ပြန်လည်ရှင်သန်ခွင့်ရတဲ့ ဖုဘလော့ဂါလေးရဲ့ ချက်မယ်ပြုတ်မယ် အစီအစဥ်

၇

သို့ရာတွင် ပြည်သူပြည်သားတွေဟာ သူမ၏ မှတ်ချက်တွေကို စိတ်ဝင်စားကြပေသည်။ လက်၇ှိအချိန်တွင် သူမသည် သန်းနှင့်ချည်သော ဖန်တွေ၏ အစားအသောက် ဝေဖန်ရေး သမား ဖြစ်နေတော့သည်။

ရှားမီကဲ့သို့ ကျေနပ်အောင် လုပ်ပေးရခက်သော လူတစ်ယောက်က ချီးကျူးထားကာ ထိုတင်ဆက်သူ ချက်ခဲ့သော ဟင်းနှစ်ပွဲ၏ ကောင်းခြင်းတွေကို ဆက်တိုက် ညွှန်းဆိုနေပေ၏။ထို့အပြင် ထိုထဲမှ တစ်ပွဲမှာ စာဖိုမှူး အစည်းအရုံးမှ ဟင်းချက်နည်းတောင် တက်မလာသေးသည့် အာလူးနှင့် ဝက်ဗိုက်သားကို ပေါင်းကာ ခေါက်ဆွဲဆိုသည့် အရာမျိုးကို ချက်ပြထားခြင်းဖြစ်သည်။ ထို့ကြောင့် ပရိတ်သတ်တွေမှာမူ သူတို့၏ နတ်ဘုရား လူစားထိုးခံရပြီဟု ထင်နေကြတော့သည်။

ချုံလင်းလည်း မနေနိုင်တော့လေဘဲ ကြည့်ရန် ဆုံးဖြတ်လိုက်သည်။

" မင်္ဂလာ နံနက်ခင်းပါ အားလုံးပဲ ကိုယ်က မင်းတို့ရဲ့ တင်ဆက်သူ ယွမ့်ထန်းပါ။ ကိုယ်က...."

သူမ followထားသည့် အခြားသော တင်ဆက်သူတွေနှင့် ယှဉ်လျှင် သည်တင်ဆက်သူ၏ တိုက်ရိုက်ထုတ်လွှင့်မှု ခန်းမက သနားစဖွယ်ပင် ကောင်းနေသေးပေသည်။

ပျင်းစရာ ကောင်းလိုက်တာ

သူမက စားပွဲကို မီကာ တဖက်က ချက်နေသမျှကို ထိုင်ကြည့်နေလိုက်သည်။

တင်ဆက်သူက ငါးကို သာမန်ပုံစံလေးဖြင့် ထုတ်လိုက်ကာ ဘုတ်ပြားပေါ် တင်သည်။ သူက ဓားကို ပုံမှန်အတိုင်းလေး ကိုင်၏။

နေပါဦး သူ ဘာလုပ်တာလဲ

သူမ ထိတ်လန့်သွားကာ ထပင် ခုန်မိသည်။သူက ငါးကို ပိုင်းကာ ဗိုက်ထဲမှ သည်းခြေကို ထုတ်သည်။ သူမမှာ ဒီလိုရက်စက်သည့် သတ်ဖြတ်နည်းမျိုးကို ဆက်ပင် မကြည့်ရဲရှာတော့ပေ။ သူမ မျက်မှောင် ကြုတ်ပြီး ဘားတန်းဖော်ကာ အကွာအဝေးကို ခြားလိုက်သည်။

ဒီရက်စက်တဲ့ အကောင်ကတော့ အရသာရှိတဲ့ စားစရာကို အခု ဘာလုပ်ပြနေတာလဲ။ငါတောင် တစ်ခါမှ ငါး မစားပေမယ့် ဒီလောက် နှိပ်စက်ဖို့တော့ တွေးတောင် မတွေးဖူးဘူး ။