🔥من أصل جعقوب 🔥الجزء الثاني من تعويذة جدي 🌹 بقلم روُنـ❣ـہي🌹

البارت الرابع

سيلا بغضب : انا الوقتي إتأكدت ان انا معدتش بخلف ليه انت مبتحرمش ياللاااااا لازم مره اموت بسببك

ليث : خلي الشبشب ده ملزمك لحد ما هتجبيلي مره ارتجاج في المخ

لث: طيب ماشي انا هطلع لها الوقتي هحاول ادخلها الجثه دي

سيف: انا هاجي معاك هاستنى بره لما تقول لها ومهد لها الموضوع فاهم يعني ايه تمهد لها.
ليث: متقلقش يا حاج متقلقش اكيد يعني انا مش غبي.
سيف: ربنا يستر.
سيلا: خد بالك الوليه برده مش صغيره وكانت بتموت في عبده ده هات لها الموضوع بالراحه وانا شويه وهطلع لكم المهم لما تدخل عليها ادخل هادي استنا انا جايه معاك اهو.
خرجت سيلين في هذا الوقت وهي تقول :ماما انا جعانه.
سيلا بقرف:مش شاطره غير في الاكل ادخلي اطفحي اي حاجه والبسي اسود وتعالي ورايا.
سيلين: يا ساتر يارب يا تري ايه اللي حصل النهارده كمان.
سيلا: عمك عبده اللي فوقنا مات ودلوقتي ليث طالع يقول لها وانا هطلع اواسيها خشي البسي.
سيلين: لا اله الا الله ما بلاش انا في الوقت ده عشان بيصرخو وانا مشاعري رهيفه.
مصمصت سيلا شفيفها وهي تقول: يا حبيبتي رهيفه انجري علي جوا خلصي.
سيلين: المهم هيعملوا اكل فوق ولا لاء
سيلا: اه يا طفسه اه هيبقي فيه يلا خلصي.
دخلت سيلين لتجهز هي وسيلا.
سيلين بملل وهي تخرج مع سيلا : وحدوه.
سيلا وسيف وليث : لا اله الا الله.
سيلا بغضب: رماح نزل راح فين لما بيحصل اي حاجه كده مش بلاقيه.
طلع ليث الي الاعلي وهو يقول سيبك منه دلوقتي.
سيلا: ازاي مش مفروض يجي يقف معانا يعمل الواجب
ليث: انا سمعت بيقول رايح يشتري فرخه.
سيلا: يا حبيبي يا ابني ديما شقيان الواجب مش هيروح شويه و هيجي.
نظر لها سيف بسخريه.
اما ليث طرق الباب ففتحت له فتحيه وهي تقول: اهلا يا حبيبي تعال ادخل.
نظر ليث الي السلم وكان بعض الاشخاص يحملون تابوت يوجد فيه الميت ولكن اشار لهم سيف بالوقوف قليلا حتي يمهد ليث لفتحيه موت زوجها.
دخل ليث الي المنزل بحزن قائلا: بصي يا فتحيه يا اختي هو قدر ونصيب وربك مش بيعمل حاجه وحشه وهو مكنش يستهلك اصلا.
نظر ليث الي الباب بصدمه ولسيلا وهي تخبط علي صدرها بهمس: شوفت الدخله تربيتي اهي دي الدخله ولا بلاش الاول هينزله من نظرها وبعد كده هيكرها فيه وبعدين يقول لها الخبر.
نظر لها ليث بصدمه ثم وضع يده علي قلبه وفضل الصمت.
ليث: بصي يا حجه فتحيه علي بلاطه كده جوزك عبده اتجوز عليكي.
صرخت فتحيه بشده وضربت يديها علي صدرها قائله: انت بتقول ايه اتجوز عليه.
هز ليث راسه بحزن.
صرخت فتحيه: ميدخليش حته الخاين قليل الاصل يارب ميدخلش عليا غير علي نقاله.
صاح ليث قائلا: دخلوه يا رجاله.
نظر سيف بصدمه وهم يدخلونه الي فتحيه فصرخت سيلين وهي تولول وتدخل ورائها وسيلا ايضا وهم يقومون بمواسات فتحيه التي صرخت بشده وهزت راسه لليث: لالا رجعت في كلامي مش عاوزاه يموت لاء
نظر لها ليث بغيظ قائلا : الدعوه لا ترد ولا تستبدل هي خلاص طلعت من بوقك خلاص خلصت.
صرخت فتحيه بشده علي زوجها.
اما بلأسفل كان رماح يجري بسرعه شديدة وفي يده فرخه ويدخل الي الصيداليه قائلا: الحقني يا دكتور وقعت من ايدي ودخلت في تكتوك.
الطبيب بضحك: والله يا رماح وحشني خفت دمك اوي اقعد هنا لم اشوف الصريخ اللي في الشارع ده وأصلي العصر واجيلك.
رماح: يا عم بقولك الفرخه بتموت اديلها اي حاجه دا الكيلو ب45جنيه.
ابتسم الطبيب وذهب من امامه.
رماح بغضب: يا عم الحاج فين انبوبه الاكسجين طيب.
نظر رماح بيأس وتصميم: وحيات امي ما يحصل دا انتي ب45جنيه مش هتموتي يا غاليه.
بعد قليل دخل له شخص وهو يقول: لو سمحت يا دكتور عاوز علاج للصراصير.