#وهم_الاقنعه 20
ايمان: دخلت للنظره الشرعيه وكانت لابسه قفطان احمر قصير ومكياج وفوقه عبايه
كانت منزله عيونها باش متبانش ضغيفه💔
ولا قادره تقابل الشخص اللي متعرفاش واللي حالياً(خطيبها)
رفعت راسها واخيرا بعد صمت طويل هلبا باش تشوف عيونه❤️
هوا نفسه قاعد متغيرش❤️
نفس ضحكته ونفس عيونه ونفس نظراته❤️
نفس قرنت حواجبه اللي زايداته جمال كبير❤️
اختلط خوف وقلق ايمان لفرحه وتوتر ومشفاهمه اللي صار؟!
عبدو: رفع عيونه فيها منغير ما يحكي ولا يدير اي ردة فعل
خطبها فعلا !
خطبها ويمكن كان فرصه ليها باش ترتاح من ضغط رامي خوها !
عبدو: لاحظ توتر كبير من ايمان لدرجه يديها يرجفو💔
حط يده فوق يدها باش يهديها وهيا تشوفله بعيون معبيه دموع وهلبا كلام💔
عبدو: اهدي..انتي كويسه؟!
ايمان: هزت براسها بسرعه وباعدت عنه كأنها خايفهمنه بقلب دقاته كل ثانيه تزيد❤️
ايمان: انا ننن اءءءءء ااانا انا م...
عبدو: قرب منها هلبا وحط يديه الزوز عع كتافها بحب كبير
مكانتش اول مره ايمان ترتاح مع عبدو وتحس بالامان لكن المره هاذي غير❤️
تصرفاته وحنيته وكلام حتى دقات قلبها كانت غير❤️
ايمان: نزلت دمعتها..انا..انا خايفه
عبدو: عارفه اني نحبك صح؟!
عارفه انه منقدرش نشوفك مضايقه وتبكي بالشكل هذا طول ما معاك❤️
زاد قرب منها وحضنها بقووهه وهيا بادلاته نفس الشعور واكثر❤️
__________________________
ميرال: من شهور طططوووويله مطلعتشش من الشقه وكانت شبيه بالسجن !
لبست السبيدرو متاعها بعد ما لمت جميع حوايجها فتحت البلكوني ولوحت شنطة الوايج ورمت نفسها من البلكوني ومصارلهاش اي ضرر !
طلعت بالطريقه هاذي لان يوسف عع اساس كان قافل الباب
طلعت واخيرا شافت الدنيا قابلتها السياره اللي تراجي فيها ركبت ومشت السياره باقصى سرعه ممكنه..
كانت حاسه بشعور غريب كأنها خلاصصص ارتاحت من كل شيء❤️
من يوسف ومن كل شيء ممكن يأذيها..شافت لي انفال اللي كانت منتبهه وتسوق ومسكت يدها❤️
كأنها كانت تقوللها خلاص اني معاك.
لوحِي بن حامد: حالياً شعور عبدو وايمان وانفال وميرال صعب هلبا حروف تشرحه او تعبر عنه..!
حتى الحب يبي الشخص الصح..باش كل طرف منهم يكمل الثاني❤️
وحتى مش بالضروره يكون بينهم هدايا ومكالمات طويله..لان اللي بيحب بيخطب طول لو كان يبيك(حلاله)..وتحتها الف خط..!
__________________________
مؤمن:فكوووونيي فكوني يا كلااااب والله لما اندمكم وربي
مسره: الف مره نقولك اششش ولا حرف نبي نسمعه..!
مؤمن: والله توا تشوووفيي يا حقيرهه والله لما اندمك
مسره: هذا لو مزال عندك عمر😂..اشرت لشباب اللي واقفين بمعنى خوذوه
مؤمن: يعافر فيهم ويحاول يفك نفسه لكن كانو اقوى منه بمرتين
مسره: افعوه لنفس الشقه اللي دليتكم عليها وردو بالكم يطلع والا انتو تغمضلكم عين
الشاب: حاضر..ودف مؤمن دخله للسياره وطلعو وركبت سيارتها حتى هيا وكيف بتتحرك..
مسره: فؤاد؟!..علاش يتصل شن صاير..
YOU ARE READING
#وهم_الاقنعه
Mystery / Thrillerمنطقه وحده لكن القصص اللي فيها والجانب المخفي ع الواقع اللي منشوفوش فيه كان اقوى منهم🔥. اكيد مفيش حياه منغير موت ولا موت منغير حياه لكن بعد ربي يكتبلك عمر جديد ومتموتيش لكن تقعدي فتره في غيبوبه لو تشوفي شن بيصير بعد ما تفيقي تتمني لو كنتي قعدتي أكث...
