ايلاف:- اريد، اي اريد سارين وينها
:- راحت هي ونوارس لعند اسماء
:- ليش
:- سارين تريد تحف وجها وتنظفه
عضيت طرف شفتي واومات براسي كالت:- تردين شي منها
:- لا بس جراح يكول انقلو انتِ وسارين ببيت فواز
:- ليش يمة هذا شجا جراح كل شوية بقرار
:- اندري
كعدت يمها لحد ما رجعت سارين وكانت ضربة قوية ؏ راسي من كالت بكل برود:- اي انه طلبت منه ماگدر اكعد هنا ما اتحمل الوضع
ايلاف:- وانه ماريد انقل
سارين:- ذاك زوجچ وكوليلة شعلية انه
عافتني وطلعت لزمت راسي متألمة عقلي تعب تعب
طلعت اتصلت علي بعد اكثر من
اتصال جاوب:- جراح ماريد انقل، سارين راح تنقل هناك وانه ابقه بغرفتي
:- لا ' اجي الكة كلشي ببيت فواز
:- بسس ماريد
:- إيلااف لا تكثرين حجي
غلقت الاتصال وشمرت الموبايل اغلي روحيي روحييي انتهت بعد ما اتحمل
اكثر بس اهون من وجودي ببيت اهلي وتأثير نمارق عليهم لااا هناك اموت مو بس انتهي وأعرف كل الزين أبوي يرجعني وغصبا عليه و
فكرة اروح ويرجعني أبوي ويذلني گدام الكل بوحدها أرعبتني
اخذة كم جنطة رتبت ملابسي وملابس جراح واغراضي لليل رجعو الولد كلهم تعشينا وفواز يريد يطلع
جراح:- وين طالع
فواز:- هنا يم ربعي
جراح:- اركد عندي شغل خلصو وروح
فواز:- لا تكول انقل اغراض للبيت والله اشمرهن من السياچ
:- يلا راويني
:- شلووون طلابة ويَ نسوان جرااااح ادري اركدن بمكاااان شبييجن لااايچاات
سارين:- خما انزعچت!
فواز:- ولَ غثة انتِ والله
رفعت حاجبها وأبتسمت:-ديلا اووي عساس انتَ شلونك ابو العطور تمشي وعطرك يهف وراك
:- لاااا
عاط وتوسعت عيونه وهي أكملت كلامها :- حتى البيت مانحلك نعطرة تمشي وترشرش ندري عندك محل عطور
:-اي وغاثتچ العطور
:- لا
:- عجل!!
:- اريد عطر
ضحك وهي ضحكت ضحكة بشوشة :- صدك عندك عطور نسائية
:- عندي تردين!
:- اي
:- ورقي يلااا زلمتچ ثكيل اليوم
باوعت الجراح لي عيونه ما نشالت
منها مدت ايدها اله :- يلا عيوني ورق
:- خيولي انه اجيبلچ
:- بس اصلي مو ابو الالف
ضحك ولزم ايدها :- تعاي تدني اختاري واحد
ميل جسمو واخذ موبايل فواز فتح الصور يراويها وينطيها اسعار ومميزات العطور ومن شنو مصنوعة وهي تناقشو دنگت
راسي الدمعة بطرف رمشي ما تحملت اكثر وگمت اخر شي سمعته تكول
سارين:- اريد عُطر مميز
part-7-♕
Start from the beginning
