ပြန်လည်ရှင်သန်ခွင့်ရတဲ့ ဖုဘလော့ဂါလေးရဲ့ ချက်မယ်ပြုတ်မယ် အစီအစဥ်

၇

သို့ရာတွင် သူမကသာ ထိုသို့ထုတ်ပြောလျှင်အားလုံးက ဝိုင်းကာ အပြစ်တင်ကြပေလိမ့်မည်။ သူများတွေပြောကြသလိုပင် အားဖြည့် ဆေးရည် အသောက်များသည့်အခါ အရသာခံ အဖုလေးတွေ၏ လုပ်ဆောင်နိုင်စွမ်းက ကျဆင်းလာတတ်သည်ပင်။ သူမက ရှားမီကိုလည်း followထားသူ တစ်ယောက်ဖြစ်သည်။ သူမတစ်ယောက်တည်း ထိုသို့တွေးသည်သာ မဟုတ်လေဘဲ အင်ပါယာ၏ နတ်ဘုရားမသည်လည်း ထိုသို့တွေးပေသည်။

အင်ပါယာ၏ ပန်းပွင့်လေးဟု လူသိများသော ရှားမီသည် ရုပ်ရည်သာ ထင်ပေါ်သည်မဟုတ်လေဘဲ သူမ၏ ပါရမီကပင် အင်ပါယာ၏ ထိပ်တန်း အဆင့်ဖြစ်သည်။ သူမ၏ ပြောင်မြောက်သော မိသားစု နောက်ခံသာ မကလေဘဲ သူမ၏ ကြီးမားသော အင်တာနက် အဆက်အသွယ်တွေနှင့် ထက်၇ှ ထည့်တိုးဆန်ကာ ပွင့်လင်းသည့် စရိုက်ကိုလည်း လူတွေက နှစ်ခြိုက်ကြသည်။

ရှားစန်( သုံးရဲ့စန်း မဟုတ်)၏ သမီးဖြစ်သည့်သူမဟာ ဖခင် အင်ပါယာ မာ၇ှ့်မာစတာနည်းတူ ဖခင်၏ ပါရမီတွေကို အမွှေရပြီး ထိုနယ်ပယ်တွင် အလွန် ထူးချွန်ပေသည်။ သည်လောက် ငယ်ရွယ်သည့် အသက်နှင့်ပင် သူမက အက်စ်အဆင့် မာရှ့်ကို ဒီဇိုင်း ဆွဲနိုင်နေလေပြီ။ ဒါဟာ လက်ရွေးစင်တွေထဲမှ ထိပ်တန်းအဆင့် လက်ရွေးစင်အဖြစ်  သတ်မှတ်နိုင်တာထက်ပင် ပိုသည့် အရည်အချင်း ဖြစ်သည်။ ထို့အပြင် သူမ၏ ခင်ပွန်းလောင်း ပိုင်ချီဟာ သိပ္ပံ အကယ်ဒမီမှ ဒုဥက္ကဌဖြစ်သည့်အတွက် သူမကလည်း မကြာခဏဆိုသလို အသစ် ထုတ်ပြန်မည့် သဘာ၀ လက်ဆောင် အစားအသောက်ကုန်ကြမ်းတွေကို ဦးစွာ သိ၇ှိခွင့် ရသူလည်း ဖြစ်သည်။

သူမ၏ အင်အားကြီးသော မိသားစု နောက်ခံကြောင့် သူမက အဆင့်အတန်းမြင့် စားသောက်ဆိုင်တိုင်းကို မကြာခဏ သွားလေ့ရှိသည်။ သူမက လျှာစောင်းထက်သည်၊ အာရုံခံစားနိုင်စွမ်းအား မြင့်၏။သူမက ဝေ့ပေါ် ကွန်းမန့်ဆက်၇ှင်ကို သွားကာ ဆိုင်တွေ၏ စားဖွယ်စာရင်းတွေကို ကြည့်တတ်သည်။ သူမ၏ ချီးကျူးမှုက ရှားကာ များသောအားဖြင့် ထိုဆိုင်တွေ အဆဲခံရသည်က များသည်။သူမ၏ ကျိန်ဆဲမှုတွေထဲ အမှန်တရားက များနေသဖြင့် အများစုက ပြန်မငြင်းနိုင်ကြပေ။ ထို့ကြောင့် သူမဆိုလျှင ်ကြယ်အဆင့် ဆိုင်ကြီးတွေမှာ ချစ်လည်းချစ်သလို မုန်းလည်းမုန်းနေတော့သည်။