Trilochan Roy Choudhury:- Beta Anirudh, Kal Viceroy Sahb Bangal aane wale hai. Aur unke swaagat samaroh mein jaane ke liye Vikramganj ki Rani, Vaibhavi Devi ne humein khaas nimantran bheja hai. Aur tumhe toh pataa hi hai, ki Angrezi Afsar (officers) kitna kam aate hai Bangal. Toh aise mein, Viceroy ka swaagat kar paana hum Roy Choudhury-o ke liye ek boht gaurav ki baat hogi. Isiliye kal hum aur tumhare Baba Viceroy ke swaagat samaroh mein jaane wale hai.
Anirudh:- Haan toh thik hai aap dono jaiye. Aur acche se swaagat kijiyega Viceroy General ka. Main Bihari se kehkar Viceroy ke liye kuch mehnge aur acche taufon ka intezam karwa deta hoon. Hmm?
Trilochan:- Areh 'hum' matlab hum dono. Matlab tujhe bhi chalna hoga humare saath uss samaroh mein. Aur taufon ka intezam bhi tu hi kar dena.
Anirudh:- Kaka, main wahan jaake kya karunga? Aap zamindar hai, Baba businessman hai. Isliye aap dono ka angrezon ke saath acche rishte rakhna zaruri hai. Aap dono jaiye. Main...?
Trilochan:- Aur tu iss ghar ka sabse bada, sabse zimmedar beta. London se Barristeri ki padhai karke aaya hai tu Anirudh. Tujhse milke Viceroy aur zyada khush honge beta, aur zyada accha lagega unko humse milke. Akhir tu humara garv hai, tujhe toh aana hi padega.
Anirudh:- Par Kaka, kal mujhe zaruri kaam se shehr jaana tha...
Trilochan:- Tera yeh zaruri kaam baadmein bhi ho sakta hai. Lekin Viceroy toh rozroz Bangal nahi aayenge na beta. Aur naahi humko rozroz unka swaagat karne ka avsar milega. Isliye tum apni yeh 'kintu-parantu' apne paas rakho, humne bol diya ki kal tum humare saath samaroh mein jaoge, matlab jaoge.
Phir agle din subah, Anirudh, Binoy aur Trilochan party mein jaa rahe hote hai in a car. Binoy car chala raha hota hai. Anirudh and uske Kaka backseat pe baithe hote hai.
Anirudh:- Waise Kaka, kya aapke jaan-pehchan mein koi aur hai, jinko humari tarah Viceroy ke swaagat samaroh mein jaane ka nimantran mila ho?
Trilochan:- Haan mila hai na, humare ek vyapaari dost ko bhi mila hai nimantran. Woh aur unki patni bhi zarur aayenge party mein, Viceroy ka swaagat karne. Areh akhir woh ek vyapaari hai, unka bhi toh angrezon ke saath acche rishte rakhna zaruri hai.
Anirudh:- Acchi baat hai. Apke naye-naye dosto ke baarein mein pataa chal raha hai mujhe ajkal.
Trilochan:- Areh 'naye' kahan hai bete, boht purani jaan-pehchan hai humari. Humare bachpan ke jigri dost hai woh. Bus tujhe aaj unke baarein mein pehli baar pataa chala hai. Accha thik hai, tu chal, milate hai tujhe apne dost se.
YOU ARE READING
Azadi --- Do Fitoori Krantikariyon ki Kahani
Fan FiktionWe all know that our India was under the British rule for 200 years. Not only that, we were also under the control of various evil practices during that time. But for how long can a bird be caged from flying? Similarly, we Indians also broke all the...
