"ထိခိုက်ဒဏ်ရာရရုံပဲ ရည်ရွယ်တာ...သတ်ဖို့မဟုတ်ဘူး"
ခွန်ရှန်း ပြန်၍ ခေါင်းညိတ်ပြလိုက်သည်။
"အင်း...ကျွန်တော်သိတယ်...သေစေချင်ရင် ဦးက ကျွန်တော့်ကို ပါတီပွဲအတူခေါ်မလာလောက်ဘူး"
"Bingo...ကိုယ့်ကောင်လေးက တကယ်တော်တာပဲ"
"ကျွန်တော်သာ ငတုံးငအတစ်ယောက်ဆို အစကတည်းက ဦး စိတ်ဝင်စားမှုကို ရခဲ့မှာ မဟုတ်ဘူး"
ဦးစေတန်နက်ရှိုင်းက သူ့အား ပြုံး၍သာကြည့်နေ၏။
"ဆက်ပြောပါဦး ဦး"
"မှော်ပညာကို ယုံလား ခွန်တာ"
ခွန်ရှန်း ဦးအား ခေါင်းညိတ်ပြလိုက်သည်။
"ဒီထူးဆန်းလွန်းတဲ့လောကကြီးမှာ ကျွန်တော်တို့မသိတဲ့ ထူးဆန်းတဲ့အရာတွေ အများကြီးရှိနေလိမ့်မယ်လို့ ယုံကြည်တယ်"
"အင်း...ကိုယ် မှော်ဆရာတစ်ယောက်ဆီက ဟောကိန်းတစ်ခုရခဲ့တယ်"
ခွန်ရှန်း တိတ်ဆိတ်စွာ နားထောင်နေလိုက်သည်။
"ကိုယ်ရှာနေတာ နှစ်ပေါင်းများစွာ ကြာနေပြီဖြစ်တဲ့ ပစ္စည်းတစ်ခု အဲဒီပါတီမှာ ပေါ်လာလိမ့်မယ်တဲ့...အဲဒီပါတီပွဲက လူတစ်ယောက်ရဲ့ ကိုယ်ပေါ်မှာရှိနေလိမ့်မယ်လို့ ဟောတယ်"
"ဟောကိန်းက ယုံရလို့လား"
"အင်း....သူဟောတာ 100 percent မမှားနိုင်ဘူး"
"အဲဒါနဲ့ လုပ်ကြံတာက ဘယ်လိုဆက်စပ်နေလို့လဲ"
"ကိုယ်ပါတီတက်ဖို့ အဖိတ်ခံရသူတွေရဲ့ အကြောင်းတွေ လေ့လာကြည့်လိုက်တယ်...အကုန်လုံးကသာမန်ပဲ...မဖြစ်နိုင်ကြတဲ့သူတွေ...ထူးဆန်းပစ္စည်းတွေ ဝယ်စုတတ်တဲ့ နိုင်ငံခြားရေးဝန်ကြီးကသာ အဖြစ်နိုင်ဆုံးသူပဲ...အဲတော့ ကိုယ်က နိုင်ငံခြားရေးဝန်ကြီးရဲ့ခန္ဓာကိုယ်ကို ရှာကြည့်မှဖြစ်မယ်...ဒီတိုင်းလွယ်လွယ်ရှာဖို့က မဖြစ်နိုင်ဘူးလေ...အဲဒါကြောင့် အခုလိုဇာတ်လမ်းဆင်လိုက်တာ"
ခွန်ရှန်း သက်ပြင်းချလိုက်မိသည်။
"ဦး ပီသပါပေတယ်...အန္တရာယ်အများဆုံးနည်းကိုမှ သေချာရွေးချယ်လိုက်တာပဲ"
YOU ARE READING
Alien's adorable doctor
FantasyUnicode "ကိုယ်တို့ ချစ်သူဖြစ်ပြီဆိုတော့ အခေါ်ဝေါ်အရင်ပြောင်းစို့ ချာတိတ်" "ဘယ်လိုပြောင်းမှာလဲ" "ကိုယ့်ကို "ဦး"လို့ ခေါ်" "ကျွန်တော့်ကိုက ဘယ်လိုခေါ်မှာလဲ" "ကိုယ့်ရဲ့ကံကောင်းစေတဲ့ ဒေါက်တာလေးခွန်တာ" "ဦး ခင်ဗျားက ဘာလဲ" "ကိုယ်ကဂြိုလ်သား" Zawgyi "ကိုယ္တ...
အပိုင်း(၁၅)
Start from the beginning