لانت ملامحة :- رد الهدية معناها شي ثاني وانه ما اريدها هيجي تفكر
:- اعرف والله بس هي تريد هذه الشي واحنه نعرف، لا تسوي هيج وتصيح عليها موحلوة بحقك هذه امانة عندك
استغفر ومسح وجهه بقوة ياخذة نفس:- اخخ منج
سارين:- اوي شبييك امشي كمل نرگيلتك حتى اشرب وياك
لزمت ايده ومشيته وياي للمطبخ
وهو يردلي بتحلف:- بالله اذا ما اگظي بيچ التوبة ما توبين انتِ
:- هههه اي ديلا يا عيوني يلاا
وگفت اكمل النركيلة وهو يفتر يمي وحاير بسالفة ايلاف مايدري شنو يسوي
كملتها وخليتها يم الشباك فتحت الشباك وخليت الكرسي
:- تعال أكعد
باوع للمكان ورفع عينه بعيني حركت حواجبي مبتسمة: - تخلص يمعود امشي وراك سوالف هواي بعد، خليها ببالك لهسه وياك سارلين لا تخليني انگلب سارين واسود عيشتك
كعد واخذ نفس من النركيلة وزفرة عليه :- من شفتچ ماشفت خير كل يوم مصيبة بكبر راسچ
:-الله يرحم ايام مخابرات الليل ابو الخير احجي شنو كنت تحجيلي
ضحك بقهقة وطب على رجله: - حدري ول يابة حدري نعيد مصايب هلراس الاخذ عگلي
:- نگدر نعيد وانه واگفة
:- لا مو انسة
ضحكت بصوت ناصي وهو مبتسم
اخذ نفس وكال:- تردين
:- امم صدكت
:- تعاي اخذي نفس
ميلت فمي ورفعت حاجبي كاشفته ابتسم وظلمت عيونه بنظرات خبيثة منحرفة :- جراح
:- عيونو سارلين ول يابة ماكدر گلبي رهيف يمچ
:- اروح انام احسن
:- تعاي يولي
:- كمل وتعال انتظرك ما انام
عفته ورجعت للغرفة اخذة ملابس خفيفة ومستورة بدلت وگعدت امشط شعري
اخذة العطر رشيت ع ايدي وجانبين رقبتي
رجعته وتأفئفت بضجر هتزت رجلي بتوتر وشعور حقير يتوسط صدري
ماتحملت وطلعت من الغرفة لغرفة ايلاف رفعت ايدي اريد اطرق الباب ونسحبت بقوة شهكت سدي فمي وسحبني يمشي
للغرفة سد الباب وبعد ايده توسعت حدقة عيونه بعصبية:- وييين رايحة تحجين صدك سارين
:- ماكدر قلبي يوجعني عليها
:- مايصير يابوية عوفيها
:- بس
سحبني. لحضنه مسكتني:- ماظل شي بس باجر احاجيها
:- بس لا تجرحها جراح البنت مالهه ذنب
:- ادري يا عمري ادري
ابتعدت عنه ورجعت شعري ورا أذني:- اذا نعست نام اريد اكعد اكتب شوية
:- شنو تكتبين
أشرلته على دفتري: - مذكرات
راح يمشي بتجاة الميز شال الدفتر يباوعله وفر راسه يباوعلي:- تسمحيلنه نقرأ
:- الوحيد المسموحلك
part-7-♕
Start from the beginning
