-تَفَائلتُ بالَخير..فـَ عَرفَتُك.

البارت الرابع

"ولعل الأيام يوماً تخجل من شدة صبري "
.
فتحت عيوني وانا على سرير المستشفى الأبيض
ما اعرف رأسي وكل شيء بجسمي يوجعني
استقمت وطلعت من الغرفه وانا متجهه اطلع من المستشفى
حصلت ناديا عند دكتور محمد كان بأدي عليها الخوف؟
رحت لهم وجتني تضمني
ناديا : وينك خفت عليك
منار : اسفه بس تعبت وارتحت شوي
ناديا: يلا اجل امشي للبيت
مسكت يدي كأنها خايفه أضيع منها ابتسمت لها
ناديا : وشفيك تبتسمينن؟
منار : ولا شيء
مشينا لبيت ناديا بس ثواني..ليش
خواتي مطلعين شناطهم؟
نزلت انا وناديا
ريم : وأخيراً جييتي؟
منار: شسالفه؟
العنود : أبشرك وافق أبو نايف نسكن وخلاص
منار : الله يسعد والدينه ما قصر
أبو ناديا وهو جاي.. : يلا اركبو بنات
ركبنا معه وناديا كانت شوي زعلانه لاننا بنروح
المهم وصلنا للبيت الي راح نسكن فيه ما أوصف لكم
مره شكله كبير وحلو كأنه قصر كيف كذا حلو مره
منار : هنا بيتنا؟
أبو ناديا : ما عجبكم؟
ريم بحماس : بالعكس مره حلو ي خال
العنود : متحمسه اشوفه من داخل كيف شكله
منار نزلنا وكلنا وراء أبو ناديا
سلم على أبو نايف
منار
شفت شخص مو كبير مره بالسن كان شكله شبابي وجميل
ابتسمت مع نفسي كان يشبه ابوي شوي
رجعت اناظر اخواتي الي مره متحمسات
أبو ناديا : الله الله فيهم ما اوصيك ي أبو نايف خل ام نايف تعتني فيهم ترا هم بناتي وعزيزات على قلبي
أبو نايف : ابشر ي أبو ناديا مالك الا طيبة الخاطر امشو معي
دخلنا للبيت وكل وحده فاتحه فمها من جمال البيت
ما نبالغ بس اجمل من بيتنا ١٨٣٨٣٢٨مره
أبو ناديا : يلا انا بروح تبون شيء ؟
منار : لا الله يسلمك ما قصرت ي خال حافظك الله
ودعني أبو ناديا ببتسامه وراح
ناظرت في أبو نايف وجنبه ام نايف
سلمنا بشكل لائق وجلسنا معهم واتفقنا على دفع وكل شيء
وراحت ام نايف تورينا الغرف وكل شيء بطابق الثالث
وكلنا كننا نهز رأسنا بتعب لها
ام نايف : يلا انا استأذنكم وإي شيء تبونه علموني ي بناتي
منار : ابشري ي خاله
العنود : باقي شنطتين تحت وحده منكم تجيبها
ريم : مو انا لو سمحتو انا شليت وخلصت
منار : خلونا نلعب ورقه مقص والي تخسر تشيل شرايكم؟
العنود وريم : تمام
لعبنا بس طلع الي خسر..
العنود : بموتتت هي ألس اقترحت لعبه وخسرت
ريم : يلا قومي
منار 
وجع غش اوف مفروض حطيت مقص 
كنت اكلم نفسي وانا نازله اشيل الشنط 
بس صدمت بشخص وطحت انا وشنطه فوقه
قمت بسرعه اشوف هو كويس بس توسعت عيوني
منار : ايمننن!!!
ايمن : منارررر؟؟؟؟؟
منار : مو منجد قول كذب
ايمن : انتي الي قولي كذب وش جايبك لبيتي
منار : بس ذا مو بيتك ذا بيت أبو نايف ؟.
ايمن : أبو نايف ابوي يعني ذا بيتي
جاء أبو نايف
أبو نايف : تعرفون بعض؟
منار : لا ي عم انا ما اعرف الا رجال مثلك ومثل شرواك
رحت ولفيت ناظرت له من فوق لتحت
وكان ايمن معطيني نظره تخليني ابلع لساني
ابتسم لي أبو نايف : الله يسعدك ي بنتي
رحت وانا شاله شنطه وكانت مره توجعني باقي
وأحاول اشيلها بصعوبه كنت بعد كل درجه ارتاح
.
أبو نايف : ايمن كيف دوامك اليوم
ايمن وهو يناظر منار الي بتروح : بخير وانت كيفك
تذكرت اصابتها وكيف انها ساكته ماتحب تعتمد على حد
عنيده ذا البنت رحت لها متحجج بأبوي
ايمن : هاتي ابوي طلب مني اشيل الشنطه بدالك
منار
-اخذها مني بشكل سريع وراح بدون مايناظرني-
صراحه بدون كذب فرحة لانه اخذها يدي كانت توجعني
بديت امشي وراه وانا مادري وين رايحه بس اهمشي اتبعه لان المكان شوي كبير..
وقف وصدمت بظهره
منار بهمس : اح خشمي وش فيك وقفت
لف أيمن لي وناظرني بعد ما صدمته
ايمن : كنت بسألك سؤال
منار
كان يقرب مني وكنت خايفه اناظر بعيونه
منار : ايش سؤالك
ايمن : انتي بنت..
قاطعهم صوت أبو نايف وهو ينادي ايمن
منار : ابوك يناديك رح له
منار
ابعد وراح لابوه يمه كنت بموت رعب
اتوقع كان بيسألني عن حالتي
دخلت بسرعه للبنات
.
ايمن
كنت افكر وانا امشي متوجهه لأبوي
أيمن..كنت على وشك اسئلها بس راحت علي
بس صدمه كبيره بتسكن معي بنفس المكان ؟
كنت ابتسم لا شعورياً بسبب الصدف الي جمعتنا
رحت لأبوي وشفت وش يبي بعدها رايح متجه لغرفتي
وعقلي ما يوقف تفكير بنت غامضه تروشت
وأخذت جوالي فكرة افتح بث عشان أنساها شوي
بدأو الفانز يسألوني عن مسلسل رشاش ونفس الأسئلة المتكرره
.
البنات..
ريم : الله ايمن فاتح بث يوه متت احس ودي أقولهم اننا في نفس البيت وربي ينجلطون
العنود : وجع عيب ي ريم
منار : منجد عيب معطيننا بيتهم لا تصورين
ريم : اوف خلاص شفيكم شادينها
منار
كنت جنب ريم اناظر شكله وكيف يضحك أحسه مختلف
لفيت وانا معصبه ( إنسان متناقض غبي ) رحت
لعنود وانا جالسه باقي افكر فيه وتعامله معي بالمصعد
يعني يمكن هو شوي إنسان طيب بس انا ايش جالسه اقول
ضربت نفسي وحاولت اسولف مع البنات او نتابع فلم
.
بدينا نسولف وأخذنا الوقت و الليل يسري
فجأة بنص سوالفنا سمعنا ضربه قويه تحت
ريم : سمعتو ألي سمعته ؟
منار بخوف : أيي
العنود : يمكنه حرامي
منار : امشي نضربه
ريم : وش تضربينه مو منجدك امشي خلينا
نخليه يهرب وخلينا نتخبى
منار : تستهبلين مو منجدك
العنود : اجل خلونا نروح لأبو نايف نعلمه
منار : اجل ثوانيي بقوم اجيب شيء نضرب فيه الحرامي
ريم : عساس بتصيدينه الحين
منار : آفا انا خبره
العنود بضحكه : من ورانا
مشينا وكل وحده ما تبي تطلع اصلاً من الغرفه
نزلنا تحت بخوف نحاول ننزل لدور تحتي
حصلنا شخص اسود وشخص ثاني معه
طالعيم من قسم ام نايف وأبو نايف
ريم بهمس : ايش نسوي الحين
العنود : خلونا ننادي احد  او نكلم الشرطه
منار : بنات نهجم عليهم؟
ريم : خلاص تمام
أخذنا الي بيدنا بدفاع
ريم وهي فيها رجفه : لا تتحرك
منار : قلنا لا تتحرك ولا كسرت ذي فوق رأسك
العنود : حط الي بيدك في الأرض
ريم
شفته انه ما يتكلم ونزل الأغراض فرحنا انه سمع كلامنا
بس خويه ثاني ركض بتجاهي ركضنا كلنا ونصيح وكل وحده دخلت لأقرب غرفه وقفلتها
.
منار دخلت غرفه كانت فخمه مره بس كان ظلام شوي واسمع
الباب ينطق بشكل قوي وكنت ابكي خايفه
مشيت وانا أتحسس الجدار والباب ينضرب بقوه فتحت لمبه
حصلت شخص نايم ليته شخص عادي بس ايمن
لقيته نايم بسابع نومه لو يمكن ينفجر البيت ما يصحى اتوقع
ركضت له وانا ابكي : ايمن ايمننن
والباب كان ينضرب بقوه
منار  وهي تبكي: ايمن اصحى ي دب اصحى في حرامي بيقتلنا
ايمن بنعاس : من انتي
منار : فيه احد يضرب الباب بقوه حراميه
ايمن انتبه للباب الي شوي وينكسر من ضرب
وشاف منار الي تبكي وترتجف من الخوف
أخذت نفس نزلت من الفراش وهي وراي ماسكتني
ايمن : لو بتجلسين تمسكيني كذا مقدر اتحكم بحركاتي
منار بخجل بنص ماهي تبكي : اسفه
أبعدت منه وانا اكمل : اخواتي برا اخاف يقتلونهم
ايمن : لا تخافين جابو لنفسهم الموت يوم فكرو يسرقون هنا
وخري الحين وتخبي لان اول ما افتح الباب بيهجم
منار
رحت وتخبيت تحت سرير
وانا مغمضه عيوني خايفه وابكي من الأصوات الي برا
وكل الي في بالي خواتي وبس
بعد مده معد سمعت صوت
لا صوت ايمن ولا صوت شخص طلعت من تحت سرير
مسكني شخص بقوه وسحبني
يتابع
.
توقعاتكم ايش؟
مين شخص ذا ؟
وش صار على ايمن ؟
وخوات منار هل هم بخير؟