توسعت ابتسامته ولم شفته السفليه داخل فمه وگفت يمه وهو فتح الكتاب على صفحة
مكتوب عنوانها" كسر الخواطر ، وهَدمُ طفلة "
قرأ اول سطرين ورفع حواجبه وباوعلي:- أمي!
:- اي
احتلته الصدمة وظل ساكت عينه تنتقل بين عيوني بلل شفته وأكمل بخفوت:- تسامحيها
:- حاليا لا مستقبلا يمكن
نعصر وجهه وبلع ريگ اكثر من مرة لزم ايدي وقربني علي يحرك ابهامة على فكي :- عش محتفظة بيهن
:- ما اريد انسه شي
:- بس النسيان يساعدج تتشافين
:- ما اشفه وما احمل نفسي قباحة الناس وأدمر مستقبلي كل ساق يسقى بما سقى
فرك وجهه بقوة ومشاني ويا للچرباية مدد واشرلي اكعد گعدت ساندة راسي
على كتفه وهو يقرأ غمضت عيوني استرجع ذكرياتي بهذا اليوم السيء
ودخولي لـ أول مرة بيت أبو وضاح
ندارت ماما وثامر وهي أكملت بعصبية :- شعندك جايبهن وجاي يمييي
تقدم بتجاها بعصبية رفع اصبعه بوجها:- ام وضاح البنوات منا ماريدن احجي شي عيب
سحبتني سَدن وياها وهي تصيح:- بنواتتت لو **** دايحااات بالشوراع بواااگاات الزلم
صار صوت ضربة وبعدها صار صياح باوعت السَدن لي تحاول تتجاهل كلشي سدت باب الغرفة وتحاول تحجي حتى ما اركز بالصوت
سَدن:- ننظف الغرفة وهسه يرجع فواز يجيلنه حلويات نسهر مو هيجي سارين ها وهذه
مسحت وجهها عيونها مدمعة:- نلعب اي نلعب اخواني عدهم العاب وانه هم هسه نلعب بيهن ونتونس
اومأت براسي اي فتحت كنتور طلعت ملابس وباوعتلي تحاول تبتسم بس الموقف صعب وهي حيل خجلانة
:- انتظريني هينا هساع ارجع بس اغير ثيابي
:- يلا
ظليت گاعدة واسمع صوت صياحهم برا وبعدها صار صوت زلم نفتح الباب
ودخلت ماما دموعها تنزل بغزارة لزمت ايدي وصوتها رايح بصعوبة تنفهم:- يلا ترجعين للبيت ماما انه اجيج هناك
:- ليش!
:- احسن ماما احسن
مشيت وياها طلعت من الغرفة ودخل وضاح وجهه محتقن واعصابة بارزة بعصبية باوعلي وأشرل الماما يلقط انفاسة
:- خالة وليرحم امچ لا تفشلينه وياهم
سارة:- ماعليك انتَ يمة السالفة ما تطلع
وضاح:- فشلة والله
دخل ثامر وأشرلي بهدوء:- روح بابا يم سَدن
سارة:- تريد ترجع ماتظل هنا لو ثانية
ثامر:- التعدت عتبت الباب يصيرلي غير حجي وياچ
عافت ايدي وصاحت بقهر ونبرة صوتها دليل على وجعها:- بنتيييي تطنع بشرفها وأكعدهاااا ببيتها شلووون تقبلهااا
part-7-♕
ابدأ من البداية
