امير الفضاء (مكتمله ) "جارى تعديل السرد "

الفصل الاول "بدايه الرحلة "

ظلت ترمقه لدقائق تحاول استيعاب كلمه "اجرحك ".. حسنا لم تتحمل يسرا لتنفجر ضاحكه بسخريه ثم اردفت بإستنكار قائله:
" اجرحك؟؟! انت صدقت نفسك ولا ايه، وصدقت شكلك التمثيليه دى..!! بتكدب الكدبه وتصدقها "

اتسعت عيناه بصدمه ليردف ببراءه مصتنعه قائلا:
" قولتى ايه؟ تمثيليه؟؟! "

صاحت يسرا بغضب وهيا تشير بإحدى اصابعها فى وجه بتحذير :
" ايوه تمثيليه يااستاذ علاء،ولا انت مفكر انى عيله هبله وهصدق اى حد يجى يقولى بحبك..؟!! الرهان،بتتراهنوا مين يوقع البنت البسيطه الفقيره،بنت المنحه ،ويوهمها بالحب وبعدين يكسر قلبها..!! انا مفيش حد يقدر يكسر قلبى ،لانى معنديش قلب اصلا .. ازاى هتقدر تكسر قلب بنت مش بتامن بالحب ؟!! "
ابتسمت نصف ابتسامه ساخره على ملامح وجه التى تغيرت بالكامل ،اردف علاء بتقزز قائلا:
"انتى شايفه نفسك على ايه عاوز افهم، انتى حته بنت غبيه لاراحت ولاجت وايوه كنا متراهنين عليكى، بس للتسليه مش اكتر ياايسرا هانم!! "

رمقته بإستنكار شديد لتسير تجآه محاضرتها بكل برود تاركه اياه يرمق اثرها بصدمه ..
همس علاء بحنق قائلا:
"واحده مستفزه .."

ــــــــــــــــــــــــــــــــــــــــــــــــــــــــــــــــــــ
(داخل المحاضره..:_)

كان يتحدث فى عده مواضيع مختلفه جذبت جميع الطلاب لها والاصغاء اليها جيدا، وبالتآكيد لم ينفد ذلك الدكتور من اسئله تلك الفضوليه ..
اردف ذلك الدكتور بإبتسامه قائلا:
" طبعاً كلكوا مستعدين للمفآجآه الـ اعلنت عنها"
صاح الطلاب بحماس :
"طبعاً يا دكـــــــــــتور .. "

اردف الدكتور ببسمه قائلا:
" انا عاوز الكل يستعد علشان هنمشى كلنا فى الاتوبيس وهنروح المقر الخاص لـرواد الفضاء علشان نشوف المركبات الفضائيه والصواريخ كتمرين عملى وعلشان تشوفوا الحاجات دى وتتعلموا منها، دلوقتى الكل يجهز حاجاته علشان هنمشى .."

اؤما له جميع الطلاب بحماس شديد حاملين حقائبهم وهواتفهم متجهين جهه الباص..!!

ــــــــــــــــــــــــــــــــــــــــــــــــــــــــــــــــــــــ
"داخل المقر .."
صاح الدكتور بصوت مرتفع وصل لمسامع الجميع قائلا:
"تقدروا تستكشفوا المكان بس بنظام ومن غير مشاكل...!! "
اؤما له الطلاب ثم توجه كلا منهم ليستكشف مكانً .. بينما يسرا انتهزت تلك الفرصه وقامت بالركض جه الممر الممنوع فقد كانت هناك لافته تزينه (لايسمح بالدخول هنا سوا لرواد الفضاء)

ابتسمت بمكر فهذه هيا فرصتها الوحيده لاستكشاف هذا المكان وبطريقتها الخاصه .. كانت تسير ببطئ وعيناها تدور فى الارجاء ولكنها توقفت سريعاً فور سماعها لاحد رواد الفضاء يخبرهم انهم بحاجه لمتطوع للسفر لذلك الكوكب ..!!

ابتسمت يسرا بإتساع وهمت بالدخول سريعا..لتردف بحماس قائله:
"انا هتطوع ..!! "

استدار احد رواد الفضاء سريعاً ليردف بإستغراب قائلا:
"افندم؟؟! .. انتى مين؟! ودخلتى هنا ازاى؟؟!!"

حمحمت يسرا بحرج من دخولها المفآجآه ،ثم اردفت قائله:
"انا اسفه جداً على دخولى المفآجآه دا .. بس انا حابه اتطوع للسفر لكوكب (Mixtor).."

تنهدت الرائد "احمد" قليلاً ثم اردف قائلا:
" حابه تتطوعى .. بس انتى تعرفى حاجه عن الفضاء ؟!! "

اؤمات له يسرا سريعاً ثم اردفت قائله:
"طبعاً انا فى سنه رابعه وهتخرج السنادى وعندى معلومات كتير جدا وكمان انا كنت بعمل ابحاث وتجارب عن الفضاء لانى عندى شغف للحاجات دى .. وكمان انا الاولى على دفعتى تلات سنين ..!! "

اؤما لها احمد ببرود ثم اردف قائلا:
"تمام مفيش مشكله .. بس فى شويه اوراق هتمضيهم للامان وكمان فى ورقه لازم اهلك يوقعوا عليها تحسباً لاى حاجه .. "

ابتسمت يسرا ابتسامه باهته ثم اردفت قائله:
"انا وحيده عايشه لوحدى فاللاسف مفيش حد من عيلتى يوقع .."
اؤما لها بحزن على حالها كم تعجب الان سبب اصرارها للسفر .. :
"تمام ،بكرا الساعه سبعه تيجى علشان نبدأ تمرين .. "

اؤمات له سريعاً ثم ركضت تجآه الخارج ..

ــــــــــــــــــــــــــــــــــــــــــــــــــــــــــــ
كان يسير فى ارجآء المكان متجهاً صوب غرفه ضخمه مفعمه بالرقى والجمال .. دق الباب عده طرقات حتى سمح له بالدخول..

اردف ذلك الرجل قائلا:
"سموك توجد بعض المشاكل لدى السكان وهذا اثار الضوضاء وعمت الفوضى فى الارجاء ..ماذا افعل ؟! "

وقف بكل برود متجهاً صوب تاجه مرتيداً اياه ثم اردف بنبره بارده مرعبه قائلا:
"حسنا اذهب الان وانا سارى ما الامر .."

"حسنا سموك .."

(توقف ياصاح فل نتعرف على سمو الامير الان ،انه الامير غورجان اليڤر امير كوكب Mixtor اى اكبر كوكب واقواهم فى الفضاء
هذا الكوكب وكل سكانه يمتازون بالشبه الكبير بينهم وبين سكان الارض..ويمتازون بقواهم والتى تتمكن من شفائهم سريعاً .. يمتلك بشره بيضاء مع اعين محدده بنيه اللون مع شعر اسود وعضلات ليست ضخمه ولكنها متوسطه الحجم وتفى بالغرض ،يغضب سريعاً متملك بدرجه جنونيه ولكن ليس هو فقد بل كل سكان الكوكب تقريباً ،يمتاز بالذكاء والحكمه )

ـــــــــــــــــــــــــــــــــــــــــــــــــــــــــــــــــــــــــ
فى صباح اليوم التالى ذهبت يسرا للمقر وهيا على استعداد تام لاول تمارينها ،بعد وصولها تحدثت مع الرائد احمد ليخبرها ان تتوجه جهه احدى الغرف ،اؤمات له سريعاً ثم ركضت تجآه تلك الغرف وما ان وضعت احدى يدها على مقود الباب وقامت بفتحه حتى اتسعت عيناها بصدمه ..

يتبع....
متنسوش الڤوت(☆) والفولو ياقمرات..
بقلم/رحمه ايمن عيد