخليها تمشي وكنت بتجاهل عيوب كتيره فيه واقول عادي ما انا مش ملاك بعد ماحولت كذا مره ارجعله وادوس علي كرامتي عشانه وكل الي جالي الرفض واتقالي احنا مش هنقدر نرجع زي الاول وفضل يرصلي في كل حاجه عملتها او معملتهاش وهو شايفها كدا من وجهه نظرو حسيت ساعتها اد اي انا وحشه في عنيه خلاني انا كمان احس اني الوحشه في العلاقه دي ونها كل كلامه داه بسبيني ابقي افكر ارجعلك ولا لا بس انا قفلت منك انهرت وقعدت اعيط يوم اتنين تلاته مبقتش اكل ولا عارفه اذاكر حسيت اد اي انا ضعيفه وهشه واني سهل اتكسر دخلت ع الانستجرام بتاعه قعدت اقلب فيه لقيته منزل صور لخروجه مع صحابه وباين عليه فرحان وبعديها صوره لي مع صحبتي او الي كانت صحبتي حسيت اني قلبي اتكسر مئه حته حسيت بوجع اكبر من وجع فراقه دي كانت صحبتي دا انا كنت بعتبرها اختي لي تعمل فيا كدا انا عمري ما ازتها دخلت كلمتها قولت اكيد عادي وقعدت احاول اطلعلها مبررات بس مكنتش لاقيه اي مبرر دخلت اكلمها وقولتلها ملقتيش غيرو ترتبطي بيه لقتها بتكلمني بطريقه جديده عليا وبتقولي... انتي هتبطلي امتي تمثلي دور الضحيه يعني انتي مكنتيش تعرفي اني بحبه وانك اخدتيه مني انتي الي بتاخديه كل حاجه دايما وبتفوزي بكل حاجه علي طبق من دهب مقدرتش امسك دموعي وقعدت اعيط وقولتلهاا... لي دا انا كنت بعتبرك اختي لي تعملي فيا كدا لو كنتي بس قولتيلي انك بتحبيه كنت سبتهولك لانك كنتي اغلي منو عندي
ردت... ونبي ياحبيبتي اخرجي من الحبتين الي انتي فيهم دول وبطلي تعملي نفسك ملاك وبعدين هو خلاص بقي بتاعي ملكي انا
قولتلها... فعلا انتو تستاهلو بعض انتو الي اتنين خاينين ورخاص هو خان خطيبته عشان واحده غيرانه كل الي هامها تبان احسن مني وانتي خنتي صاحبتك الي كانت سنداكي ومعاكي في المره قبل الحلو هنيالك عليه
وقفلت معاها وقررت ابداء صفحه جديده مع ناس جديده بس المره دي منغير الثقه الزايده بتاعتي

وعملتلهم هم الاتنين بلوك وبقي كل همي دراستي عشان اثبتلهم اني احسن منهم وانهم مش هيهزموني وماثروش فيا بس كان في جزئ فيا كان حاسس بالوحده من غير سما صحبتي انا وهي كنا بنعمل كل حاجه مع بعض كنا بنزوغ من المحاضرات مع بعض ونروح نتفسح كنت بخليها تجبلي هدومي عشان بحب زوقها كنت بعتمد عليها في المشاوير عشان بتوه كنت باكل معاها بشرب معاها حتي ايام الاجازه كنت يا انا بروحلها البيت يا هي بتجيلي كانت حياتي عباره عن هي وهو بس خلاص مبقوش موجودين متوقعتش انها تكرهني وتحقد عليا بالشكل داه طب لي دا هي احلي مني في الشكل ولبسها احسن من لبسي وعندها صحاب كتير لي تغير مني؟
كنت دايما بسال نفسي السؤال داه
كنت دايما بحس بوجع في قلبي وانا شيفاها ماشيه مع صحابها الكتير وانا ماشيه لوحدي وانا هي عايشه حياتها عادي من غيري كنت بتوجع اكتر واكتر اول ما اشوفه جايلها ويفضل يهزر معاها ويتمنلها الرضي ترضي مكنش بيعمل كدا معايا معقول محبنيش للدرجادي انا متحبش؟