သက္ကရာဇ်တစ်ခု၏ ချိုမြိန်သောရက်စွဲများ(Completed)

11.

ဒေါကြီးမောကြီးဖြင့် ထင်လင်းလက်ကိုဆွဲကာ သွားတိုင်မယ်တကကဲလုပ်နေသော အမေအား ထင်လင်းမှာ မနည်းဆွဲထားရသည် ။

"နေပါဦး အမေရယ် အခုဆို ကျော်စွာလဲ တော်တော်နှာနှပ်ယူနေရလောက်ပြီး သားကို ဒီသူငယ်ချင်းက ကူညီပေးတာ ကျော်စွာကိုထိုးလိုက်တာများ အမေရေ အားရစရာပဲ ဟိုကောင်အခုလောက်ဆို ထောင်,ထောင်,ထောင်,ထောင် လုပ်ရဲမှာမဟုတ်တော့ဘူး ''

ထင်လင်းက မိမိအနောက်မှာ အခုထိစကားတခွန်းမှဝင်မပြောဘဲနေတဲ့ကောင်လေးအား အမေနှင့် မိတ်ဆက်ပေးရတော့သည် ။

"ဟယ် ဟုတ်လား သားရယ် ကျေးဇူးပါကွယ် သားနာမည် ဘယ်လိုခေါ်လဲ ဘယ်မှာနေတာလဲ ''

အမေ မေးတာကို ပြန်မပြောဘဲ အမေ့ကိုသာစိုက်ကြည့်နေတဲ့ကောင်လေးကြောင့် အမေရော ထင်လင်းပါ ကြောင်အမ်းအမ်းဖြစ်နေရသည် ။

"အမေ ဟိုမှာ ပိုက်ဆံရှင်းမလို့တဲ့ ကောင်တာမှာ လူလဲမရှိဘူး သွား သွား သား သူ့ကိုဧည့်ခံထားလိုက်မယ် ''

"အေးအေး သား လူလေး နောက်မှတွေ့မယ်နော် ''

အမေ့ကို ပထုတ်ပြီးမှ ထင်လင်း အသက်ရှုချောင်တော့သည် ။
အနှီကောင်လေးက ထူးဆန်းလိုက်တာ...

"ဟို ထိုင်လေ ဘာစားမလဲ လက်ဘက်ရည်ဆိုင်ဆိုတော့ အစုံရှိတယ် ကြိုက်တာမှာစားနော် ငါမင်းကိုကျေးဇူးတင်လို့ကျွေးတာ ''

ထင်လင်းပြောတော့လဲ အနှီကောင်လေးက ဘာမှမပြောပေ ။
ပြီးတော့မှ တစ်ခုခုကို လက်ညှိုးထိုးပြပြီး လက်နှစ်ချောင်းထောင်ပြသောကြောင့် ထင်လင်း ကျိတ်ရီလိုက်မိသည် ။

ဆိုင်က လက်ဘက်ရည်ပါဆယ်ဝယ်သွားတဲ့ ကာစတန်မာ(customer)ဆီက လက်ဘက်ရည်ထုပ်ကို လက်ညှိုးထိုးပြီး လက်နှစ်ချောင်းထောင်ပြတယ်လေ ဒါက သူနှစ်ခွက်လိုချင်တယ်ဆိုတဲ့ သဘောပေါ့...

အနှီကောင်လေး၏ အပြုအမူကြောင့် ထင်လင်းပြုံးမိရတော့သည် ။

"ဒီကို ချိုစိမ့် ရှယ်တူး သောက်မယ် ဟေ့!!!. ....ထိုင်လေ တခြားဘာစားဦးမလဲ မုန့်လား ဒါမှမဟုတ် အီကြာကွေး နံပြား အစုံရှိတယ် မင်းကြိုက်တာမှာ  ''