Rain On Me (Completed)

YOU ARE READING

Noveller

🏅Best Fiction Award (Eden Contest) မိုးတဖွဲဖွဲရွာတဲ့ နေ့လေးတစ်နေ့မှာ ကျွန်တော့်ဘဝရဲ့ ပထမဆုံး သူငယ်ချင်းနဲ့ ဆုံတွေ့ခွင့်ရခဲ့တယ်။ နောက်တော့ သူက ကျွန်တော့်ရဲ့ ပထမဆုံးချစ်သူဖြစ်လာခဲ့ပြီး မိုးရာသီဇာတ်လမ်းလေးတစ်ပုဒ် ဖြစ်တည်လာခဲ့တယ်။

#bl #btsfanfic #edencontest #jinsoohyuk #myanmar #taekook #taekookfanfic

VIII. Falling in Taehyung

Start from the beginning

by Jinsoohyuk_0127

အစ်ကိုထယ်ကလည်း ကျွန်တော်နဲ့အတူ ခြေလှမ်းတွေရပ်လိုက်ပြီး တစ်စုံတရာ ပြောပြချင်နေပုံရတဲ့ မှုိင်းညို့ညို့မျက်ဝန်းတွနဲ့ ကျွန်တော့်ကို တွေဝေစွာငေးကြည့်နေခဲ့တယ်။ လူသွားပလက်ဖောင်းပေါ်မှာ ကောင်လေးနှစ်ယောက် မတ်တပ်ကြီးရပ်ပြီး အကြည့်ချင်းဆုံနေတာ အခြားသူတွေ ဘယ်လိုထင်မလဲ ဂရုမစိုက်နိုင်တော့တဲ့အထိပဲ။

မိုးပိုသည်းလာပြီး မိုးရေစက်တွေ ထပ်စင်လာပြန်တော့ ပူနွေးနွေးရင်ခုန်သံကြောင့် ခန္ဓာကိုယ်ကလည်း ချမ်းဖို့တောင် သတိမရနိုင်တော့..။ မျက်ဝန်းလှလှတွေနဲ့ ရွှန်းစိုစိုနှုတ်ခမ်းလွှာတွေဆီမှာ ညှို့ယူဖမ်းစားခံနေရပြီမို့ ကမ္ဘာလောကကြီးတောင် ရပ်တန့်နေသလိုပဲ။

" မင်းဆန္ဒရှိရင် မင်းစိတ်ထဲအလိုရှိသလို ငါ့ကို အသုံးချလိုက်ပါ။ ငါက မင်းကို သိပ်ချစ်နေရတာဆိုတော့ မင်းအခု ဘာပဲလုပ်လုပ် ငါခွင့်ပြုနိုင်တယ် ဂျောင်ဂု..."

သူ့သိက္ခာကိုတောင် ထည့်မတွက်နိုင်ဘဲ အညှို့ခံနေရတဲ့ ကျွန်တော့်ကို အလိုလိုက်ရှာတဲ့ အစ်ကို့ကြောင့် မြိုသိပ်ထားသမျှ ခံစားချက်တွေက အတားအဆီးမဲ့ ပေါက်ကွဲထွက်လာတယ်။ အစ်ကိုထယ်ကိုယ်တိုင် ခွင့်ပြုပေးတာကြောင့်လည်း ကျွန်တော်သိပ်စွဲလမ်းသွားတဲ့ အစ်ကို့နှုတ်ခမ်းတွေကို ဖြည်းဖြည်းချင်း အပိုင်သိမ်းယူလိုက်တယ်။

ကျောရိုးထဲအထိ ပူရှိန်းတက်လာသလို ခံစားချက်ဟာ နှုတ်ခမ်းနှစ်လွှာ ထိတွေ့ချိန်ကစပြီး တဖြည်းဖြည်း အရှိန်ပြင်းလာတယ်။ နူးညံ့အိစက်လွန်းတဲ့ အစ်ကို့နှုတ်ခမ်းတွေဟာ သောက်မဝတဲ့ နှစ်ချို့ဝိုင်တွေလိုမျိုး ကျွန်တော့်ကို အဆုံးစွန်ထိ ယစ်မူးသွားစေပြီး ရပ်တန့်မရအောင်ဖြစ်စေတယ်။

အသိစိတ်လွတ်သည်အထိ ယစ်မူးသွားခဲ့တာမို့ လက်ထဲကထီးလည်း ဘယ်ရောက်သွားပြီလဲ မသိနိုင်တော့တဲ့အထိ။ ကျွန်တော်အနမ်းတွေနောက်ကို အလိုက်သင့်လိုက်ပါပေးနေတဲ့ အစ်ကို့နှုတ်ခမ်းတွေကြောင့်လည်း အနမ်းဟာ ထင်ထာထက်ကို ပိုကြာရှည်ခဲ့တယ်။ ဒါဟာ လူမြင်ကွင်းမှာ နမ်းတဲ့ အနမ်းတွေထဲ အကြာဆုံးလို့တောင် ဆိုနိုင်လေမလား။