سارين:- خاف صار عندچ هبوط
سحب ايدي تقيس النبض ونوارس
ضحكت:- شعسوين بـ ايدها
سارين:- من النبض ينعرف اذا ضغطها صاعد لو نازل
ميل راسي عليهن نوارس مبتسمة وتأشرلي ؏ سارين صاحت بيها سارين
:- تره صدك مو مخبلة انه اعرف اقيس دائما اقيسه الجدة ويطلع مضبوط
نوارس:- دكتورة بلا شهادة مال العثرة
گعدت نزعتني شالي وهي تدردم عليه:- سطعش زنبوس تخلي
:- نجبي
:- اويلي اريد اكتلج بس خليني گاظه نفسي منچ
غمض عيوني موجوعة وراسي يفتل طلعت سارين ونوارس تدنت يمي: -سَدن هاي سارين تخوف يولي مهبولة تريدني اراقب البنات
:- ليش شصاير
:- تكول حيروحن للسحارة
:- كذب
اومأت براسها وتدنت اكثر تهمهم بينا:- انه من الصبح منتبه عليهن صدك عدهن شي ونمارق البارحة قومة القيامة ؏ البنات لحد من اجيت عليكم. ايلاف حابسة روحها بالغرفة ماتريد تشوف نمارق
:- وايلاف شعدها هناك اذا ما تريد تشوفها
:- غصبا عنها
ظليت ساكتة وحايرة ونوارس خايفة رجعت سارين جايبة غدة تغدينا وكعدت تحجي هي ونوارس
سارين:- نوارس شوكت ترحين
:- يااا، تطرديني يووليي
:- خاب شبيج حتى نعرف شكو ماكو على شنو دزيت عليج انه
جرتها نوارس قريب منها:- ليش ما نروح للسحارة قبلهن ونتفق وياها اذا اجت تبطل كلشي وهيج مايضرج شي اذا صدك نمارق تريد تسوي
:- وتوافق!
حركت اصابعها بحركة الفلوس: - ادفعي واطمني هي تمشي بالفلوس
:- شكد يعني
:- شكد ما تدفعي تحافظي ع نفسج اكثر
وكفت سارين بسرعة:- بلا
:- ول دادة مو هساعين
:- چا!
:- المغرب بس عليچ تدبرينا كذبة تانطلع انه ماكدر
:- ماعليج عليه
رجعت گعدت يمي تاكل بشفايفها صار العصر وسارين روحها تلوب رجعت ايلاف من اهلها وجها مورم وعيونها مورمة من البچي لزمتها امي تحقيق وهي ساكتة بس ترد
:- مابيه شي اريد ارتاح
بتول:- ارتاااااحننننن يمة ارتااااحن نهجم بيت الراحة بنات خشااان صايرات بزررر نستلة
..عفتها تعيط ودخلت لغرفتي شمرت العباية وافتر بالغرفة روحي روحي منتهية من القهر
منين اجيبها وين اشرد بروحي من سارين لو من نمارق لو عمتي لو جراح
لو البلاء الاخر مننيييين
نزلت دمعتي شهكت روحي تلسع بيه بنار نطرق الباب ودخلت نوارس مبينه خايفة
نوارس:- ايلاف شبيج
وگأنما كلمتها كانت سبب بانفجاري غطيت وجهي وگعدت ابچي بصوت عالي اشهك النفس واختنگ اكثر كعدت يمي تسحب بأيد
نوارس:- لااا يولي ايلاف شبيج منو وياج نمارق اخخ مو نمارق بالله
part-7-♕
Начните с самого начала
