"ကျွန်...ကျွန်တော်ကအစ်ကိုတို့ကိုကြည့်နေတာမဟုတ်ပါဘူး...."
အရှေ့ကိုတိုးလာကြသည့်လူတစ်စုကြောင့် Jungkook ကြောက်ကာအနောက်ကိုဆုတ်သွားလေသည်...
"ဟေ့ကောင်!!bar ထဲကထွက်လာတာငါတို့ပဲရှိတာ!!ငါတို့ကိုကြည့်နေတာအသိသာကြီး!!သေချင်လို့လား!!"
ထိုအုပ်စုထဲကအရပ်ရှည်ရှည်၊လူကောင်ကြီးကြီးကောင်လေးတစ်ယောက်ထွက်လာကာ Jungkook ရဲ့ရင်ဘတ်ကိုဆောင့်တွန်းလိုက်လေသည်...ထို့ကြောင့်အနောက်မှာရပ်ထားသည့် Taehyung ရဲ့ကားကို Jungkook ဝင်တိုက်မိသွားလေသည်...ထိုအခါကားကအချက်ပေးသံမြည်လာလေသည်...
"အစ်...အစ်ကိုတို့...ကျွန်...ကျွန်တော်တောင်းပန်ပါတယ်ဗျာ...အစ်..အစ်ကိုတို့ကိုကြည့်တာမဟုတ်ပါဘူး..."
အရက်မူးနေသည့်သူတို့ကြောင့် Jungkook ကြောက်လာကာလက်အုပ်ချီကာမျက်ရည်တွေဝဲတက်လာရင်းတောင်းပန်လေသည်...
"ဘာဖြစ်နေကြတာလဲ..."
ထိုအချိန် bar ထဲကနေကောင်မလေးတစ်ယောက်ရဲ့ခါးကိုဖက်ကာ Taehyung ထွက်လာလေသည်...
"စီ...စီနီယာ!!"
Taehyung ကိုမြင်လိုက်ရသောအခါ Jungkook ဝမ်းသာသွားကာ Taehyung ရဲ့အနားကိုပြေးသွားလေသည်...
"...."
Taehyung ကတော့ဘာမှပြန်မပြောဘဲ Jungkook ကိုကြည့်နေလေသည်...
"စီ..စီနီယာ...ကျွန်...ကျွန်တော့်ကိုကူညီပါအုံး...!!"
"Taehyung...မင်းနဲ့သိတာလား"
ထိုအုပ်စုထဲကကောင်လေးတစ်ယောက်က Taehyung ကိုကြည့်ကာမေးသည်...ထိုအခါ Taehyung က Jungkook ကိုကြည့်နေပြီးနောက်သူ့ရဲ့လက်မောင်းကိုအားကိုးတကြီးကိုင်ထားသည့် Jungkook ရဲ့လက်ကိုပုတ်ထုတ်လိုက်လေသည်...
"မသိဘူး...မင်းတို့လုပ်ချင်တာလုပ် ငါ့ကားကိုထိမှာစိုးလို့ထွက်လာတာ သွားကြစို့"
ပြောရင်းဆိုရင်းနဲ့ Taehyung ကသူ့ဘေးကကောင်မလေးကိုနမ်းလိုက်ကာကားထဲကိုဝင်ပြီးမောင်းထွက်သွားလေသည်...ကျန်နေခဲ့သည့် Jungkook ကတော့မျက်ရည်တွေဝဲတက်လာကာအမြင်အာရုံတွေဝေဝါးလာလေသည်...Taehyung ကသူ့အပေါ်ကိုဒီလောက်ထိရက်စက်နိုင်လိမ့်မယ်လို့မထင်ထားခဲ့တာဖြစ်သည်...ထို့နောက် Jungkook လက်လျော့ကာဒူးထောက်ထိုင်ချလိုက်လေသည်...Taehyung ကိုသူအရမ်းချစ်သည်...Taehyung ခိုင်းသမျှကိုမငြိုငြင်ဘဲနဲ့သူအကုန်လုပ်ပေးနိုင်သည်...Taehyung ရဲ့ဆန္ဒတွေကိုတတ်နိုင်သလောက်ဖြည့်ဆည်းပေးချင်သည်...ဖြည့်ဆည်းပေးဖို့လည်းအစွမ်းကုန်ကြိုးစားခဲ့သည်...တစ်စုံတစ်ယောက်သောသူကသူ့ကိုပြန်ချစ်ဖို့ကြိုးစားရင်းနဲ့သူ့ကိုယ်သူမုန်းတီးလာခဲ့သည်...Taehyung ကသူ့ကိုနာကျင်စေဖို့ဆန္ဒရှိလျှင်လည်းသူကြိတ်မှိတ်ကာခံယူနိုင်သည်...သို့သော် Taehyung ရဲ့ဆန္ဒကိုနာခံမှာဒီတစ်ခေါက်နောက်ဆုံးဖြစ်စေရမည်.....အတွေးမဆုံးခင်မှာပင်အရှိန်ပြင်းသည့်လက်သီးတစ်ချက်ဟာ Jungkook ရဲ့မျက်နှာပေါ်ကိုကျရောက်လာလေသည်....
__________________❣︎________________
တိုတိုလေးဆိုတာလည်းသိပါတယ်။မဆူကြပါနဲ့နော်😭
ဒီ့ထက်ဘယ်လိုမှဆွဲဆန့်လို့မရတော့လို့ပါကွယ်❣︎
Part-4
Start from the beginning
