5 Big Shots kneeled and called me Mom ( Myanmar translation)

Chapter 2.1 - I am your son

ကူယွဲ့ရဲ့ သမီးဖြစ်သူ ဖုန်းကျီဟန်က ကူယွမ်ကို စိတ်ရောဂါသည်တစ်ဦးလို ကြည့်ပြီး ပြောလာတယ် " နင်က ဘယ်သူလဲ ? နင်တစ်ခုခုများ လွဲနေသလား?"

ကူယွမ်က ကူယွဲ့ရဲ့ သမီးကို ကြည့်လိုက်ပြီးတော့ " မင်းကို ကျီဟန်လို့ ခေါ်တာလား ? ငါက မင်းအဒေါ်ပါ မင်းအမေရဲ့ အစ်မလေ၊ ကျီဟန် လူကြီးတွေနဲ့ စကားပြောရင် နည်းနည်းတော့ ယဉ်ယဉ်ကျေးကျေးပြောသင့်တယ်လေ"

သူမ ထက် အသက်ကြီးနေပုံပေါ်တဲ့ ဒီတူမကို ကြည့်နေရတာ သူမအတွက် တကယ် ခံစားလို့ကောင်းတာဘဲ။

ပိုက်ဆံဆိုတာ အပေါ်ယံ ပိုင်ဆိုင်မှုသာသာပါဘဲ၊ သူမ အိပ်ပြီး နိုးလာတာနဲ့ အလှအပနဲ့ နုပျိုမှုတို့မှာ လူတိုင်းကို အနိုင်ပိုင်းလိုက်နိုင်ပြီ။

ဖုန်းကျီဟန် : " ??? "

ကူယွဲ့ကတော့ သံသယဖြစ်နေတဲ့ ပုံနဲ့ မေးလာတယ် " နင် နင်က တကယ်ဘဲ ကူယွမ်လား ?"

ကူယွမ်လည်း ကူယွဲ့ က မယုံနိုင်ဖြစ်နေမှန်းသိပါတယ်၊ သူမ မျက်နှာ သူမ ပြန်စမ်းကြည့်ရင်းနဲ့ အေးခဲခြင်းရဲ့ အာနိသင်တွေ ဘယ်လောက်ကောင်းမွန်တာကို အံ့အားသင့်နေတယ်၊ သူမ အသားအရေက မအေးခဲခင်ကထက်ကို ပိုပြီး ကောင်းလာတယ်၊ နူးညံ့ချောမွေ့ပြီး လောလောလတ်လတ် အခွံခွာထားတဲ့ ကြက်ဥပြုတ်လေးလိုဘဲ၊ ဒါကို တွေးကြည့်လိုက်တော့ သူမ တကယ်ဘဲ ကျေနပ်သွားရတယ်။

သူမက ကူယွဲ့ကို ပြုံးပြီး ကြည့်လိုက်တယ် " ‌ညီမလေး၊ ငါကို ကြည့်ရတာ လွန်ခဲ့တဲ့ 25နှစ်တုန်းကနဲ့ ဘယ်လို ကွာသွားတယ်ထင်လဲ၊ ဘာမှ မကွာခြားသွားဘူးမလား? ငါက တကယ်ဘဲ နင့်အစ်မပါ၊ လိမ်နေတာ မဟုတ်ဘူး "

ပါးရေတွန့်ပြီး အရေးအကြောင်းတွေနဲ့ ပြည့်နေတဲ့ ကူယွဲ့ : "......."

လွန်ခဲ့တဲ့ 25နှစ်တုန်းကနဲ့ ဘာမှ မကွာခြားသွားတာက တစ်ခုခုတော့ လွဲနေပြီ ။

25နှစ်ကြာပြီးတော့ သူမကိုယ်တိုင်တောင် သတ်လတ်ပိုင်း အရွယ်ရောက်နေပြီကို ကူယွမ်က ဘာလို့ ငယ်နေပုံပေါ်နေတာလဲ။

ကူယွဲ့ကို ကြည့်ရတာ ဒီအဖြစ်အပျက်ကြောင့် ချဉ်စူးပြီး အဆင်မပြေ ဖြစ်နေပုံပေါ်တယ်၊ ကူယွမ် ခံစားချက်တွေ ပိုတောင် ကောင်းလာတယ် "နင်မသိဘူးလား ၊ငါ့ရဲ့ ခွဲစိတ်မှုကျရှုံးသွားတော့ ငါ့ခန္ဓာကိုယ်ကို အေးခဲထားလိုက်ရတယ်လေ၊ အခုနည်းပညာတွေ တိုးတက်လာတော့ ငါ့ရောဂါကိုတောင်ကုသနိုင်ပြီး ခဲနေရာကနေ ပြန်နိုးလာခဲ့တာ"