Love Between Serpent Beastman & Cuttie Hamster

🐤💩အချစ်လေးရဲ့အိမ်သာတွင်းကို အက်ဂါတွေ့သွားပြီ💩🐤/အခ်စ္ေလးရဲ႕အိမ္သာတြင္းကို အက္

 ရုပ်ရှင်၏ထိုအပိုင်းများက သူတို့နှစ်ဦးကြား နားလည်မှု လွဲမှားနေမှုများအကြောင်းသရုပ်ဖော်ထားလေသည်။ နောက်ဆုံး အိမ်ရှေ့စံမင်းသားက သားရဲတစ်ပိုင်းလူသားငယ်လေးအား ကယ်တင်ရန် ဒဏ်ရာရရှိခဲ့ပြီးမှ သားရဲတစ်ပိုင်းလူသားလေးက မင်းသားအား ခွင့်လွှတ်ခဲ့၏။ ထိုအဖြစ်အပျက်ကြောင့်သာ မဟုတ်လျှင် ထိုသားရဲတစ်ပိုင်းလူသားက အိမ်ရှေ့စံမင်းသားအား ဘယ်သောအခါမျှခွင့်လွှတ်လိမ့်မည်မဟုတ်ချေ။

 ထိုရုပ်ရှင်ကိုကြည့်နေစဥ် အချို့သော စကားကြောင်းများ၌ "အိမ်ရှေ့စံမင်းသား" ဟူသော စကားလုံးပါပြီး ထိုအချိန်ရောက်တိုင်း သူ၏တော်ဝင်ဖေဖေက ဘာကြောင့်ရယ်မသိ အဆက်မပြတ်ရယ်မောခဲ့လေသည်။ သူ့ဖေဖေ၏ရယ်မောသည့်မြင်ကွင်းကိုကြည့်ခဲ့ရသည့် အိမ်ရှေ့စံမင်းသားဘွဲ့အပ်နှင်းခံထားရသော ဆယ်နှစ်သားလေးအက်ဂါမှာ အနည်းငယ်စိတ်ပိုင်းဆိုင်ရာ ထိတ်လန့်မှုရရှိခဲ့၏။ ထိုအခါမှစ၍ရုပ်ရှင်ရုံထဲသို့ အက်ဂါမဝင်ချင်တော့သလို သားရဲတစ်ပိုင်းလူသားများနှင့် ရင်းနှီးရန်ပင်ကြောက်ရွံ့နေခဲ့ရ၏။ သူအရွယ်ရောက်လာချိန်တွင် ထိုကြောက်ရွံမှုအား သူ၏ရင်ဘတ်ရှိအနက်ရှိုင်းဆုံးနေရာထဲ သိမ်းဆည်းကာ မေ့ပျောက်သွားခဲ့သော်လည်း ယခုခဏလေးအတွင်း ထိုရုပ်ရှင်ထဲမှအကြောင်းများ သတိရလာခဲ့၏။

အက်ဂါက သူ၏ကောင်းလွန်းလှသော ဉာဏ်ကိုပင် မုန်းတီးမိသွားလေသည်။

 သူရဲ့လက်ရှိအခြေအနေက ရုပ်ရှင်ထဲက အိမ်ရှေ့မင်းသားနဲ့တော်တော်တူနေတယ်။ ဘယ်လိုတောင် ကံဆိုးပြီး သူကိုယ်တိုင်က ဒီလိုကြုံနေတယ်လို့...။

သို့သော်လည်း သားရဲတစ်ပိုင်းလူသားငယ်လေးတစ်ယောက်ကို မည်သို့ချော့မြူရမှန်း အက်ဂါအမှန်ပင် မသိချေ။

 အက်ဂါက ဘာမှမခံစားရသလို တည်ငြိမ်စွာရပ်နေသော်လည်း သူ၏စိတ်ထဲတွင် ပူပန်သောကရောက်နေရှာလေသည်။

 "ခင်ဗျားက တကယ်ပဲဘယ်သူကြီးလဲ..." ရှုရှုက အက်ဂါအား အချိန်အကြာကြီးစိုက်ကြည့်နေပြီးမှ မေးလိုက်၏။

 "ကိုယ်...ကိုယ်က...." အက်ဂါက တရုတ်စကားဖြင့် "အိမ်ရှေ့စံမင်းသား" ဆိုသောစကားလုံးကို မသိချေ။ သားရဲတစ်ပိုင်းလူသားလေးက လူကြားထဲ သူ့အား လူလိမ်ဟုဆိုကာ စိတ်ဆိုးဒေါသထွက်သွားမည်ကိုလည်း မလိုချင်ပေ။ ထို့ကြောင့် ရှုရှုအားကြည့်ကာ ပြောလိုက်၏။ "ကိုယ်တို့ အရင်ပြန်ကြရအောင်လေနော်..."