سَــهمُ السارلــين •🏹
روزا الجنابي •
مُتابعة تصويت تعليق بين الفقرات لُطفا•
مَشاني باالعاگول وَكتي وسحَلني
مدرَي الله رَاضي بهاي مدرَي امَتحَني .
____________________
سَدن .
نضرب رأسي بالحايط عطت متألمة ومرعوبة من قربه
نسحب الولد ونشمر بعيد عني:- اطلعييي
كالها وضربه بوكس بوجهه نسحب من الولد الثاني وتلازمو بينهم
طفرت من مكاني اشهك النفس مرعوبة وخايفة ركضت
بدون ما التفت ورأسي احسو يريد ينفجر من الوجع اسمع بس صوت عياطهم والعالم لتمت عليهم
وصلت للبوابة
غشاء صار ينزل على عيوني ووجع اجتاح صدري وضيق بالنفس گعدت بالگاع
اسمع صوت بنات يمي بس ماعندي طاقة أجاوب
نرفعت بين إيدين فواز وراسي يدور ماگدر ارفع عيني واحجي ويا
نرفعت بنفس الثانية ساندني علي
فواز:- سَدن سَددددن
سَدن:- راسييي
اخر جملة وبعد مادري ماعت روحي بين ايدينه وحتلني الظلام
حسيت ؏ قطرات ماي بوجهي وصوت صدى أسمي يتردد فتحت عيوني جفني ماكدر ارفعه نضرب خدي بخفة
:- سَدن يولي سَدن
فتحت عيوني وهمهمت بخفوت:- هاا مابيه
:- دحگي يولي فگي عيونچ
فتحت عيوني وميلت راسي ؏ الكشن: - اصعد مابيه
سد الباب وندار صعد ومد ايده
علي جبيني:- مامصخنه عجل شبيج
:- راسي يوجعني دخت
:- نامي سدي عيونچ
مسح وجهي وعدل شالي:- أتارحي
غمضت عيوني وجسمي ينتفض بخوف منظرهم براسي بعدو
حرك السيارة وهو يحجي وياي ماكدر اجاوبه وصلنا للبيت ساعدني انزل وهو يريد يفهم نومني ؏چرباية والبنات وامي محاوطاتني
بتول:- شبلاها
فواز:- دايخة ووگعت هذا الفهمته منها
بتول:- سَدن
فتح عيوني اجر الكلمة بتعب:- مابييييه شيي بس عوفوني اريد ارتاح
بتول:- كولي نعسانة شكو هلدرامة بعد
عافتني وطلعت گعدت خالة سارة والبنات يمي
نوارس:- سَدن ول دادة شجرالچ! موجوعة!
:- هئ'بس صابني دوار ووگعت ؏ راسي
