دارت الدنيا لتدق طبول قلبي

البارت الثامن والأربعون

ملاك
يا مازحاً بالهَجْرِ، هَجْرُكَ قاتلي
والقتلُ ليس مُزاحُهُ بمُزاحِ

ضيغم
قد جَرحتَ بمقلتيكَ حُشاشتي
فاجعل وصالَكَ مَرهماً لجراحي.

هجان

هـو أنـتَ مثل الوطن ، مـو أنه الأختارك
تسلبني نعمة هلي من تختلي بدارك

نارك ولا جنه هلي وياريتها ما تنطفي
حبك مثل نار وعشب من تشتعل ننتهي

حرب وحياة وحب سوى نتاني شوكت يطلع ضوى ونعيشها براحة وهنى..

بقلمي عبير ادريس🤞

___________

صفنت عليهم وضحكت انتظرتهم يكملون كلام وحجيت..

ملاك : شو انتوا بكيفكم تبيعون وتشترون بية ترة اني مو ذيج ملاك المراهقة التتحكمون بيها عمري ٣١ سنة يعني مو طفلة وتطلكوني وتزوجوني بكيفكم واحد يريد يصير علية وصي والثاني يطلكني ويرجعني بكيفة،،،

يوم طليقتي يوم زوجتي والأحلى اهلي يبيعون ويشترون بية بسعر طابوك

بس والله لا اندمكم بسيطة ..

التفتت على كرار الصافن علية كلتله..

ملاك : وانت عيب عليك كاعد هنا عايش دور الجاسوس تره ادري ليش جاي وادري كلش زين من تفتش بموبايلي بحجة ادلم جابه يمك،،،
خلي ابالك اني لو عندي شي لا انت ولا عشيرتك توكف بوجهي بس اللازمتني اخلاقي وبعدين موبايلي اذا بيه شي اخليه بيد ادلم وبدون رمز شوية فكروا بعقل وكافي تخلف شلون ناس ما تستحي ..

صعدت الدرج وادردم...

ملاك : والله لا ضيغم ولا ابوه يكدر يرجعني بعد السمعته اليوم ، اعيش وحدي وانعل ابو هيج حياة اريد اشوف واحد يوصل يمي لو يم ابني حتى اشوفه الامهات شتجيب كلكم بزلمكم ماتكدرون توكفون بوجهي اذا طلعت خبالي عليكم لأن الضاهر اليسكتلكم تاكلوه

دخلت لغرفتي مجرد سديت الباب راحت القوة كلها انهاريت ليش هيج يصير بية شوكت ارتاح شوكت تفرج علية ظليت اهدأ بنفسي وافكر زين شلون راح احاربهم كلهم واصدهم..

مرت ساعتين واني حابسة ابني وكاعدة فوك دك موبايلي شفته صعب كلت الله جابك اول ما كال الو انهديت بيه..

ملاك : انت ما تستحي تبيع وتشتري بية لك افهم اني احب زوجي لا والله هسه صرت اكرهه واكرهك واكره ال عمران كلهم لهذا اذا وصلت يمي لو يم ابني اندمك على الساعة السموك بيها صعب وكول كالت ملاك.

هجان: لج صبري افهمج لا تتخبلين علية..

سديته بوجها وحظرته، كلي احنا ولد عم ونرجع اصدقاء الكذاب هو انتوا مال واحد يثق بيكم ويأمن بس الغبي..

بيومها اشوفه من الشباك يطب ويطلع للحديقة وعينه على باب المطبخ يريد فرصة يشوفني بيها حتى يحجي ويايه ،