စုလင်းရဲ့ Pheromone မူမမှန်မှုကြောင့် စစ်ဆေးသူ၃ဦးက စစ်ဆေးမှုစတင်ကတည်းက စုလင်းကို စောင့်ကြည့်နေခဲ့ကြသည်။ ထို့ကြောင်ပင် ထို၃ယောက်သား၏ မျက်နှာထက်တွင် လုံးဝကို ရှော့ခ်ရနေသည့်အမူအရာတစ်ခု ရှိနေသည်။ Eအဆင့် စိတ်ဝိညာဥ်ပင်က IQ နိမ့်ပြီး Omegaတွေရဲ့ ချစ်ခင်ကြင်နာမှုတွေကို လက်ခံဖို့အလွယ်ဆုံး အမျိုးအစားဖြစ်သည်ဆိုသော်လည်း Pheromoneများအသုံးမပြုတာကို ထည့်မတွက်ရင်တောင် တက္ကသိုလ်ဝင်ခွင့်မရသေးသောOmegaများအတွက်တော့ မလွယ်ကူသည့်စစ်ဆေးမှုတစ်ခုပင်။ ဒီလို ရင်းနှီးနိုင်မှုစွမ်းရည်က တကယ်ကို ရှားပါးလှသည်။
စုလင်းက တစ်ခြားOmegaတွေဘယ်လို လုပ်နေကြသလဲကို လိုက်မကြည့်တော့ပေ။ နာရီဝက်ကြာအောင်ပင် သူက သူ့ရဲ့Camelliaပင်လေးနဲ့ ဆော့ကစားနေခဲ့သည်။ စုလင်း သူ့လက်ကလေးတွေကို အချိန်နဲ့အမျှ ဟိုဘက်သည်ဘက် ရွေ့လျားနေခဲ့ပြီး ပန်းပွင့်လေးတွေ သူ့လက်နားရောက်လာသည်နှင့် ပွင့်ချပ်လေးတွေကိုပွတ်လိုက်ပြီး သူ့လက်ကို တစ်ခြားတစ်ဖက်ကို ရွေ့လိုက်ပြန်သည်။ အကိုင်းအခက်လေးတွေကလည်း သူ့လက်ကို အမိဖမ်းဖို့ ဦးတည်ရာပြောင်းလာရင် စုလင်းက ခုနကလိုပင် ထပ်ခါထပ်ခါ ဟိုဒီရွေ့နေလိုက်သည်။ စုလင်းသိလိုက်ရသည်က Eအဆင့် စိတ်ဝိညာဥ်ပင်လေးတွေဟာ ကလေးလေးတွေလိုပင် တစ်ချိန်လုံး ပြေးတမ်းလိုက်တမ်းကစားရတာ ကြိုက်ကြပုံရသည်။ လေထုထဲက ရနံ့ သိပ်သည်းမှုအပြောင်းအလဲက အကောင်းဆုံးသက်သေပင်။စုလင်းလည်း ဒီကစားနည်းက အရမ်းစိတ်ဝင်စားစရာကောင်းတာကို တွေ့လိုက်ရပြီး နာရီဝက်က မျက်တောင်တစ်ခတ်အတွင်းပင် ကုန်လွန်သွားခဲ့သည်။
ကြီးကြပ်သူက စစ်ဆေးမှု ပြီးဆုံးကြောင့်ကြေငြာချိန်တွင် စုလင်း အနည်းငယ် စိတ်မကောင်းဖြစ်မိသည်။ သူလည်းCamellia ပင်လေးရဲ့ခံစားမှုတွေကို ခံစားနိုင်လျှင် အလွန်ကောင်းချေမည်။ တစ်ချိန်တည်းမှာပဲ လူတိုင်းရဲ့ ရမှတ်တွေကို စာမေးပွဲSystemထဲ လွှဲပြောင်းပေးခဲ့သည်။ ထို့နောက်တွင် ကြီးကြပ်သူများနှင့် ဖြေဆိုသူများဟာ တတိယ စစ်ဆေးမှုအတွက် ဧရိယာ002ကို သွားခဲ့ကြသည်။
ВЫ ЧИТАЕТЕ
ဥက္ကဋ္ဌကြီးရဲ့ အိုမီဂါဇနီးလေးအဖြစ် ပြန်လည်မွေးဖွားခြင်း
Фэнтези▪️Title - Rebirth to become the president omega's wife ▪️Associated name - 重生豪门总裁的O妻 ▪️Original Author - Hanmen Yatou( 寒门丫头) ▪️English Translator(s) - Isohungry Translations ▪️Original Publisher - JJWXC ▪️Year - 2019 ▪️Status in COO - 87 Chapters (C...
Chapter - 16 (U+Z)
Начните с самого начала