أشواك ( الجزء الثاني من فريسه في وادي الذئاب)مكتمله

الثامن

👑اللهم صل وسلم وبارك على سيدنا محمد وعلى اله واصحابه اجمعين 👑

الثامن

..

  اليوم التالي

كانو يتناولون الإفطار وكابر وجهها مشرق وتضحك وهي تشعر بالسعاده لقد عادت روحها إليها  تشعر بالامتنان لضاحي لأنه كان سبب في رجوع ليث لاحضانها و لانه استحملها كل هذه السنوات

    حياه كالعاده هي من تشاكس الجميع علي الأفطار

ضاحي : اليوم هنحتفل برجوعك  ونعمل ليله لله وناكل أهل البلد

ليث :  ربنا يخليك لينا

ربت ضاحي علي كتفه : ويخليكم ليا يارب

  ابتسمت كابر : ربنا يوسع رزقك ويحميكم من كل شر .. ويارب دايما متجمعين 

ضاحي : متجمعين بيكي ، انتي عمود البيت
نظرت له بامتنان  وابتسامه جميله نمت علي شفتيها  لطالما كان هو السند الحقيقي  فلو هي عمود البيت فهو البيت نفسه

  انتهو من الافطار ..   ليسمعو صوت الباب

ذهب حيدر ليفتح ليجد نرمين أمامه : احم . كابر  موجوده

حيدر. نفخ  : اه .اتفضلي

دخلت  خلف حيدر لينظر ليث اليها ويهمس  : مين دي يا حمزه

قبل أن يجيب حمزه كانت حياه تقفز في المنتصف : دي  ام أربعه وأربعين .  وليه رخمه اوي

ليث : مين برضو
حمزه : دي كانت ضيفه هنا.   بس ست مش مريحه

همهم ليث ..  حيدر نزل وخلفه كابر وضاحي

نرمين ابتسمت لضاحي فهي لم تجده في المكتب

: ازيك يا ضاحي

مدت يدها ولكن كابر اسرعت لتضع يدها في يد نرمين وهي تشد عليها : آذيك يا دكتوره .. اظن جايه تاخدي حاجتك، مش كده

ابتسم ضاحي بسعاده لرد فعل كابر . لقد عادت قوتها .. جلس باستمتاع وهو يتابع حديث كابر مع نرمين

  نرمين: في ايه يا كابر. انا كنت ..

كابر:  الفتره اللي كنتي هنا فيها ، عملتك بأسلوب كويس ، رغم أفعالك . بس حظك وقتها كان حلو لاني مكنتش في وعي ومكنش عندي نفس ، بس دلوقتي  خلاص

اقتربت منها وهي تنظر لها بشر: خدي حاجتك اللي فوق واختفي من وشي ، ومتتعمليش مع ضاحي تاني علشان  لو عرفت انك رجعتي هنا . هنفخك

  شعرت بالخوف من كلام كابر  حركت اهدبها بتوتر
: احم، انا اصلا كنت جايه اخد حاجتي وهرجع  القاهره  تاني