ငရဲမင်းကြီးနှင့် မော့ဖေးဟန်တို့က သူအိပ်ပျော်နေချိန်တွင် သဘောတူညီမှုတစ်ခု ရရှိသွားပြီးဖြစ်မှန်း ဖုန့်ရှီက မသိလိုက်ပေ။
လောလောဆယ်တွင်တော့ သူက မကြာမီလာတော့မည့် ဇာတ်ရှိန်အထွတ်အထိပ်ကိုသာ အာရုံအလုံးစုံ စူးစိုက်လို့နေလေ၏။
"ဒါနဲ့ စကားမစပ်၊ ခေါင်းဆောင်၊ ရေခဲချီလင်က သူ့တပည့်တွေနဲ့ နောက်လိုက်တွေကို သွားတွေ့နေတာမဟုတ်ဘူးလား? ဆိုကြပါစို့၊ ကျွန်တော်တို့က တောင်ပိုင်းဒေသတောအုပ်မှာ သူ့ကို သွားတွေ့တဲ့အခါကျရင် လက်ဆောင်တွေ ဘာတွေ ယူသွားရင်ကောင်းမလား?"
ရေခဲချီလင်က သူ့၏ စာချုပ်ချုပ်ဆိုထားသော ကိုယ်ပိုင်မိစ္ဆာသားရဲဖြစ်သည့်အတွက် ရေခဲချီလင်၏ တပည့်နှင့် နောက်လိုက်နောက်ပါတို့ကလည်း သူ့တပည့်၊ သူ့နောက်လိုက်နောက်ပါဟု သတ်မှတ်သင့်ကြောင်း ဖုန့်ရှီ တွေးလေသည်။ ဒီလိုဆို သူ့ကိုယ်ပိုင် မိစ္ဆာသားရဲတပ်ကြီး ဖွဲ့ဖို့ဆိုတာ သိပ်ဝေးတော့မည်မဟုတ်တော့ဘူးလေ၊ ဟုတ်တယ်မဟုတ်လား?
ဖု့န်ရှီ၏ မျက်နှာပေါ်တွင် စိတ်လှုပ်ရှားမှုနှင့် ရင်ခုန်နေမှုတို့က အတိုင်းသား ပေါ်နေလေ၏။
သူ့စိတ်ထဲ ထူးဆန်းတဲ့တစ်ခုခု စတွေးနေပြီဖြစ်မှန်း စာအုပ်နတ်ဘုရားက သိသည့်အတွက် ရေခဲချီလင်နှင့် သူ့တပည့်၊ သူ့နောက်လိုက်များအတွက် အသံတိတ် ညည်းတွားလိုက်လေတော့သည်။
"ရှောင်ရှီက သူတို့အတွက် လက်ဆောင်ယူသွားချင်လို့လား?" ထိုသို့လုပ်ရန်မလိုအပ်ကြောင်း ငရဲမင်းကြီးက သူ့ကို ပြောပြလိုက်ချင်ပေမဲ့လည်း လူငယ်လေး၏မျက်နှာပေါ်ရှိ အကွက်ချနေသည့်အပြုံးကို မြင်တော့ လူငယ်လေးက မိစ္ဆာသားရဲတပ်ဖွဲ့တစ်ဖွဲ့ ဖွဲ့ချင်နေသည့်စိတ်ကူးကို ငရဲမင်းကြီး သတိရသွားသည်။ သတို့ကြား ရင်းနှီးသော ဆက်ဆံရေးကြောင့် ရှောင်ရှီဘာတွေးတွေး ငရဲမင်းကြီး ချက်ချင်း သိလေသည်။
ဖုန့်ရှီက ခေါင်းဆောင်၏ မျက်လုံးများကိုမြင်တော့ သူ့အကြံကို သိသွားပြီမှန်း သိသွားသည့်အတွက် ရှက်ရှက်နှင့် ရီလိုက်လေတော့သည်၊ "လက်ဆောင်တွေက ကီရင်တစ်ကောင်ရဲ့ နှလုံးသားကို အနိုင်ယူနိုင်တယ်လို့ ခေါင်းဆောင်ပြောခဲ့တယ်လေ? ရေခဲချီလင်က ရတနာတွေ စုရတာ အရမ်းကြိုက်တာဆိုတော့ သူ့တပည့်တွေကလည်း ကြိုက်ကြမှာပဲ။"
YOU ARE READING
အာဏာရှင်ငရဲမင်းကြီးနှင့် သူ၏အချစ်ကလေး (၂)
Fantasyစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...
Chapter 230. The Auction Began
Start from the beginning