Love Between Serpent Beastman & Cuttie Hamster

🦁အရိုက်ခံရတော့မည်ကိုတွေးပူနေသည့် ဂျေရက်🦁/🦁အရိုက္ခံရေတာ့မည္ကိုေတြးပူေနသည့္ ေဂ်

 "အရှင့်သားဒီကိုရောက်တုန်းက သူ့ရဲ့မျိုးဆက်သွေးကနိုးထတော့မဲ့ဆဲဆဲမို့ သားရဲပုံစံအနေနဲ့ပဲနေခဲ့ရတယ်။ ဒါကြောင့် ဒီကလူတိုင်းက အဆင့်ကျသားရဲတစ်ကောင်လို့ထင်သွားကြတာ" ဂျွန်းက အပြုံးလေးဖြင့်ရှင်းပြ၏။

"ဂျေရက်နဲ့သူ့လူတွေက အဆင့်ကျသားရဲနဲ့ သားရဲတစ်ပိုင်းလူသားငယ်လေးကို တောထဲကခေါ်ခဲ့တယ်ဆို။ အဲ့မြွေက အရှင့်သားလား။ သားရဲတစ်ပိုင်းလူသားလေးကလည်း အခုအရှင့်သားကာကွယ်ပေးနေတဲ့သူလား"

ဂတ်စ်ဂြိုဟ်က ဂြိုဟ်တစ်ခုဖြစ်သော်လည်း မြို့တော်နှင့်စာလျှင် လူနေကျဲပါးလှ၏။ ထို့ကြောင့် ဘုရင်ခံဂျက်စတင်က ဤနေရာတွင် ဖြစ်ပျက်နေသမျှတိုင်းလိုလို သိရှိလေသည်။ ဗိုလ်မှုး ဂျေရက်နှင့်သူ့အဖွဲ့က သားရဲတစ်ပိုင်းလူသားငယ်လေးအား တောထဲတွင်တွေ့ခဲ့သည့်သတင်းကိုလည်း သူကောင်းကောင်းသိလေသည်။

 ထိုအချိန်တုန်းက သူက ထိုကဲ့သို့အသေးအဖွဲကိစ္စအားဂျွန်းဆီသို့သာ လွှဲပေးခဲ့၏။ အမလေးလေး...ဒါကြီးက တကယ့်ကိုအသေးအဖွဲကိစ္စမဟုတ်ဘူးဟ။ ဒါကတကယ့်ကို ကြီးကျယ်တဲ့ကိစ္စကြီးတစ်ခုဖြစ်နေခဲ့တာ..။

ကိစ္စရဲ့အစကိုပဲ ကြည့်ရအောင်..။ အိမ်ရှေ့စံလို ထိပ်တန်းပုဂ္ဂိုလ်က ဂတ်စ်ဂြိုဟ်ကို အရင်ဆုံးလာခဲ့တာပဲလေ။ သူက တစ်နှစ်လျှင်တစ်ကြိမ်ဂတ်စ်ဂြိုဟ်သို့ အများပြည်သူသုံး အာကာသယာဉ်များ လာရောက်ရန် လျှောက်ထားလိုခဲ့သည်။ ယခုတော့ သူကိုယ်တိုင်လျှောက်လျှင်ခွင့်ပြုချက်ရမည်၊မရမည် မသေချာ၊မရောသည့်ကိစ္စအတွက် အိမ်ရှေ့မင်းသားကိုသာ အားကိုးလိုက်တော့မည်။

 မဟုတ်သေးဘူး။ တစ်နှစ်မှာ တစ်ခါထဲလာမှာဆိုတော့ နည်းသေးတယ်။ တစ်နှစ်ကို အများပြည်သူသုံး အာကာသယာဉ်များနှစ်ခေါက် လာရောက်ရန်ခွင့်တောင်းရမည်။ ဒါတကယ့်ကို ကောင်းတဲ့အကြံပဲ။

 "အာ..အဲ့လိုလား....။ အိုးး ဒါနဲ့လေ...အရှင့်သား... အဟမ်းးအဟမ်း....မိုးကြိုးအပစ်ခံပြီး မျိုးဆက်သွေးနိုးထတဲ့အကြောင်း ဗီဒီယိုရိုက်ထားသေးလား။ အဲ့ဒီဗီဒီယိုကို ငါတို့ဂြိုဟ်ရဲ့ တရားဝင်ဝက်ဘ်ဆိုက်မှာ တင်လိုက်သင့်တယ်..။ဟားးးဟားးးဟားးး....အရှင့်သားက ငါတို့ဂြိုဟ်ပေါ်မှာ မျိုးဆက်သွေးနိုးခဲ့တာ...နောက်ဆိုရင် အင်အားကြီးတဲ့သူတွေက ဂတ်စ်ဂြိုဟ်ကိုလာပြီး လေ့ကျင့်ကြ​တော့မှာ..." ဂျက်စတင်က သူ၏အတွင်းရေးမှူးဆီသို့ လှည့်ကြည့်လိုက်၏။