++Unicode++
" တည်မြဲမှု"
နံရံတံတိုင်းတွေကာရံထားလည်း
ကမ္ဘာကြီးက ဆက်လက်လည်ပတ်သည့်တိုင်
ငါတို့ချစ်ဖို့ဖြစ်လာကြတယ်
လွယ်ကူမှာတော့မဟုတ်ပါဘူး
ငါတို့ချစ်ခြင်းတွေတည်မြဲဖို့ပဲလိုတယ်။
..............................
ဂျုံဆောင်း အတွက် ဒီနေ့တနင်္ဂနွေ နေ့က အဓိပ္ပါယ်ပိုရှိလှသည်။ ဘန်ဂျမင်နှင့် အတူ သူသွားချင်သော နေရာတော်တော်များများကို ရောက်ဖြစ်သည်။ယခုလည်း စာအုပ်ဆိုင်တွင် သူတို့အတူရှိနေသည်။
ဘန်ဂျမင်က သူလိုချင်သော စာအုပ်တွေကို အသေချာအာရုံစိုက်ရှာတော့ ဂျုံဆောင်း ကူညီပေးနေသည်။ထိုနောက် စာအုပ်များကို ငွေရှင်းက အခြားသော နေရာတခုကို ဦးတည်ဖြစ်ကြသည်။
"ငါတို့ မိုးချုပ်တဲ့အထိ လျှောက်လည်ကြမယ်နော်"
"မပင်ပန်းဘူးလား ဂျုံဆောင်း"
"ဘာလို့လဲ မင်း ပင်ပန်းနေလို့လား။"
ဘန်ဂျမင်က ဂျုံဆောင်းကို ပြုံး၍ခေါင်းခါပြသည်။
"ကိုယ်က မင်းပင်ပန်းမှာ စိုးရိမ်တာ"
ဘန်ဂျမင်က လမ်းလျှောက်နေသော
ဂျုံဆောင်းရှေ့မှာရပ်၍ သူဝတ်ထားသော Hoodie ခဲရောင်၏လက်အနားနှင့် ချွေးစို့နေသော ဂျုံဆောင်းနဖူးစပ်ကိုဖွဖွ သုတ်ပေးသည်။ဘန်ဂျမင်ရဲ့ အမူအရာတခုချင်းစီကို အသေးစိပ်ကြည့်နေသော
ဂျုံဆောင်း၏ရင်ဘတ်အတွင်း နှလုံးသားတစ်စုံကလည်းလှုပ်ခတ်နေလိမ့်မည်။
ဘန်ဂျမင်၏လက်ကို ဖမ်းဆုပ်လိုက်တော့ ဂျုံဆောင်းမျက်ဝန်းများကို စိုက်ကြည့်လာသည်။
"ငါ့အပေါ်မှာ ထားတဲ့ မင်းရဲ့ခံစားချက်ကို စကားအဖြစ်ထုတ်ဖော်ပြနိုင်မလား "
" ကိုယ့်အတွက်မင်းက ဘယ်စကားလုံးနဲ့မှ ဖော်ပြဖို့ မလုံလောက်အောင် တန်ဖိုးကြီးလွန်းတယ်"
ဘန်ဂျမင်ရဲ့လေးနက်တဲ့စကားက ဂျုံဆောင်းမျက်ဝန်းအိမ်မှ မျက်ရည်များ ဝဲတက်စေသည်အထိ ရင်ခုန််လွန်းရသည်။
ဂျုံဆောင်းအတွက်တော့ ဘန်ဂျမင်ကို မျက်ရည်ဝဲအောင်ထိ ချစ်ရပါသည်။
YOU ARE READING
My Heart In Parallel Universe
General FictionMy love is being well live in another world & other people who look like me! ∆Jay×Sunghoon(Benjamin)∆
