غطيت وجهي واجهشت بالبكاء لميت رجليني الصدري. احجي ويَ نفسي بكلمات مامفهومة بس اريد اتنفس واخرج كل شي بصدري من حمل من بعد فترة طويلة
سمعت صوته يرد بهدوء مخنوگ :- كل هذا احنه سببه
:- اي
:- يا كسرت روحي، عجل احنه شگد ظالمين
:- موتوني وانه بيه نَفس، حرام عليكم يتيمة ليش هيج تسوون بيه
اخذ نفس عميق وجاوبني بنبرة خافتة:- ظُلام، انه ظلمت روحي وظلمتچ وياي
.... نقرت على السطر وباوعت علي: - شنو تقصد هنا ولا فهمت قصدك بوقتها
رفع عيونه الحاوطهن التعب
وجاوبني بخفوت :- انه سبب كره امي الچ
:- شلون!
سد الدفتر وحاوط اكتافي مقربني الصدره:- درت بيه ادزلچ هداية باسم سَدن وعرفتني هاويچ
:- وسوت كله هذا حتى تعوفني
:- اي ، لو ظال ساكت وظام كلشي مجان عرفت وسببتلچ كل هاي لـ أذية
غمضت عيوني ولزمت ايده : - الحمدلله على هيج اذية رزقتني بيك
:- ما متندمة ؏ مخابرتچ بذلك اليوم
:- لا، لو مامخابرتك كان تخبلت
ابتسمت وباوعتله:- مرات نسوي شغلات باندفاع بس تظل نتائجها السنين ويانه
عصرني بحضنه وباس راسي بنفس طويل ابتعد وميل راسه اليه:- ناوية تنامين بگربي اليوم
:- لا
:- عش يولي
:- ماكدر ما أمن. وهم مو صح انام يمك
:- يعني مصدكة هساع احنه بس مخطوبين
:- اي
ضحك بخفة ولزم وجهي
سحبني بوس خدي:- طرگاعة مو بنوات
:- سَهمي اريد عرس كل الناس تحجي بي
حرك ابهامه على خدي وعينه بعيني بنظرات عميقة وجميلة كال:- ول والله لي زرع حبچ بوسط روحي اسويلچ عرس كل الانبار تحجي بي
:- اريد العراق كله
ضحك بقهقة وكرص خدودي
ابتسمت من كال:- أبشري كل العراق يحجو بي يكولو جراح اخذ ضماد گلبوو يويل گلبي يوويلوو لذلك اليوم ايمتى يجي
عضيت شفتي حسيت نفسي خجلت منه حكيت شعري ومسح جبيني بتوتر ابعد عيني منه:- يلا نام تاخر الوقت
:- تنامي انتِ
:- اي هسه
نزل من الچرباية بيده الدفتر رجعه المكانه بالجرار گمت فرشت فراش بالگاع كل واحد من جهه وكل يوم احلفه
:- كول والله ما اجي يمچ ولا اباوعلچ وانتِ نايمة
:- هههه والله ما اگرب صوبچ نامي رَغد للصبح
قلصت عيوني مامصدكة بس مجبورة الخاطر عيونه يهون كلشي رجعت الفراشي تغطيت واباوعله من فتحة صغيرة صايرة
جوا الچرباية لمحته مخلي ايده على انفه ومبتسم كال:- عطرچ بعده بيدي يا ظالمة
:- هو عطر
شم ايده بقوة وغمض عيونه ههمهم :- چتالي
غمض عيوني ورجف جسمي بقشعريرة ظليت ساكتة
الا ان غفيت،،
حسيت الصبح علي من طلع نهضت بسرعة لميت الغرفة ورجعت
نمت ماحسيت للظهر طلعت امط بجسمي بكسل غسلت وگعدت شوية
صحصت وطلعت يم ماما ببيتهم :- هلو
سارة:- هلا يمة. تعاي اكعدي اسويلچ ريوك
part-7-♕
Start from the beginning
