سَهمُ السارلــين •🏹
روزا الجنابي •
مُتابعة تصويت تعليق بين الفقرات لُطفا•
أمِس ما رِحت عَن بالي
أمِس وَي كُلشي گِمت ألگاك
بضِحگتي ، بدَمعي ، بخياليّ
أمِس لو جايّني چَتال
أصيّحَن. " هَلا بچَتالي ".
سارلين..
سارين:- رايح لـبغداد؟
جراح:- بلي، بعد الظهر أرجع
قوست فمي منزعجة وهو واكف يلبس اسمع صوت لرسائل توصل لموبايلـه وبعدها رن
جراح:- جاي بس ثواني، زياد غاد يموا، انتظرو بالـ**
ذكر اسم منطقة معروفة ببغداد وغلق الاتصال كمل لبسة واجه كعد يمي جر الغطة عني ودنك باس كتفي:- شبيها العوبة
:- لتروح، والله ممرتاحة
:- أرتاحي ولا تفكرين بشيء العصر انا راجع
حاوطت رقبتة ميل جسمة ليمي بوست خدة اتحايل واحاول ما اخلي يروح همست بدلع:- ضل يمي اليوم
:- ما اتاخر
:-بس انه مشتاقتلك وتعبانة اريدك يمي
مديت شفايفي بدلع وسبلت عيوني أبتسم وسحبهن
بين اصابعة:- لا تتدلعين سارين ترا كوه گاضب روحي منچ
غرس وجهه بين كتفي وفكي باسها بجرت نَفس وهمهم:- ما اتأخر ضلي نايمة
:- امم
رفع رأسه ووكف رفع الغطة ورتب شعراتي:- يلا نامي
:- اكعد يمي بس اغفه وروح
ثنه وگعد كدام الجرباية
ايدة لامتها الصدري كل شوية يكرصني خفيف ويهمس:-سارين الولد منتظريني
:- ماا
:- يـول لا تفشلينا تاخرت عليهم
هزيت رأسي بعناد وسادة عيوني تحرك وحسيت من كعد يمي وتغلغلت اصابعة
بفروة رأسي ماطول ثواني ورن موبايل. جاوبة وسحب ايدة مني ماحجيت
شيء طفى الضوء:- من تگعدين دزيلي رسالة
مارديت علي هو طلع وانه بعد عاصفة من الافكار رجعت نمت
وكعدت الظهر من اجت ماما وسَدن يمي تونسا ضحك وفرفشة وماما تعلمني على هواية اشياء بالبيت يخص ترتيب الاثاث وتنسيق الالوان
لان صَدقا انه مو كُلش اعرف بهذه الامور،
ولا احد علمني بصغري حتى اعرف
حسيت سَدن بيها شيء وماتكدر تحجي بوجود ماما ضليت احوص اريد انفرد بيها
وكفت يم ماما ادورلي عذر:- ماما ضلن عندي اغراض ببيت فواز اريدهن
:- يا اغراض
:- اغراض وملابس وهاي يعني شغلات خاصة تكدرين تجيبيلياهن هسه دام سَدن يمي
ماكالت لا لبست عباتها وطلعت رجعت بسرعة يم سَدن بالصالة لكيتها كاعدة تاكل
:- تعاي انتِ
سَدن:- ها سالمين شكوو
تربعت وكعدت كدامها ارفع بحواجبي واهز برأسي باستجواب:- شعندج
:- شعندي!
:- من الاخييييييييير اطلعي بالنظيف حبيبتي شكو ماكو جديد قدييييم هيج هيج
