Rain On Me (Completed)

VOCÊ ESTÁ LENDO

Conto

🏅Best Fiction Award (Eden Contest) မိုးတဖွဲဖွဲရွာတဲ့ နေ့လေးတစ်နေ့မှာ ကျွန်တော့်ဘဝရဲ့ ပထမဆုံး သူငယ်ချင်းနဲ့ ဆုံတွေ့ခွင့်ရခဲ့တယ်။ နောက်တော့ သူက ကျွန်တော့်ရဲ့ ပထမဆုံးချစ်သူဖြစ်လာခဲ့ပြီး မိုးရာသီဇာတ်လမ်းလေးတစ်ပုဒ် ဖြစ်တည်လာခဲ့တယ်။

#bl #btsfanfic #edencontest #jinsoohyuk #myanmar #taekook #taekookfanfic

VIII. Falling in Taehyung

Começar do início

de Jinsoohyuk_0127

မိနစ်အနည်းငယ်ကြာ အနမ်းဖလှယ်အပြီးမှာတော့ ကျွန်တော်တို့နှစ်ယောက်လုံး မိုးရေတွေရွှဲစိုနေခဲ့ပါပြီ။ ဒီအချိန်မှာပဲ မိုးရေကြောင့် မျက်နှာရေစိုနေတာကို အကာအကွယ်ယူပြီး မျက်ရည်တွေသွန်ချလာတဲ့ အစ်ကိုထယ်ကြောင့် ကျွန်တော့်ရင်ထဲ ထိတ်ခနဲဖြစ်ရပြန်တယ်။

" အစ်ကို ဘာလို့ငိုနေတာလဲ။ ကျွန်တော် ဘာမှားသွားလို့လဲ "

ကျွန်တော့်မေးခွန်းကြားတော့ အစ်ကိုထယ်က မျက်ရည်ဝိုင်းနေတဲ့ သူ့မျက်ဝန်းတွေနဲ့ ကျွန်တော့်ကို တွေတွေကြီးငေးစိုက်ကြည့်လာတယ်။ ကြည့်နေရင်းမှာပဲ မျက်ရည်တွေထပ်ပြီးကျလာပြန်တာမို့ မိုးရေတွေနဲ့ရောပြီး မျက်နှာပေါ် မြစ်တစ်စင်းပေါ်လာတော့မယ့်အတိုင်း။

" မင်းမမှားပါဘူး...အစ်ကိုပဲ မှားသွားတာ။ ကိုယ်ချစ်နေရတဲ့သူကိုမှ အခုလိုမျိုး အပေါစားဆန်ဆန် အမူအကျင့်မျိုး ဖော်ပြလိုက်မိတယ်။ ကိုယ့်ချစ်သူမဖြစ်သေးတဲ့ လူတစ်ယောက်ကို ေပးနမ်းတဲ့အထိ အစ်ကိုစျေးပေါသွားတယ်။ အခု မင်းအစ်ကို့ကို အပေါစားဆန်တယ်လို့ တွေးမိသွားမှာ အစ်ကိုသိပ်ကြောက်နေပြီ ဂျောင်ဂု "

အစ်ကိုက စကားပြောနေရင်းနဲ့ပဲ သူ့ခန္ဓာကိုယ်လေး တုန်လာတဲ့အထိ ခေါင်းလေးငုံပြီး ဆက်ငိုနေခဲ့တာ။ အစ်ကိုငိုနေတာမြင်ရတော့ တစ်စတစ်စ ကွဲအက်လာခဲ့တဲ့ ကျွန်တော့်နှလုံးသားဟာလည်း နာကျင်မှုအပြည့်နဲ့။

" ဟင့်အင်း အစ်ကို အဲ့လိုမတွေးပါနဲ့ဗျာ။ အစ်ကိုက ကျွန်တော့်ကိုသိပ်ချစ်လို့ ခွင့်ပြုပေးခဲ့တဲ့အနမ်းကို ကျွန်တော်ကိုယ်တိုင်ကလည်း လိုလိုလားလားရှိခဲ့တာပါ။ အစ်ကို့ကို တကယ်မြတ်နိုးလွန်းလို့ အစ်ကို့နှုတ်ခမ်းတွေကို ကျွန်တော် သိမ်းပိုက်ယူခဲ့တာ။ ကိုယ့်ကိုယ်ကို အပြစ်တင်နေမယ့်အစား ချစ်တယ်မပြောရသေးဘဲ အခွင့်အရေးယူမိတဲ့ ကျွန်တော့်ကိုသာ အပြစ်တင်လိုက်ပါတော့လားဗျာ "

အစ်ကို့ကြောင့် နာကျင်နေရတဲ့ ကျွန်တော့်နှလုံးသားဟာ နာကျင်မှုကို မျက်ရည်အဖြစ်ပြောင်းလဲရင်း ကျွန်တော့်မျက်ဝန်းအိမ်ကတစ်ဆင့် ပါးပြင်ပေါ်စီးဆင်းစေတယ်။ ငိုထားတဲ့အရှိန်ကြောင့်ရယ် မိုးရေတွေကြောင့်ရယ်...အစ်ကို့ခန္ဓာကိုယ်လေးက အဆက်မပြတ်တုန်ရီလာခဲ့တယ်။