သက္ကရာဇ်တစ်ခု၏ ချိုမြိန်သောရက်စွဲများ(Completed)

11.

အောက်မှာ အလူးအလဲခံနေရတဲ့ကောင်လေးကိုကြည့်ပြီး သက္ကရာမျက်လုံးထဲ၌ တချိန်ကမြင်ခဲ့ဖူးသော အဖေနဲ့သားရဲ့ ရန်ပွဲအားပြန်မြင်ယောင်လာကာ တစ်ကိုယ်လုံး တုန်ယင်လာပြန်သည် ။

အထိုးခံရသောကောင်ငယ်လေးက သက္ကရာကိုမြင်သွားပြီး အကူအညီတောင်းဟန်မျက်လုံးများဖြင့် ကြည့်လာသော်လည်း သက္ကရာ ထိုကောင်လေး၏ အကြည့်များကိုရှောင်လွှဲကာ ဒီနေရာက အမြန်ထွက်သွားရန်သာ စိတ်လောနေမိသည် ။
ထိုအချိန်၌

"ဟိုကောင် မင်းကရောဘာလဲ ဝင်ပြီးheroလာလုပ်ချင်နေတာလား ''

သက္ကရာကို ထိုအနိုင်ကျင့်တဲ့ကောင်လေးတွေက မြင်သွားဟန် သက္ကရာဆီကို ဦးတည် လျှောက်လာနေကြသည် ။

*ဟင့်အင်း...မလာပါနဲ့.....ငါဘာမှမလုပ်ပါဘူး...*

"ငါမေးတာ မဖြေဘူးလား ဟမ် ဟေ့ကောင် မင်းကဘယ်သူလဲ ''

သက္ကရာရဲ့ အင်္ကျီကော်လံစအားဆွဲကာ ပြောလာသော ကောင်လေးအားကြည့်ပြီး သက္ကရာရဲ့ လက်ဖျားလေးတွေတစက်စက်တုန်လာပြန်သည် ။

*ငါဘာမှမလုပ်ပါဘူး....ငါ့ကိုလွှတ်ပေးပါ.....ငါတောင်းပန်ပါတယ် *

"မင်းက ငါမေးတာ မဖြေဘဲ ဇောင်းကြွနေတယ်ပေါ့ ဟုတ်လား ခွေးမသား!! "

ခွပ် ခွပ် ခွပ်

"အာ့! !!!! "
.
.
.
.
.
.
.
.
"ဟို ရပ် ရပ်ပါတော့ မဟုတ်ရင် အဲ့ကောင် သေသွားလိုက်မယ် ငါတောင်းပန်ပါတယ် ရပ်ပါတော့ ''

ထင်လင်းတစ်ယောက် ကျော်စွာကိုထိုးနေသော အမည်မသိ လူငယ်လေးအား ကြောင်ကြည့်နေမိသည် ။
အစကတော့ သူအကူအညီတောင်းတာကို မမြင်ချင်ယောင်ဆောင်ပြီး ထွက်သွားမလိုလုပ်လို့ ထင်လင်းမှာ ကူရာကယ်ရာမဲ့သလို ခံစားခဲ့ရသေးသည် ။

ကျော်စွာက သူ့ကို တစ်ချက်ထိုးတုန်းက လဲကျသွားပြီး ပြန်မနိုးလာလို့ ထင်လင်းကပင် စိတ်ပူခဲ့ရသေးတာ ။
အခုတော့ ကျော်စွာမျက်နှာတစ်ခုလုံး ရစရာမရှိအောင် ထိုကောင်လေးက ပြန်ထိုးနေလို့ ထင်လင်းမှာ မနည်းတားရတော့သည် ။

ထင်လင်း တားသာတားရတယ် အနှီကောင်လေးက မျက်ထောင့်နီနဲ့ ထင်လင်းကိုလှည့်ကြည့်လို့ လန့်ကလဲလန့်ရသေးသည် ။