Instant Father (Instant Series #1) [SLOW UPDATE]

Kabanata 2

Kabanata 2

Help

       
"Ahh.. fuck.. harder. That's right -Fuck!"

Hioran was having a wonderful and delectable dream, pero naputol iyun nang magising siya dahil sa iyak ng sanggol.

Naiinis siya dahil naputol ang magandang panaginip niya. Ganun naman siya. Kapag wala siyang nakakasamang babae buong gabi, nagkakaruon siya nang ganung klaseng panaginip.

Pero nang mapagtanto niyang totoo ang iyak ng sanggol at mas lalo pa itong lumakas, sunod-sunod siyang napamura at bumangon.

Mabilis pa sa alas kwatro siyang lumapit sa switch ng ilaw para buksan ito saka siya lumapit sa kuna kung saan niya inilagay ang sanggol. Napaawang ang bibig niya nang makita niyang pulang-pula na ang mukha nito dahil siguro sa pag-iyak.

Iritado siyang napabuntong-hininga, "What is your problem?"

Napasulyap siya sa wall clock at mas lalo siyang nairita nang makita kung anong oras na.

Iritado siyang napahilamos sa mukha niya at muling tiningnan ang batang umiiyak.

"Do you even know what time is it? It's only two in the morning."

Iritado rin siyang napailing-iling kalaunan nang mapagtantong wala rin siyang mapapala sa pagkausap dito. Hindi naman siya nito maiintindihan. Tanging pag-iyak lang nito ang maisasagot sa kanya. Pero ano bang problema nito?

Ah. Baka naman nagugutom na.

Napatango siya sa naisip niya, "Oo na. Pagtitimplahan na kita ng gatas. Tumahan ka na."

Napailing-iling at napaikot siya ng mata nang mas lalo itong pumayahaw ng iyak. Pero hindi na muna niya ito pinansin, lumabas siya ng kwarto niya. Napailing-iling siya ulit nang madatnan niya ang mga gamit na nagkalat sa salas ng condo niya. Gamit ng sanggol na pinamili ni Ryeko para rito gamit ang pera niya.

Sa dami ng gamit na pinamili nito na hindi naman niya alam kung saan gagamitin, hindi niya alam kung may naiwan pa bang pera sa credit card niya. Isa lang ang sigurado niya. Halos limang buwan na sweldo mula sa pinagtatrabahuan niyang bar at restaurant ang nawaldas niya ngayong araw, dahil lang sa gamit ng sanggol. Isa pa ang sigurado niya, malamang at sa malamang, mamumulubi pa siya kapag nagpatuloy pa ito sa mga susunod pang mga araw.

Nailing na lang siya bago lumapit sa mga gamit sa salas para hanapin ang kailangan. Nahirapan pa siyang maghanap ng kakailanganin. Hanggang sa makita niya ang isang baby bottle at ang gatas na ititimpla niya.

Pagkakuha niya nun, agad siyang dumiretso sa kusina. Nilagyan niya nang maligamgam na tubig ang bote at nilagyan nang iksaktong dami ng gatas saka ito inalog.

Wala talaga siyang kaalam-alam sa bagay na ito. Mabuti na nga lang at may kaibigan siyang may alam sa ganito. Ryeko taught him this stuff.

Matapos niyang makuntento sa pag-alog sa gatas at nang masigurado na niyang natunaw na ang gatas sa loob nito, bumalik siya sa kwarto. Nailing-iling na lang siya nang hindi pa rin tumatahan ang bata sa kakaiyak.

"Oh, ito na. Dumede ka na nang tumahimik ka na."

Yumuko siya sa kuna ng bata saka maingat na isinalpak sa bibig nito ang baby bottle na may gatas.

He smirked when the child stopped from crying. Mission accomp -

Napawi ang ngisi niya nang makailang sipsip pa lang ito sa bote nang bigla na lang itong iniwas ang bibig sa bote at muling pumayahaw ng iyak.

"What is your problem? Here's your milk. Suck it already."

Sinubukan niyang muling ilapit ang bote sa bibig nito pero muli lang nitong iniwas ang bibig sa bote at nagpatuloy sa pag-iyak.