الكبيره بقلم / لولو_محمد ( كامله )

الحلقه ٢٥

((((((( الكبيره ))))))))
#لولو_محمد
الحلقه ٢٥
جابر / والله منصور ناوى على حكايه كدا بس لازم ياخد فيها الاذن الاول .. بقولك ايه خشي راضيها بكلمتين و باركيلها هى حاسه انها وحدانيه و دا هيخليها ضعيفه يتلعب بيها بسهوله طمنيها و حسسيها انك فى ضهرها مهما كانت النتايج
نجاه / تمام
نجاه تدخل اوضه ياسمينا تلاقيها بتعيط تطبطب عليها
نجاه / تحبى ننزل نشترى طقم جديد للحلقه بتاعتك
ياسمينا تمسح دموعها و تبص لنجاه
نجاه / انا عارفه ان الهدوم اللى عندك تفتح مول بحاله بس انتى دلوقت هتبقي نجمه و لازم
ياسمينا تحضن نجاه
نجاه / كلنا بنحبك يا ياسمينا و ان كان صدر مننا حاجه فدا من خوفنا عليكي مش اكتر
ياسمينا / انا مش بعمل حاجه غلط
نجاه / قومى اللبسي انا كمان مخنوقه و عاوزه اغير جو قومى قومى
ياسمينا / مالك جابر قالك حاجه ضايقتك
نجاه / ابدا يلا يلا نتكلم بره يلا ما تضيعيش وقت
ياسمينا / ماشي
ياسمينا تقوم و نجاه متبعاها
نجاه / عدى الحكايه دى على خير يا رب
........................
فى اوضه خديجه
خديجه بتكلم ماجده فى التليفون
خديجه / اقسم بالله لسه قافله مع نجاه بتقولى البت نفسيتها فى الارض و ما بتفصلش عياط
ماجده / انا نبهت على منصور ما يتعرضلهاش و ما لوش دخل بيها تانى مش على اخر الزمن هنسمع نقوره من اللى يسوى و اللى ما يسواش عشان انتوا مش عارفين تحكموا حريمكوا
خديجه / مالك يا ماجده من امتى بتتكلمى بالطريقه دى
ماجده / انا عمرى ما اتمنيت ان حد من عيالى يبقي الكبير بس اللى فاكر انى هبله و لا مش فاهمه الحركات اللى بتحصل ضد عيالي يبقي واهمين
خديجه / اقسم بالله ما عارفه بتتكلمى عن ايه
ماجده / بتكلم عن اخت جوزك و ابنها
خديجه / اخوكى يعني
ماجده / اخويا نفسه و منا عينه ابنه يبقي الكبير بس القانون قانون ما يقدرش يعمل حاجه انما كيد النسا مفيش اسهل منه تطير اللى يقف قصاد ضناها و تشوهه و تضيع تعبه
خديجه / فهمتك بس منصور فعلا غلط يا ماجده
ماجده / غلط لما خاف على بنت بلده غلط لما حاول يحميها غلط لما ساب حاله و ماله و راح اخر الدنيا عشان يحميها و يحمى بنت خالته طب والله كويس انى عرفت عشان اعلمهم بعد كدا ما يغلطوش
خديجه / انا ما قولتش كدا انا قولت ان دوره خلص لما وصلها السرايا و جابر استلم منه خلاص يرتاح و يشوف اللى وراه لحد ما نطلب منه تانى
ماجده / على العموم اهو راجع ما تطلبوش منه حاجه تخص البت دى تانى مش انتوا تدلعوا و انا اشيل الطين
خديجه / عيني يا اختى مش هنطلب منكوا حاجه تانى و احنا الحمد لله مش قليلين و انتى عارفه
ماجده / ربنا يزيد و يبارك تزيدوا ما تنقصوش
خديجه / عشتى يا اختى عشتى
......................
فى اوضه ماجده
دياب / ليه كدا بس يا اما
ماجده / من غلبي هعمل ايه يعني
دياب / منصور غلط يا اما قولتله يروح لجوز خالتى قولتله ما يسافرش
ماجده تبصله بطرف عينها و تتنهد
دياب / يلا ربنا يهدى
ماجده / شاهين ابن امه ما خدش من ابويا الله يرحمه غير اسمه دلع سماح فيه خلاه ما ينفعش يبقي الكبير
دياب / مين عارف ما يمكن يتغير العمر قدامنا طويل و ربنا يدى لخالى طوله العمر
ماجده / الناس لسه فكرانى ماجده بتاعه زمان طب زمان كان حقى انا و سهل افرط فيه عشان المركب تمشي بس حق عيالي اللى ما لهمش غيرى يقف فى ضهرهم و لا عشت و لا كنت لو فرطت فى شعره منه
دياب / الكلام ده لما كنا صغيرين انما احنا دلوقت رجاله و كل واحد فينا يشيل الشيله بطوله
ماجده / اطلع انا منها يعني
دياب يقوم يبوس ايد ماجده
دياب / دا انتى الخير و البركه ما لناش غيرك بس اهدى و ما تاخديش الدنيا على اعصابك احنا وقت الجد هنعرف ناخد حقنا و اهو يا ستى وفرى تعبك لوقت عوزه
ماجده / بقولك ايه روح شوف وراك ايه و سبنى ارتاح انا مش فايقه لكلام مع حد
دياب / و ماله ما دام هترتاحى اتوزع فتك بعافيه
دياب يطلع بره
ماجده / ربنا ما يوريني فيكوا حاجه وحشه ابدا يا ولادى
...........................
فى كافيه فى مصر
ياسمينا / ارجع معاكى فين يا بنتى ما خلاص كانت صفحه و اتقفلت
نجاه / دا بجد الكلام الاهبل ده
ياسمينا / هو انا هحكي فى المحكى ليه ما انتى عارفه كل حاجه دا كان شرطهم و انا وافقت ... اه كنت فاكره زيك كدا ... بس الحمد لله كل حاجه بانت بدرى بدرى بدل ما كنت ضيعت عمرى فى العشم
نجاه / على فكره انتى غلطانه
ياسمينا / انا تعبت يا نجاه تعبت من المعافره عشان
نجاه / معافره ايه انتى لسه بتقولى بسم الله انتى هتصدقى نفسك
ياسمينا / ماشي
نجاه / دول اهلك ليكي غيرهم فى الدنيا
ياسمينا / الحمد لله ليا رب اسمه كريم
نجاه / و نعم بالله بس
ياسمينا / انتى خارجه معايا عشان اغير جو فلو سمحتى ما تقفليتيش و تقلبي عليا المواجع
نجاه / بشوقك بس خليكي فاكره انى قولتلك انك غلطانه
ياسمينا / ماشي ماشي هو الاوردر اتاخر ليه ايه الخدمه دى
نجاه / اهدى زمانه جاى ادينا قاعدين ورانا ايه يعني
ياسمينا / محتاجه اكل شوكليت اوى
نجاه / جاى جاى
....................
فى اوضه هند
هند / طب و بعدين
مختار/ عوزانى اعملها ايه يعني
هند / ما اعرفش اتصرف
مختار يبصلها
هند/ طب اكلمها انا اعاتبها
مختار يورى هند شاشه موبايله فيها نقطتين بعاد عن بعض جدا
مختار / ده مكان سلسله ياسمينا و ده مكان سلسله نجاه اللى قاعده دلوقت مع ياسمينا تفهمى من ده ايه
هند / يمكن نسيتها
مختار / تفتكرى
هند / ما شوفتش تخلف كدا فى حياتى انا تعبت
باب الاوضه يخبط
مختار/ مين
شاكر يفتح الباب بالراحه و يدخل راسه
شاكر / عمتى ام عباده بتناديكي عشان تزاكرى لرحمه فى اوضتها
هند / جايه
مختار / تعال يا شاكر
شاكر يدخل و يقفل الباب
مختار / اخبار المزاكره ايه معاك انت و اخوك
شاكر / بخير الحمد لله حتى اسال الأساتذة
مختار/ طب جهز حالك انت و اخوك عشان احتمال تسافروا يومين كدا مصر عند خالتك
شاكر / بجد يا با
هند / انت شايف ان دى فكره كويسه
هند تقف معوجه و ترفع حاجبها مختار يتعصب
مختار / انا مفيش فى دماغى افكار خلاص تعبت و جبت جاز دا لو كان دكر قدامى ما كنش استجرى يعمل كدا انا تعبت الله
مختار يسيب المكان و يمشي هند تزعق
هند / ما هو من دلعك فيها
شاكر / مشي على فكره
هند / و انت مالك انت
شاكر / انا اسف
شاكر يمشي و هند تقعد على السرير تنفخ و تقوم تطلع بره و ترزع الباب وراها
......................
فى عربيه جابر
جابر سايق و ياسمينا و نجاه راكبين ورا و بيتكلموا
جابر / والله انا مع نجاه و مفيش داعى للمكابره
ياسمينا / قولهم هم
جابر / الصغير هو اللى بيراضي الكبير يا ياسمينا
ياسمينا/ لما اكون غلطت انما انا ما غلطتش فى حاجه
نجاه / مش لازم حد يكون غلطان بس اجبرى بخاطرهم
ياسمينا / بعد اللى عملوه معايا
نجاه / لا انا تعبت مش هنعيده و نزيده
تليفون ياسمينا يرن
ياسمينا / والله قولتلكوا ريحوا نفسكوا انتوا اللى غاويين تعب ... الو
شاب / انسه ياسمينا
ياسمينا / ايوه
الشاب / انا يوسف رشوان مدير اعمال تيم الشرقاوى
ياسمينا / اهلا و سهلا
يوسف / لو حضرتك فاضيه ياريت نتقابل حابب اتكلم مع حضرتك فى موضوع باذن الله هيفرق فى مستقبلك المهنى
ياسمينا / تمام امتى
يوسف / انا فى مكتبى دلوقت لو حابه تنوريني اهلا و سهلا تحبى نتقابل فى اى مكان تانى ما فيش اى مشكله
ياسمينا / ثوانى
ياسمينا تقفل الصوت
ياسمينا / دا مدير اعمال تيم عاوز يقابلنى عشان الشغل ايه رايك
جابر / ابعتيله لوكيشن البيت خليه يجي
ياسمينا/ البيت
جابر / اه احنا عشر دقايق و نوصل باذن الله يجي و يضايف و نقعد معاه و نشوف حكايه الشغل ده ايه و اهو على الاقل يشوفلك اهل
ياسمينا / تمام
ياسمينا تفتح المايك
ياسمينا / انا باذن الله عشر دقايق و اروح ممكن لو مش هتعب حضرتك تنورنى
يوسف / ابدا ابدا دا يشرفنى حضرتك ابعتيلى اللوكايشن و انا مسافه السكه اكون عندك
ياسمينا / و انا فى انتظارك ... تمام فى حفظ الله سلام
ياسمينا تقفل
ياسمينا/ دا مدير اعمال تيم الشرقاوى ايه الشغل اللى ممكن يعوزنى فيه
نجاه / مش قولتى هتستضيفيه فى اول حلقه
ياسمينا / ايوه
نجاه / خلاص يبقي اكيد هيرتب معاكى المواعيد و التفاصيل
جابر / يا خبر بفلوس حالا يبقي ببلاش
ياسمينا / بس احنا برده لازم نقدمله حاجه عليها القيمه ما ينفعش شاى بس صح و لا ايه
جابر / لا ما تشغليش بالك قبل ما يوصل هكون مظبطلك الدنيا
ياسمينا / ربنا يخليكوا ليا بجد مش عارفه من غيركوا كنت عملت ايه
نجاه / ربنا يهدى
ياسمينا / نعم !!
نجاه / ربنا يهدى ربنا يهدينا جميعا ايه هتكبرى على الهدايه كمان
ياسمينا / انا متحمسه دلوقت و مش هسمح لحاجه تضايقني ... بسرعه شويه يا جابر بعد اذنك
.............................
فى المنصوره
امايا و جوزيف بيقفلوا عربيه بوكس على كميه الكلاب
امايا / انت وعدتنى
جوزيف / انا التعليمات اللى عندى انى اسربهم بس انا محافظلك عليهم و هجبلهم فيلا يعيشوا فيهم و ناس تراعيهم وتاكلهم و اكتر من كدا ما عنديش
امايا / المهم يكونوا ناس كويسين و بيتقوا ربنا
جوزيف / انا مش قادر ارد عليكي انتى حرفيا مفيش فيكي رجا
امايا / انت بتتعصب كدا ليه كل ما اجيب سيره ربنا
جوزيف / مش بقول مفيش فايده اتفضلي عشان اتاخرنا و لسه فى طريق
امايا / يووووه انت علاطول مسربعنى كدا
امايا تركب عربيه جوزيف و ترزع الباب و تنفخ
......................
فى شقه نجاه
يوسف بيتكلم مع جابر و نجاه و ياسمينا قاعدين و فى على الترابيزه جاتوهات و ساليزونات و عصير
يوسف / طبعا مدير الاعمال مش بس بيرتب مواعيدك اقل ابليكاشن على الموبايل يظبط الحكايه دى لكن لا دا بيدورلك على العروض المناسبه و نسبتك من الاعلانات و اداره السوشيال ميديا بتاعتك و الدعايا
جابر / بس مش كل ده الشركه محدداه فى العقد
يوسف / جزء منه اه لكن بعد مده العقد ما تخلص هتعملى ايه القناه بتعلن عن البرنامج بس انا بعلن عنك انتى و ده مش بس هيزود مشاهدات البرنامج ده هيثبتك و يعلى اجرك دا غير مصدر دخل تانى ممكن بشويه شغل مننا يوصل العائد بتاعه لاعلى من اجرك فى البرنامج نفسه
نجاه / ما تاخذنيش حضرتك اسم كبير برده و مدير اعمال نجم كبير زى تيم ايه اللى هتستفيده من واحده لسه مصورتش حلقه واحده حتى زى ياسمينا
يوسف / والله انا شخصيا و اسف على اللى هقوله مش هستفيد اى حاجه بس نعمل ايه بقي فى تيمو اصر جدا انى اتولى بنفسي كل ما يخص الانسه ياسمينا و عندى تعلميات صريحه و مباشره انى اسهلها كل حاجه بحيث تضمن نجاحها فى اسرع وقت
ياسمينا تبتسم
جابر / و حضرتك ناوى على ايه يعنى
يوسف / اول حاجه هنرتب لحلقه تيم و دى لوحدها بيتعملها دعايا قويه جدا و تصوير اكتر من بروموا و اعلانات فى الشوارع و طبعا فى فريق عمل مع ياسمينا هيتولى لبسها و مكياجها
ياسمينا / بس انا بحب اعمل حاجتى بنفسي
يوسف / مفيش اى مشكله بس اكيد حد يساعدك او راى تانى مش هيضر و لو مش عوزاهم بلاش بس انا بقول نجرب فى الاول
ياسمينا تبص لنجاه
جابر / تمام انا شايف انها تاخد فرصه برده تفكر و تشوف الدنيا و بعدين
يوسف / حقها طبعا بس اللى اعرفه ان تصوير حلقه تيم هيكون الاسبوع ده قبل ما يسافر دبى عشان التور بتاعه الفيلم بتاعه فعشان كدا اصريت اننا نتقابل النهرده عشان اللحق اشتغل
جابر يبص لياسمينا
ياسمينا / تمام انا موافقه
نجاه / هو تصوير الحلقه هيبقي امتى
يوسف / اعتقد الجمعه فى المحله
جابر / و اشمعن المحله
يوسف / مش انتوا عاوزين التصوير يبقي فى مسقط راس الضيف تيم من المحله اصلا ففى جزء هيتصور فى المحله و جزء هيتصور فى الاستوديو لما ترجعوا ان شاء الله عشان اللى فهمته من فريق الاعداد انه هيبقي مترتب على الجزء بتاع المحله
ياسمينا / و هو فريق الاعداد ما تواصلش معايا ليه نرتب سوا
يوسف / انا مش هكدب عليكى الشركه اشتغلت على البرنامج خلاص و انتى لسه ما اكدتيش اشتراكك اذا كنتى فيه او لا
ياسمينا / بس دى فكرتى انا
يوسف / و للامانه المهنيه لازم ابلغك انك لو ما بداتيش التصوير فى ثانيه هتلاقي اعلانات البرنامج نازله بواحده غيرك
ياسمينا تقوم تجيب موبايلها و نجاه تقوم وراها يدخلوا الاوضه
جابر / تقصد انها لازم تمضى العقد فى اسرع وقت
يوسف / التليفزيون و السينما الثانيه بفلوس الناس مش متخيله كميه الضغط الحقيقي اللى بيكون فى الشغل دا حتى الاجازات بتكون بترتيب من قبلها بفتره ياما بنضغط الشغل و نسجل حلقتين تلاته نعرضهم و فى ترتيبات تانيه كتير
جابر / بس النسبه بتاعتك دى شاملاك انت و فريق العمل و الدعايا و كل الحاجات اللى قولت عليها دى و لا دى هتبقي مصاريف تانيه برده على ياسمينا
يوسف / لا طبعا شامله كل حاجه انا نسبتى عشره فى الميه بس و دى اقسم بالله عشان تيم لكن انا باخد من تيم تلاتين مع ان العشره فى الميه من تيم تجيب تسعين فى الميه من ياسمينا
جابر / بس انت هتاخد اربعين فى الميه من ياسمينا
يوسف / تيم نجم انا مش بصرف على دعايته حاجه لو هيطلع فى برنامج بيقبض و البرنامج هو اللى بيصرف على دعايه الحلقه لو هيعمل إعلان هيقبض او هيحضر ايفنت هيقبض لو هيصور فيلم هيقبض و الانتاج هو اللى هيصرف على الدعايا انما ياسمينا لسه بنعملها يعنى هتحتاج شويه شغل فى الاول لحد ما العجله تمشي و تجيب فاهمنى حضرتك
جابر / فاهمك
ياسمينا تطلع من الاوضه و هى بتتكلم فى التليفون
ياسمينا / تمام باذن الله هعدى على حضرتك بكره الصبح ... لا لا مش هنسي اجيب العقد ... تمام فى حفظ الله فى حفظ الله
ياسمينا تقفل السكه يوسف يقوم يقف جابر يقف
يوسف / على العموم انا تقريبا قولت كل اللى عندى فكرى براحتك و بلغيني بردك
ياسمينا / انا موافقه و باذن الله هكون فى الشركه بكره الصبح عشان نحدد كل التفاصيل
يوسف / تمام هحاول افضي نفسي و اقابلك هناك و هجبلك العقد معايا تمضيه
ياسمينا / تمام اتفقنا
يوسف / تمام استأذن انا عشان ورايا مشاوير بالهبل عن اذنكوا
جابر / طب كمل العصير طيب
يوسف / الجايات اكتر عن اذنكوا
جابر يوصل يوسف و ينزل معاه
ياسمينا / خلينا بقي نقعد نلف نورى العقد لكل الناس و نرغى و نلت و نعجن لما اصحى فجاه الاقى الحلقه بتتزاع بمزيعه تانيه
نجاه / امال نندب على وشنا
ياسمينا / بصى انا داخله اجهز حاجتى و انام تصبحى على خير
نجاه / و انتى من اهله
ياسمينا تدخل اوضتها و نجاه تلم الحاجه اللى على الترابيزه
....................
فى سرايا الزنايته
منصور نايم فى اوضته الباب يخبط و يتفتح و ماجده تدخل و هو مش حاسس بحاجه تروح تقعد جنبه بشويش
ماجده / منصور منصور
منصور يفتح بالعافيه يشوف امه يبتسم و يقوم يقعد
منصور / صباح الخير يا ست الكل
ماجده / قول مساء الخير بقولك ايه الرجاله تحت قوم اتشطف و اللبس حاجه حلوه و انزل خد وقتك هم عارفين انك نايم
منصور / حاضر
منصور يجي يقوم ماجده تمسك ايده
ماجده / اخلع من سكه ياسمينا يا منصور مش هيجيلك من السكه دى غير وجع الدماغ
منصور / ياسمينا ما لهاش دعوه بالحوار كله يا امى
ماجده / عجباك ؟
منصور / هى مين دى ؟
ماجده / على امك يا وله
منصور/ على امى و ابويا
ماجده / الله يرحمه
منصور يتعدل فى وقفته
منصور / الله يرحمه ... انا ما بفكرش فى ياسمينا بالطريقه دى زيها عندى زى نجاه
ماجده / و انت كان حد قالك ان نجاه اختك فى الرضاعه ما هى تجوزلك و ان عقلك وزك فى يوم
منصور / هههههههههههه انتى عاوزه تخلصي منى و لا ايه ان ما كانتش ياسمينا خد نجاه اى ته مربوطه و السلام
ماجده / كلنى فى الكلام يا ابن عباس كلنى
منصور / و انا هلاقى احلى منك افطر بيه يا حلو انت يا طعم
ماجده / اتلم يا واد وانجز الرجاله مستنينك تحت
منصور/ حاضر ايه الفصلان ده حاضر
.........................
فى شقه نجاه
نجاه قاعده بتزاكر تليفونه يرن رقم غريب ترد
نجاه / السلام عليكم
مازن / ازيك
نجاه / مين معايا
مازن / هو انتى مش مسجله رقمى و لا ايه
نجاه / و اسجل رقمك ليه كنت من باقي اهلى ما تنطق انت مين و لا اقولك بلاها
نجاه تقفل السكه
نجاه / دا ايه المرار الطافح ده
التليفون يرن تانى نجاه تتنهد و ترد
نجاه / افندم
مازن / انتى خلقيه كدا ليه انا مازن
نجاه / مازن مين
مازن / لا اله الا الله مازن التونسي اللى معاكى فى الكليه
نجاه / ااه اهلا و سهلا خير
مازن / ازيك
نجاه / لا اله الا الله ... الحمد لله خير اؤمر
مازن / باكد عليكي تيجي النهرده و هبعتلك اللوكايشن واتس
نجاه / هو انت الادب ما بياكلش معاك
مازن / ليه بس كدا
نجاه / بص انت العيب مش عليك و من غير سلام
نجاه تقفل و تعمل بلوك و ترزع الموبايل
نجاه / دا انت اللى فى سئالتك ماتوا فى سنه سبعين يا بااااى
باب الشقه يتفتح و تدخل ياسمينا
نجاه / طب قولى السلام و انتى داخله
ياسمينا / سورى السلام عليكم خير مالك عامله ميه و حداشر ليه
نجاه / لا انا تمام ايه الاخبار انتى طمنيني
ياسمينا تقعد جنب نجاه
ياسمينا / بيجهزوا الديكور بتاع الاستوديو الأفكار بجد كلها كرياتيف و جميله اوى و واضح ان البادجيت كبيره و ده اكيد يفسر ليه هم مستعجلين اوى كدا
نجاه / اتفقتوا على كل حاجه يعني
ياسمينا / ايوه صورت البروموا كمان بس ما رضيوش اغير اسم البرنامج زى ما تيم اقترح قالوا خلاص تو لايت
نجاه / شمس مصريه حلو مش وحش
ياسمينا/ اقولك سر
نجاه/ قولى
ياسمينا / انا لما شوفت الناس و هى بتشتغل خفت اوى
نجاه/ بعد كل ده هتخافى
ياسمينا / قلقت يعني عارفه دخلنا فى الجد خلاص لو نجحت ... بس لو فشلت
نجاه / و انا اكمل يعني و لا ايه ما تنطقى يا بنتى عشان افهم
ياسمينا / لو فشلت يا نجاه كل الناس اللى اتحدتيتها دى هيشمتوا فيا و لو نجحت برده هبقي لوحدى و حتى لو رجعنا لبعض هفتكر انهم ما وقفوش جنبى و اتخلوا عنى و رجعوا بس لما نجحت ووصلت طب كنتوا فين قبل كدا كنتوا فين فى الوقت اللى زى ده وقت ما كنت خايفه و لوحدى
نجاه / لو نجحتى او فشلتى دول اهلك لا اتخلوا عنك و لا هيشمتوا فيكى هيقفوا فى ضهرك و يسندوكى
ياسمينا / ازاى بتقولى ما اتخلوش عنى بعد كل اللى حصل
نجاه / لانهم ما اتخلوش عنك يا ياسمينا لسه متابعين اخبارك اول باول و بيطمنوا عليكي لحظه بلحظه انتى اللى طلبتى تخرجى من طوعهم انتى اللى قولتى انا كبرت و مش محتاجاكوا و هم ادوكى فرصتك اللى طلبتيها بس وقت ما تحتاجيهم
ياسمينا / قالولى بطلى دلع
نجاه / دا انتى قلبك اسود اوى
ياسمينا / ما انتى ما حستيش باللى حسيته وقتها
ياسمينا عنيها تتملى دموع
ياسمينا / انا عمرى ما حسيت باليتم اللى انا فيه غير فى اللحظه دى استنجد بيك و ده ردك طب افرضي منصور كان خاطفنى بجد ما هواش ملاك يعني لدرجه انك تصدقه و تكدبنى
نجاه / فى اختراع اسمه جى بى اس اكيد هم شايفين انتى فين و خط سير العربيه و بعدين لعلمك بقي الكل قايم على منصور و كلنا غلطناه ما حدش اتخلى عنك يعني
ياسمينا / انا تعبت من الكلام فى الحكايه دى اقولك انا هقوم اخد دوش سريع كدا و اجيلك نعمل شويه ماسكات و نفرفش
نجاه / بقولك ايه فكك منى ورايا مزاكره
ياسمينا / انتى هتفضلي هبله لحد امتى يا بنتى الكتب دى مش هتنفعك وقت الجد الماسكات بتاعتى دى هى اللى هتنفعك
نجاه / قولى والله
ياسمينا / والله لتكونى فاكره ان جوزك المستقبلى هيقعد يرطن قصادك لا يا ماما فوقى الست ما لهاش الا بشرتها و صحتها غير كدا شكليات وسعى كدا
ياسمينا تقوم و نجاه متبعاها بابتسامه
......................
فى سرايا الزنايته
منصور / يا جدعان انا غلطان و استاهل ضرب الجزمه عشان ننهى الحته دى و ندخل فى المفيد ينفع يعني و لا ايه
مغاورى / ما تتكلم بادب ياض يا منصور
منصور / حقكوا عليا انا اسف
منصور ياخد نفس عميق و يطلعه
امين / انا سالت كل الناس اللى اعرفهم اه حصل فى قيل و قال و محاضر اتعملت و بلاغات اتقدمت بس كلها يا فشنك يا اتسحبت مفيش اى حاجه اتثبتت بالعكس فى منهم كذا حاله زى ما بيقولوا كدا جيت تصيده صادك و البت هى اللى اتحبست بتهمه التشهير و كلام من ده يعني حرفيا الناس دى لو فعلا زى ما بتقول ما بيلعبوش
دياب / الوليه اللى لسه خارجه من السجن دى
امين / اهى دى حاله لوحدها عصفورين كناريا و مولعين النت صورهم و حبهم و عاملين كام فيلم سوا مكسرين الدنيا و فجاه تطلع بايعه كل حاجه تملكها حرفيا لتيم جوزها الا شقه قسط مدفوع مقدمها بس يتقبض عليها فيها مع شويه شباب و هم بيصوروا حاجات استغفر الله العظيم و مش بس كدا يطلعلها فيديوهات انيل و هى فى المحكمه اتهمت تيم ان هو اللى عمل فيها كدا و انها ما تعرفش اى حاجه عن الفيديوهات دى و ان الشقه دى هديه من تيم راحت تشوفها داخت و فقدت الوعى صحيت لقت الحكومه بتطب على المكان و اتمسكت بالكلام ده لاخر ثانيه مع ان كل اللى اتقبض عليهم انكروا و قالوا انها عارفه و ان هى اللى بتقبضهم و فعلا لقوا تحويلات من حسابها لحسابتهم و مفيش جنيه متحول من حساب تيم و لا حتى الحساب المشترك اللى بين تيم و الوليه دى
عباده / مفيش حد ما بيغلطش
امين / فى بنات كتير وقت الحكايه دى طلعوا و قالوا ان حصل معاهم كدا و اتهموا كمان الجدع اللى اسمه فادى ده انه كان يعني لا مؤاخذه بيتحرش بيهم او يعني اعوذ بالله بيجبرهم على حاجات تانيه مقابل انهم يمثلوا و لما بيرفضوا بيسلط عليهم ناس و حاجات من دى و منهم بنت كان مرتبط بيها قالت انه بيصورها و كدا بس كل ده برده طلع فيشنك فى الاخر و فى بنات منهم طلعلها فيديوهات وحشه و منهم اللى برده سحبت البلاغ او قفلت الاكونت
منصور / احنا بقي لو حاولنا نوصل للبنات دى
مختار / لو كان فى حاجه ممكن نطلع بيها منهم كان زمانها طلعت من زمان
منصور / خلاص نفضها سيره بقي و كل واحد يروح على بيته
مغاورى / ما تلم نفسك بقي بدل ما اقوملك
عباده / حاولوا تتواصلوا مع الحريم دول بس بعيد عننا
دياب/ ازاى يعنى
عباده/ لو ظهرتوا فى الصوره هنحط ياسمينا فى وش المدفع
مختار/ او هيقلبوا علينا الكفه و نظهر ما بنحبش مصلحتها و الكلام الخايب بتاعها ده
امين / على فكره فى احتمال و لو بسيط ان يطلعوا سلام فعلا و ان كل ده كيد حريم انا بقول عشان يكون الاحتمال ده معانا فى الصوره و كدا
منصور / ما ينفعش نغمض عيونا عن كل ده و نقول
امين / المتهم برئ حتى تثبت ادانته مش متهم حتى تثبت برائته
منصور / بس
عباده / منصور
منصور يبص لعباده و الكل يسكت
عباده / احنا كدا كدا مراقبينهم نفر نفر فاهدى
منصور / لو كانت مراقبتهم من بعيد هتفيد
مختار / ما قولنا ما نقدرش نبان فى الصوره
منصور/ انا اقدر ادونى الاذن بس و انا
مختار/ انت بالذات لا انت دونا عن الخلق كلها لا
منصور / هم اللى هيجروا ورايا ادونى الاذن بس
دياب / ما تعتمدش كتير على اللى اتقال فى الريكورد ده
منصور / و هو لولا الريكوردات دى كنا شكينا فى حاجه ... ادونى الاذن بس فرصه واحده ان خيشت قسما بالله ما هقرب منها تانى قسما بالله هفكنى من الحوار تمه بس ابوس ايديكوا ادونى الطلعه دى
مختار و مغاورى و عباده يبصوا لبعض
عباده / فرصه واحده بس
منصور / و هى الفرصه قسما بالله
......................
فى كليه نجاه
نجاه واقفه قدام الدفعه بتتكلم
نجاه / A child is born unable to speak, and as soon as he hears words and sounds, he gradually learns them and begins to associate every word with what is required of them. Just as if you traveled to a foreign country in the beginning, you will have difficulty in handling and understanding, but with the passage of time and communication with the inhabitants, you will gradually begin to acquire the language until you master it as if you were born there. But this will not negate that some immigrants retain accents. Once you hear it, you will infer their origin, such as the Russians and Indians, but this in fact will not matter as long as the language is correct and understandable.
( الطفل بيتولد مش عارف يتكلم لكن بالتدريج لما بيسمع الكلمات و الاصوات بيبدا يتعلم و يربطهم بالمطلوب من كل واحده . بالظبط زى لو سافرت بلد اجنبى فى الاول هتعانى شويه فى التعامل و الفهم بس مع الوقت و الاحتكاك بالسكان هتكتسب اللغه لحد ما تتقنها و تتكلمها زيهم. بس دا ما يمنعش ان فى ناس بتحتفظ بلكنات بمجرد ما بتسمعها بتعرف اصلهم ايه زى الهنود و الروس بس دا مش مهم طالما اللغه سليمه و مفهومه )
الدكتور / and that is how you learned English
( انتى اتعلمتى الانجليزى كدا ؟)
نجاه / as a mater of fact yes I have learned many languages ​​in this way, the most important of which are Russian, Turkish, French, German and other languages, some of which I mastered and some of which I am still learning, and some of them I try not to lose hope in them, but for the for the most yes, I learned by listening and practicing.
( فى الحقيقه ايوه انا اتعلمت لغات كتير بالطريقه دى اهمها الروسيه و التركيه و الالمانيه و الفرنسية و لغات كتير فيها اللى اتقنتها و فيها اللى لسه بتعلمها و فيها اللى بحاول ما افقدش الامل فيها بس الاغلب ايوه انا اتعلمت بالممارسه و الاستماع )
الدكتور / so what are you doing here
( امال انتى هنا بتعملى ايه )
نجاه / This method does not guarantee that you will learn to read or write. Yes, you will understand and speak, but only by hearing. Writing and reading require more time to memorize words and letters and the sound of each letter. There are silent letters and vowel letters and letters that have the same sound or give different sounds when comes before or after certain letters So I decided to combine my hobby with my studies to get more time to learn languages, in addition to gaining more experiences from you.
( الطريقة دى ما تضمنش أنك هتتعلم القراءة أو الكتابة. اه هتفهم و هتتكلم ، بس من خلال السمع. الكتابة والقراءة عايزه وقت اكتر لحفظ الكلمات والحروف وصوت كل حرف. فى حروف صامتة وحروف متحركة وحروف لها نفس الصوت أو بتدى أصواتًا مختلفة لما بتيجي قبل أو بعد حروف معينة ، عشان كدا قررت الجمع بين هوايتي ودراستي عشان الاقى وقت اكتر اتعلم اللغات ، و اكتساب الخبره منك.)
الدكتور بيضحك
الدكتور / thank you najat
( شكرا يا نجاه )
.........................