Love Between Serpent Beastman & Cuttie Hamster

YOU ARE READING

Fantasy

Title- 天敌饲养指南 A Guide to Raising Your Natural Enemy Original Author- Jué Jué/决绝 English Translator....Lada's BL MTL MM-Translator...Imyour Hlaing Start date- 28.7.2021 End date - Both Zawgyi and Unicode available. (I do not own this story,I'm just...

#beastman #btob #chinesenovel #fiction #gay #lovestory #mmtranslation #mpreg #romance #strongseme×cuteuke #timetravel

🐍စိတ်ဝိညာဥ်စွမ်းအား၏ အသုံးဝင်မှုနှင့် အက်ဂါ၏စကေးကြမ်း🐍/စိတ္ဝိညာဥ္စြမ္းအား၏ အသ

Start from the beginning

by imyourhlaing12

ရှုရှုက အတွေးယာဥ်ထဲနစ်မြောနေစဥ် အပ်ဂါ၏လက်ဖဝါးမှ မီးတောက်ကြီးထ ထွက်လာ၏။ ထိုမီးလုံးကြီးက စွမ်းအားအပြည့်နှင့် အန္တရာယ်ရှိသည့်အငွေ့အသက်ပြင်းထန်စွာ ထွက်ပေါ်နေ၏။ ထိုမီးလုံးကြီးအားကြည့်ကာ ရှုရှုအခုချက်ချင်း ထွက်ပြေးချင်စိတ်ပေါက်လာလေသည်။

ရှုရှုလေးး...."QAQ"

မတရားလိုက်တာဗျာ...။ ဒီလူက ဒဏ္ဍာရီလာသားရဲမဟုတ်ပဲ သားရဲလူသားဆို။ ဘာလို့ ဒီလောက် စွမ်းအားကြီးနေရတာလဲ ဝူးးး။

ရှုရှုက အက်ဂါ့ကို လောင်မြိုက်စွာဖြင့် မကျေမနပ်ကြည့်လိုက်မိ၏။ ထိုအချိန် အက်ဂါက နံရံကိုပင် ဖြတ်ခုတ်နိုင်သည့် လေဓားသွားများကို ဖန်တီးလိုက်၏။

"ကိုယ် စွမ်းအားနည်းနည်းလေးပဲသုံးလိုက်တာ...ဒီလောက်အစွမ်းထက်လိမ့်မယ်လို့ မထင်ထားခဲ့ဘူး" အက်ဂါက ရုတ်တရက် အခန်းထဲတွင်ပင် ရှိနေသေးမှန်း သတိရသွားပြီး ရှုရှု့အား တောင်းပန်သည့်အကြည့်ဖြင့် ကြည့်ကာပြောလိုက်လေသည်။

"အားးးးးးး" ရှုရှုက အက်ဂါ့ကိုခုန်အုပ်ကာ လက်မောင်းကြီးအားကိုက်ချပစ်လိုက်သည်။ အနာဂတ်တွင် ဒီလူ့လက်မောင်းကြီးကို သွားအယားဖြေဖို့ ကိုက်ပစ်ရမည်။

"ရှုရှုလေး အဆင်ပြေရဲ့လား" ရှုရှု၏အခန်းထဲမှ အော်သံစူးစူးကြောင့် ဂျေရက်က လူအချို့အားခေါ်ကာ တံခါးပေါက်ကိုကန်ဖွင့်၍ အပြေးဝင်လာ၏။ သို့သော် အိမ်ရှေ့စံအရှင့်သားအပေါ် ခွထိုင်နေသော ချစ်စရာ့သားရဲတစ်ပိုင်းလူသားငယ်လေးက အိမ်ရှေ့စံ၏လက်မောင်းကို ဖက်ထားကာ ကိုက်နေသည်ကို တွေ့လိုက်ရ၏။

အက်ဂါက တံခါးဘက်သို့ အေးစက်နေသော မျက်ဝန်းအစုံဖြင့် ကြည့်လိုက်လေသည်။

ဂျေရက်က ချမ်းစိမ့်သွားသလိုခံစားလိုက်ရပြီး ဒူးများခွေယိုင်သွားရလေသည်။ အရှင့်သား၏ အကြည့်များကသာ သူ့အားသတ်နိုင်လျှင် ခဏလေးအတွင်း ဂျေရက်အပိုင်းပိုင်း ပြတ်၍ သေသွားပေလိမ့်မည်။

သူတကယ်ပဲ အရှင့်သားနဲ့ သားရဲတစ်ပိုင်းလူသားလေးတို့ ရင်းရင်းနှီးနှီးသတ်ပုတ်တိုင်း ကစားနေတာကို နှောင့်ယှက်လိုက်မိတယ်...