جراح:- بليل يوصلچ
فواز:- هللااا ول يااااابة. هللاا
بلعت غصتي وجمرة تلهب بالنفس تصعد وتنزل ما گدرت أصبر اكثر طلعت للحديقة وصوتهم ينسمع وضحكهم
وانتِ ايلاف! شنو موقعچ هنا!
الجواب براسي بس اكو شي بداخلي يمنعني اسمع كلام عقلي قلبي مسيطر ؏ كلشي احاول اتجاهل وما اهتم بس كل يوم ينزرع بيه شعور ابشع من القبلة كل يوم اعرف نفسي انه لا شيء عدهم
انه حالي حال اي جماد. بداخل هذا البيت معقولة انه استاهل كل هذا
ليش بس لان حبيت شخص يحب غيري
لو انه بشر منبوذ. لو انه بشعة. لا يمكن انه بيه خلل
وسارين احسن مني. كدرت تاخذ الشخص لي بيت احلام عُمري. بدون مجهود كل هذه الافكار كانت سبب بـ انحداري للاسوء
ميلت راسي صافنه عليهم وهم يجهزو غرفتهم ببيت فواز بعد اسبوع من التعب والنقل اليوم كملنا كلشي وسارين راحت للبغداد جابت كل اغراضها
واستقرت ببيت فواز
تركتهم ودخلت الغرفتي
قوست فمي واضحك ؏ نفسي بيها ع شنو هذا الترتيب كله لمنو!
شي بداخلي وكانما صدى بعيد جاوبني الچ انتِ تستحقين الاكثر
انتفضت روحي وهزيت راسي لا انه استاهل الصار بيه كله من ايدي اصلا انه انسانه محد يحبها
لا اهل ولا زوج ولا حتى امها ليش اشوف نفسي مميزة
بشنو اتميز ولا شي
جراح:- ناقصچ شي بعد
رفع عيني علي وظليت ساكتة مسح جبينو من العرق وأكمل عاقد حواجبه:- عندج شي يبوي طالع اجيب النواقص اذا تردين شي كولي
:- لا
ركز عيونو بعيوني قلبي صار ينبض بقوة وهو يرمش بعيونو بدون مايشل عينه
ماتحملت ونزلت عيني اخذة نفس روحي ترجف لمحت خيالو من طلع. لزمت قلبي بخوف
لالاااا لا لا تبني امال كلها نظرة بس نظرة لا اكثر
غمضت عيوني بقوة ما اريد اسمع صوت عقلي ولا سواليف قلبي بس كانت اقوى ومر اليوم كامل انه اتبسم ونظراتو
بين عيوني اشوفها بليل اجت خالة بتول صاحتنه ؏ العشا عدهم طلعت وياها وهم اجو ورانه
تعشينا بعدنه كاعدين ورجع وضاح من الدوام سلم وگعد ويانه ع السفرة
رجعت سارين من المطبخ :- اصبلك بعد أكل؟
بدون ما يرفع عينه جاوبها:- لا
طلعت سَدن والماعون الكدامه مابي شي قليل تحمدت وگمت اريد اطلع ونداريت علي
من رفعلي الماعون:- صبيلي اكل وياج عنايد
اخذته منه وطلعت خليت بي اكل ورجعت خليته گدامة ابتسم وتشكر مني طلعت اكمل الماعين ويَ خالة سارة. واجه فواز بيده كيس
فواز:- هذه الچ من جراح
part-7-♕
Mulai dari awal
