"မဖြစ်ပါဘူး"
ဖြိုးဝေက ဖြစ်တယ်ဟု တစ်သံထဲထအော်သော်လည်း
ကလေးတွေက တညီတညာတညာ ပြန်ချေကြသည်။
ကလေးတေဠနှင့် ဖြိုးဝေ မျက်လုံးချင်း စစ်ဖြစ်နေကြ၏။
ယုယငယ်က ဖုန်းကိုကြည့်လိုက်ပြီးနောက်
"ကဲ ပြန်ကြတော့။ မမ ညနေ အလုပ်သွားစရာရှိသေးတယ်"
ကလေးတွေနဲ့ ဖြိုးဝေက မပြန်ချင်ပြန်ချင်နှင့်
ပြန်သွားရသည်။
စူးရှကတော့ သိသိသာသာချောင်ကျသွားသော ယုယငယ်မျက်နှာလေးကို ငေးမောမိသည်။
*ပိန်သွားလိုက်တာ*
သေမိန့်ကျထားပြီးသော ရောဂါသည်ဖြစ်နေသော်လည်း
ဘာမှမဖြစ်သည့်လူတစ်ယောက်လို နေထိုင်နေသည့် ယုယငယ်အား နားမလည်သလို လေးစားမိသည်။
မာကျောသည်ဟု ခေါင်းစဉ်တပ်ရမည်လား ဟန်ဆောင်နေသည်လား ဝေခွဲမရသော်လည်း
စူးရှ မသိနိုင်သည့် ဒဏ်ရာတွေ သူမတွင်ရှိနေသည်ကိုတော့ ရိပ်မိပါသည်။
" တကယ်သွားမလို့လာ"
အပြင်သွားရန်ပြင်နေသည့် ယုယငယ်အား စူးရှမေးလိုက်သည်။
"အင်းပေါ့။ ငွေပြတ်နေပြီလေ၊
အဘိုးကြီးလည်း သူ့ဆီမလာလို့ ပွစိပွစိလုပ်နေပြီ"
" နေကောင်းတာမဟုတ်ပဲနဲ့ "
ယုယငယ်က အိတ်ထဲမှ နှုတ်ခမ်းနီ အနီရဲတောက်တောက်ကို ဆိုးနေရင်း
စူးရှဆီ ကြည့်လာ၏။
" ငွေမရှိရင် မနေတက်ဘူး"
ပြန်ပြောနေပုံက လူ့ဂွစာ။
သူ့အကြောင်းသိသိကြီးနဲ့ တုပြောနေမိတာကိုက စူးရှ မှားတာပါ။
ဒါပေမယ့်...
"မသွားပါနဲ့လား"
" တို့က ဘာလို့ စူးရှစကားကိုနားထောင်ရမှာလဲ"
စူးရှမျက်မှောင်ကြုတ်သွားသည်။ ဒါကို
ယုယငယ်မြင်တော့ ခိုးရယ်လိုက်မိသည်။
သူအလိုမကျတာရှိတုန်း မျက်မှောင်ကြုတ်တက်သော စူးရှကို
ယုယငယ် မြတ်နိုးလွန်းလှသည်။
အပိုင်သိမ်းထားချင်လောက်အောင် မက်မက်မောမောဖြစ်မိသည်။
"ဒါဆိုလည်း တို့မသွားနိုင်လောက်အောင် သိမ်းသွင်းကြည့်လေ"
STAI LEGGENDO
A letter to A boy who is not a boy(Completed)
Storie d'amoreစာတစ်စောင်ရောက်တယ်တဲ့။ ယောကျ်ားလေးတွေချည်းနေတဲ့အိမ်ကို ကောင်လေးမဟုတ်တဲ့ ကောင်လေးဆိုတဲ့နာမည်နဲ့။ " ...... " စာတစ္ေစာင္ေရာက္တယ္တဲ့။ ေယာက်္ားေလးေတြခ်ည္းေနတဲ့အိမ္ကို ေကာင္ေလးမဟုတ္တဲ့ ေကာင္ေလးဆိုတဲ့နာမည္နဲ႕။ " ...... "
Part 16(Unicode )
Comincia dall'inizio
