5 Big Shots kneeled and called me Mom ( Myanmar translation)

Chapter 3.2 - Tyrannical CEO Son

ကျီ ချီစန်း : " ငယ်ငယ်ကတည်းက ကျွန်တော်ကိုယ့်ကိုယ်ကို တခြားကလေးတွေနဲ့ ကွဲပြားနေတာကို သိလိုက်ရတယ်၊ ကျွန်တော်က သိပ္ပံနဲ့ နည်းပညာအထူးနည်းလမ်းတွေနဲ့ မွေးဖွားလာခဲ့တာ၊ အချိန်ကြာလာတော့ အဖေက ကျွန်တော့်ကို မား ဆီ အလည်ခေါ်သွားပေးတယ်၊ ဒါကြောင့် ကျွန်တော် ငယ်ငယ်လေးကတည်းက မား တည်ရှိမှုကို သိနေခဲ့တာ "

ဒါကို ကြားပြီးတော့ ကူယွမ်က ပြည့်ပြည့်စုံစုံ နားလည်သွားပြီ၊ သူမကို နှစ်ပေါင်းများစွာ စောင့်ကြည့်လာခဲ့တာဆိုတော့ သူ့အတွက်တော့ ဒီအခေါ်အဝေါ်က လွယ်ကူနေမှာဘဲ။

ကျီချီစန်း : " မားမှာ ဘာမေးစရာများ ကျန်နေသေးလဲ "

သူမ မေးချင်တဲ့ မေးခွန်းတွေကတော့ တကယ်ကိုမှ အများကြီး ကျန်နေသေးတယ်။

ဒါပေမယ့် ဒီလို အသက်ကြီးကြီး သားနဲ့ မျက်နှာချင်းဆိုင်နေရတာ နည်းနည်းတော့ မသက်မသာ ဖြစ်နေတယ်၊ သူမစိတ်ထဲ မေးခွန်းတွေ ထပ်မေးဖို့လည်း ရှက်ကိုးရှက်ကန်းဖြစ်နေတယ်၊ဒါနဲ့ သိပ်ပြီး မထိခိုက်စေမယ့် မေးခွန်းမျိုးကိုဘဲ ရွေးချယ်ပြီး မေးမြန်းလိုက်မယ် " မင်းက တက္ကသိုလ်ကနေ ဘွဲ့ရပြီးသွားပြီလား ?"

ကျီ ချီစန်း : " မား ၊ ဒီလို ထက်မြတ်တဲ့ ဗီဇကို အမွေပေးထားလို့ တကယ်ကို ကျေးဇူးတင်ပါတယ်၊ ငယ်ငယ်ကတည်းက ကျွန်တော့်IQက အရမ်းကို ထူးချွန်နေတာ၊ အသက်13နှစ်မှာဘဲ တက္ကသိုလ်ကနေ ဘွဲ့ရခဲ့ပြီးတော့  ထိပ်တန်းအဆင့်မြင့် ကျောင်းမှာ သင်ကြားခဲ့ပါတယ်၊ အသက်17ရောက်တော့ ကုမ္ပဏီမှာ ဝင်လုပ်ပြီး အခုဆို 6နှစ်‌ေကျာ်သွားပါပြီ၊ အလုပ်မှာ အဖေ့ရဲ့ တာဝန်တွေကိုတောင် ခွဲယူနိုင်နေပါပြီ "

ဒီလိူ ထူးချွန်လွန်းလှတဲ့ သားရှေ့မှာတော့ ကူယွမ်က အတင်းကို စိတ်တည်ငြိမ်အောင် စုစည်းနေရတယ် " အိုး..ငါသိပါပြီ "

သူမ နှလုံးသားလေးကတော့ ရှော့ခ်ရပြီး ပြိုလဲလို့နေပြီ။

ငိုချင်းသာ ချလိုက်ချင်တော့တယ်၊ ဘယ်လိုတောင် ထူးချွန်လိုက်တဲ့ မျိုးရိုးဗီဇကြီးလဲ ? ဒါက သူမဆီမှာကျ ဘာလို့ သက်ရောက်မှု မရှိရတာတုန်း ? သူမငယ်ရွယ်စဉ်တုန်းကလည်း လှပတာအပြင် အခြား ထူးခြားတာမျိုး မရှိဘူး၊ တက္ကသိုလ်ရောက်တော့လည်း သိပ်ပြီး အတော်ကြီး ဟုတ်မနေဘူး။