وهم_الاقنعه 9
استمر الصمت قدام الباب مده طويله بينما كانت لعيون تحكي في هلبا قصص❤️
قاطع الهدوء الطويل هذا صوت ماجده وهيا جايه تشوف ليش تأخرو هكي لين شافتهم واقفين جني الباب ويشوفو لبعض
ماجده: يا منتهى تعالي وين الباب..اءءء..نسيبه وصلتي..وقعدت تسلم ع بنتها وتحضن فيها
نسيبه: محطتش يدها ع ظهر امها ولا بادلتها بحضن استمرت تشوفلها وكأنها شبه تلوم فيها ع اللي صار💔
ادهم:مستمر يشوف لي منتهى ومنتهى كانت تشوفله منعير حتى ما يرمشلها عين..كأنهم كانو يلومو في بعض!
ماجده: ادهم خش المربوعه تفضل الاولاد داخل وانتي يا نسيبه خشي
نسيبه: خشت طول لدور الاول يعني بيت منتهى نحت عباتيها وخذت قفطانها وخشت للحمام وهيا مضايقه..💔
منتهى: رفعت راسها بقوه..اءء خوي ادهم تفضل علاش واقف ع الباب..وابتمست بقوه ولا كأنه في شيء صار
ادهم: 😦😦😦..لا الا اءءءء اي اي حح حنخش
منتهى :حطت شعرها ع جهة كتفها الثاني وعضت شاربها بحركه عفويه لكن كانت مقصوده..تقدر تدخل خوي ادهم وتفضل لي مربوعة بيتنا خوتي موجودين فيها
ولو احتجت اي حاجه..حتى لو كانت صغيره كلمني توصلك طول والله متتحشمش اءءء ولو.. حطت يدها ع راسها
اااءءء.. آسفه نسيت نلبس حجابي وخشت تمشي بالشويه عليها وهيا حاسه بنصر❤
ادهم: قعد واقف مصدوم وهوا يشوفلها كيف كانت جميله بالقفطان القصير والمكياج وشعرها اللي واصل ظهرها ومصدوم كيف تحكي معاه هكي !
خشت منتهى وسكرت باب الممرر وخش ادهم المربوعه وهوا يحاول يستوعب اللي قاعد يشوف فيه !
__________________________
تركبت خيمة العزاء في جنان البيت لاول مره وكان اول عزاء ممكن يصير في البيت
كان فيه شويه من بنات العيله موجودين وكبار العيله لكن مفيش حد فيهم كان طايق الثاني نهائي💔
اما ميرال كانت شبه مصدومه مقعمزه ع جنب بروحها منغير ما تبكي ولا تقول ححرف!
اما في جهة الرجاله كان صالح وفؤاد مقعمزين وع اساس يستقبلو في الناس اللي جايه تعزي برغم مفيش هلبا ناس جايين🤦🏼♀️💔
انحسبت ميرال من مكانها بعد ما اشرلتلها وحده من بنات العليه من وسط الزحمه الخفيفه.!!
ابتهال:ملقيتش السفره ونبي هلبا حاجات باش نحطو فيهم
ميرال:خشت المطبخ ولحقتها ابتهال ع طول..هذا الحليب والحاجات اللي تبيهم كلهم تلقيهم هنايا جنب الطاوله
ابتهال: تمام اوكك اصلا مفيش حد من العيله بايت اليوم ف حنديرو الغذي والعشي انا وبنات العيله
ميرال: ديرو اللي تبوه اني حنطلع برا ولو احتجتو شيء نادولي!!💔
ابتهال: بصوت هادي وعيون شبه مدمعه..تمام حبيبتي ارتاحي انتي❤️..ورجعت تكمل في شغلها
ميرال:..طلعت!
اول ما خشت لصاله وسط الناس بدي الكلام عليها وع اختها انفال واللي يقول هربت واللي يقول قتلوها وفي اللي يقول تبرو منها وبدت الإشاعات تطلع حتى ع ميرال بالككذب💔
__________________________
امير: خش البيت وكان لابس توتة سوده رياضيه بارزه جسمه❤️
قعمز ع الكنبه وهوا يشرب ويمسح في قطرات العرق الخفيفه من ع وجهه..!! حط شيشة لمياه ع الطاوله وحط راسه ع الكنبه بتعب وهوا يردد في آهات خفيفه..!!
انفال:ابتسمت وطلعت من المطبخ وكان شكلها يضحك لابسه قفطان تحت الركبه وكان قديم هلبا ولافه وشاح ع بداية راسها وشعرها اللي كان نازل ع ظهرها❤️
كان منظرها يضحك هلبا وهيا ماسكه قطعه باين عليها كانت تنظف بيها..😂
امير: مقدرش يمسك ضحكته وضحك عليها..شن اديري؟!
انفال:قعمزت جنبه وهيا داهشه..اااهه من الصبح واني انظف في المطبخ والشقه
تي كله غبره ويقولك الأجانب نظاف والله م...انتبهت ع امير اللي يضحك ع شكلها..😂
انفال:ضحكت وهيا مش فاهمه شيء..خيرك؟اءءء..وحطت يدها فوق راسها ونزلت عيونها ع قفطانها..اءء اي نسيت روحي لكن م..وطلقتها ضحكه من وسط قلبها😂❤️
امير: ضحك ورجع شاف لي ملامح انفال اللي اول مره يشوفها تضحك هكي
نطق بصوت هادي..جيعان
انفال: فزت من مكانها..خسى الجوع هي دقايق ويكون الغذي واتي انت غير حوايجك اهم رتبتهم ع السرير..ومشت تجري للمطبخ تكمل في الغذاء❤️
امير: يراقب فيها لين خشت وناض خذي حوايجه وخش الدوش وكل ما يذكرها يضحك من قلبه برغم مكانش يضحك هلبا في آخر فتره.!!
YOU ARE READING
#وهم_الاقنعه
Mystery / Thrillerمنطقه وحده لكن القصص اللي فيها والجانب المخفي ع الواقع اللي منشوفوش فيه كان اقوى منهم🔥. اكيد مفيش حياه منغير موت ولا موت منغير حياه لكن بعد ربي يكتبلك عمر جديد ومتموتيش لكن تقعدي فتره في غيبوبه لو تشوفي شن بيصير بعد ما تفيقي تتمني لو كنتي قعدتي أكث...
