Friends With Benefits

Episode 2

Back stage ကိုရောက်ရောက်ချင်း

အရောင်တွေလျော့စပြုလာတဲ့နှုတ်ခမ်းသားလေးတွေကိုအရောင်တင်ရင်း

Bar ရဲ့ အရှေ့ဘက်ကိုထွက်လာခဲ့သည်။

ပုံမှန်ဆို မေရွက်ဟာ သီချင်းဆိုပြီးတိုင်း အိမ်ကိုတန်းပြန်လေ့ရှိပေမဲ့

နိုင်းရှိနေတယ်ဆိုတဲ့ အသိနဲ့တင် Bar ရှေ့ကို မရဲတရဲထွက်လာခဲ့သည်။

နိုင်းနဲ့မလှမ်းမကမ်းကထိုင်ခုံပေါ်ထိုင်ချချလိုက်ချင်းပင်

သူမရှေ့ကို Mojito တစ်ခွက်ရောက်လာခဲ့သည်

" ဟိုဘက်ဝိုင်းကဆရာက
အမအတွက်မှာထားပေးတာပါ"

စားပွဲထိုးလေးရဲ့ ခပ်အုပ်အုပ်စကားသံအဆုံးမှတ်မိနေခဲ့သော ကိုယ်နံ့ခပ်သင်းသင်းဟာသူမနှာခေါင်းထဲထိုးဝင်ရစ်တွယ်လာသည်။

သေချာသည်...

နိုင်း... မေရွက်နားကိုရောက်လာခဲ့ပြီ

"ကိုယ်ထိုင်လို့ရမလား"

ထိုင်ရမလားဆိုတဲ့ စကားသံမဆုံးခင်မှာပဲ

သူဟာ မေရွက်ရှေ့က ထိုင်ခုံပေါ်ရောက်နေခဲ့ပြီ...

" ဒီနေ့အတွက်...
ကိုယ့်မှာစကားပြောဖော်သိပ်လိုနေတယ်
မင်းကိုယ့်အတွက်ရှိပေးနိုင်မလား"

တိုးဖွဖွအသံဟာ ဆွဲငင်တဲ့သံလိုက်ဓာတ်တစ်ခုပါဝင်နေခဲ့သည်။

စကားပြောဖော်အဖြစ်ပဲတဲ့လား....

မေရွက်ငြင်းရမလား
လက်ခံရမလား မတွေးတက်တော့

သူ့ရဲ့ လက်ချောင်းရှည်ရှည်တွေဟာ

သူမရှေ့က စားပွဲခုံကို ခေါက်နေခဲ့သည်။

ဆွံ့အနေသောမေရွက်ဝါရဲ့နှုတ်ခမ်းဖျားတွေကိုလည်း နိုင်းကအကဲဖြတ်နေပြန်သည်။

ဘာရယ်မဟုတ် လက်တံဖြူဖြူလေးတွေပေါ်မှ လှုပ်ယမ်းလိုက်တိုင်း မြင်နေရတဲ့ diamond ပုံ tattoo နဲ့အတူ Vein တွေကို အတန်ကြာအောင်ငေးစိုက်နေမိတော့သည်။

"ကိုယ်ကစိတ်သိပ်မရှည်ဘူး...
မင်းလက်မခံရင်လည်းတစ်ခါတည်းငြင်းလိုက်ပါ"