"ကဲ ရပါပြီဗျာ ထမင်းကြော်ပူပူလေး ကော်ဖီရော သောက်ဦးမလား ''
"ရပါတယ် ကိုကိုရဲ့ ထိုင်နေပါ ကျွန်တော့်ဘာသာ ဖျော်သောက်ပါ့မယ် ''
ထို့နောက် နှစ်ယောက်ကြားရှိလေထုက အနည်းငယ်တိတ်ဆိတ်သွား၍ မနက်စာကိုသာ ငုံ့၍ စားနေကြသည် ။
"ကိုတည်တံ့ဆီဘာသွားလုပ်မလို့လဲ သက္ကရာ ''
နာရီ တကြည့်ကြည့်ဖြစ်နေတဲ့ သက္ကရာကို မမြင်ချင်ယောင်ဆောင်ကာ အချိန်ကိုတက်နိုင်သမျှ ဆွဲထားရန် ဥာဏ့်ဘက်က မေးခွန်းစမေးလိုက်သည် ။
"ဟို ဒီနေ့ အကို့မွေးနေ့မို့လို့ ကျွန်တော့်ကိုခေါ်ထားလို့ အဲ့ဒါ ''
ဥာဏ် ခေါင်းကိုသာ တဆက်ဆက်ညိတ်ပြပြီး ထမင်းကြော်ဆက်စားနေလိုက်သည် ။
တစ်ခုခုပြောချင်နေဟန် ပါးစပ်တပြင်ပြင်ဖြစ်နေသော သက္ကရာအား ဥာဏ် လုံးဝကို လျစ်လျူရှုပစ်လိုက်သည် ။"ဒါနဲ့ ကိုကိုရော ဒီနေ့ အလုပ်မသွားဘူးလား နောက်ကျနေပြီ ''
နာရီကိုကြည့်မိတော့ ၈နာရီပင်ခွဲတော့မည်ဖြစ်သောကြောင့် ဥာဏ်လဲအလုပ်သွားရတော့မည်ဖြစ်သည် ။
"အင်း ရတယ် ကိုကိုက ခဏနေမှသွားမှာ ကိုကိုကော်ဖီသောက်ချင်လို့ သက္ကရာ သွားဖျော်ပေးမလား ''
"ဟုတ် ကိုကို ခဏစောင့် ''
အားနာတတ်လွန်းတဲ့ သက္ကရာက ဥာဏ် တခွန်းဆို တခွန်းအတိုင်း မီးဖိုချောင်ထဲ ခပ်သုတ်သုတ်ဝင်သွားကာ ကော်ဖီသွားဖျော်တော့သည် ။
ဝုန်း!!!!!
မီးဖိုချောင်ထဲက တစ်ခုခုပြုတ်ကျသော အသံကြားရသောကြောင့် ဥာဏ်အလျင်အမြန်ပဲ ပြေး၍ သွားကြည့်မိတော့ ကြမ်းပြင်ပေါ်၌ ခွေခွေလေးလဲကျနေသော သက္ကရာကြောင့် ဥာဏ်စိတ်ထဲ ပူထူသွားမိသည် ။
"သက္ကရာ!! သက္ကရာလေး ထပါဦး ကိုကို့ကို ကြည့်ဦးလေ ''
ပါးကို နှစ်ချက် သုံးချက်ခန့်မျှဆင့်၍ ပုတ်လိုက်တော့ ဆက်ခနဲပွင့်လာတဲ့ ရီဝေဝေမျက်ဝန်းညိုတစ်စုံနှင့် ဥာဏ် အကြည့်ချင်းစုံမိသည် ။
YOU ARE READING
သက္ကရာဇ်တစ်ခု၏ ချိုမြိန်သောရက်စွဲများ(Completed)
RomanceIf you fall in love with a person with different personalities or he shows you dark side or something.........? Start date - 14 September 2021 End date -17 October 2021