وراحت
سحر;باعي ح اعتبرج اختي واكولج تعاملي بشخصيتج كونج انتي جوري مو شرط الا تظلين ساكته شخصيتج هاي بتخليهم يستقو عليج لاتحسين انج صاحبه الذنب انتي مالج علاقه اهلج حملوج هذا الذنب تعاملي بشخصيتج بكونج انتي جوري اذا احد زعلج بكلمه زعليه بكلمه لاتضلي ثوله خليج قويه اذا ردتي تعيشين لو راح يموتوج هنا ماكو رحمه هم راح تشوفين هواي اشيا من كلام من حجي ماتشوفين شلون تحجي ويايه هاي حيه من تحت تبن هم باجر راح تجيي عمتهم هاي اخبث من هاي تتدور الزله وانتي عليج تقوين نفسج ولاتسمحين لاحد يذلج او ينفش ريشه عليج فهمتي
هزيت براسي
سحر;كولي فهمت لاتضلي تهدي براسج
جوري:ايي فهمت بس اني اخاف يضربرني مثل كل مره ماريد انظرب لهيج كلشي اكوله تم هم انظرب اذا كلت لا اكيد يموتوني
سحر:مايكدرون يسوون شي
جوري:الا يكدرون حتى الشيخه تريدني اموت اني سمعتها البارحه وهي تكول تصلي ووتتدعي عليه اموت علمود تحرك كلب اهلي عليه اهلي
سحر:صدك تحجين
جوري. جيت ارد سمعت صوت الشيخ خفت رحت ركض
جوري: ها
صكر;شنو ها رتبي الغرفه
جوري هزيت براسي ودخلت رتبت كلشي مع انو الغرفه مامعفوسه ولاشي خلصت اجيت اطلع
صكروهو دايعدل بالدكم مال دشداشته :كتلج طلعي
جوري;بس اني خلصت
صكر;من اكولج عود طلعي
اجيت احجي سمعت الشيخه داتعيط
ام صكر:وينننه هااي الفصيللله تعووف الشغلللل وتروووح تتديححح مدري وينن
باوع لي من المرايه واني صرت ارجف خفت انكتل مره ثانيه طلعت بسرعه من الغرفه جانت واكفه هي وام ليان عود من شافتني ام ليان تخبلت
ام ليان: عاايفه شغلج وكاعده بغرفه بالخاتون نستتي عمررج لووو شنووو
سمعت صوته من ورايي
صكر;اني خليتها ترتب الغرفه
ام صكر;دقيتيتن ترتبها البيت والمطبخ والشغل منو يسويه
ام ليان:والله اكولج ياخيتي ماكولج الا يمكن صدكت انو مرت الشيخ واحنا نخدامها
صكر:نزلي خلصي شغل
اجيت اروح هي سحبتني من ايدي
ام ليان:من احجججي توكفيينن
صكرر:هاااي انتي اني اللي امر واني اللي انهي هنا
ام ليان;كتللججح لعبتتت بمخ ابنج ماصدكتي هذا من يوم لعد شهر شنو حسوي تخليه يطردنا من البيت
صكر;نزلي خلصي شغل يمه ممكن تجين عندي حجي وياج
وهي ماعافتني
صكر:شدااااحجي
هي عافت ايدي بقوه واني نزلت وخصلت غده وصبيت غده وغسلت المواعين
يالله اريد اتسبح ماكو عندي دشداشه شفت بنيه اكبر مني شوي يمكن اخته خاف اكولها وتنطيني حجي يجرحني
شلون هسه اسال سحر
رحت دكيت الباب
سحر:منو
جوري:هاي اني
سحر:دخلي دخلي
جانت داتنيم ابنها الصغير
سحر: كعدي
جوري:احم لا ماريد خاف الشيخه تعصب عليج اني بس
سحر: اولا الشيخه ماتحجي وانتي كاعده بغرفتي عود من ينادوج نزلي لو وين راح تكعدين بالمطبخ كل الوكت
ثانيا: بس شنو
جوري:احم بصراحه اريد دشداشه لان مااخذت شي ويايه وماعندي ايشي البسه
ابتسمت:بس هيج
هزيت راسي
حطت ابنها ع الجربايه وطلعت لي اربع مو وحده وتراك هم
سحر:هاج بيجن عليج لان مو علي
جوري:بس هذول جدد
سحر:اي عمري شبيها اشتريتهن وما جن مقاسي
جوري:لا نطيني ايشي
سحر:لاشنو السالفه عود انتي مثل اختي
طلعت من عدها خجلانه يالله ووين احطهن هسه خاف احطهن بغرفه الشيخ ويعيط عليه نزلتهن للمخزن وحطيتهن وطلعت تسبحت وبدلت ورحت يم سحر انطتني مشط علمود اسرح شعري خلصت
سحر:كعدي شبيج
جوري:اخاف يسون لي سالفه هم اكو نسوان انزل اسوي جاي اشوف شتريد
سحر;تمام عمري ع راحتج نزلت شفت اختهن الصغيره يمكن عمرها 19هيج شي مدري كالت الشيخه تريدج
نزلت ورحت للصاله شفت العيوان كلهن عليه عيون حقد وكره ودايدردمن بالحجي نزلت راسي وبس
ام صكر;صبي لهن جاي
صبيت
ام صكر:روحي يلا شعدج واكفه
طلعت ورحت كعدي بالمطبخ خجلت اطلع يم سحر يمكن راح تنزل
صكر
من نزلت الصبح ومالي خلك ورديت بكلمتين لان مالي خلك هو باقي يومين والتحك لان لشتغل ببغداد مو هنا ومن اروح يستلم عمي مكاني لو اكو طلابه لو مشاكل ايشي لهيج يظل هو واسرته يمنه لما اروح وحتى لو موجود يظلو يمنه اغلب الايام
كتله تم وكعدو ومرت عمي مخلصتها عركات ويا هاي وويا هاي هم سمعت عمتي راح تجي واح تكتمل الشله ويالله شيخلصنه من مشاكلهن اللي ماتخلص
اتصلت بشاهين علمود نطلع ودالبس وعيطت الها تجي ترتب الغرفه البنيه هاي شنو سر سكوتها خوف لو خجل لو شنو بالضبط
جت تتطلع ماخيلتها سمعت عياط امي يالله دام جميله وام ليان فوك راسها الله يستر طلعت شفت ان ام ليان بدت تنفش ريشها اني ماجبتها الها اني جبتها لامي تريد تخلي سلطتها على كلشي
ام صكر:هاوليدي
صكر:يمه شنو قصه ام ليان
ام صكر':يمه عادي هي هم محروق كلبها على امير هم جان مثل ولدها هم ماتريد هلي المصخمه تاخذك من بنتها هيج تحسب بعد لهيج تتصرف هيج
صكر:يمه اني كتلج تخدمج الج تسوي اللي تريديه انتي بس
ام صكر:يمه اني ادري شنو اسوي
صكر:لااله الا الله
ام صكر:صكر تظل بنت كتال وليدي راح ايجيهن عليها بدل الدموع دم
صكر:على راحتج يمه وطلعت
ماجيت على العشا رجعت على صوت عياط وصراخ يالله
جوري
شوي واجت مره الكل استقبلها وكالت لي سحر :هاي عمتهم سميره اللي كتلج عليها هاي عود اخبث من ام ليان بهواي بعدها ماتعرفج احذري منها
جوري:الله يستر صرت ارجف
سحر:الله كريم
سويت عشه صبيته وهي نزلت وداتباوع لي باستفسار ونزلت الشيخه وكلهن علمود يتعشن واني كملت اسوي السفره
سميره:هاي منو
ام صكر;هاي الفصيله
سميره:هايانتي الا حالفه اموتج
جت تكوم مسكت بيدها الشيخه:مو وكلت هالحجي تعشي اكلي هسه
كلبي صار متل الطبول من الخوف احس رجليه ماعاد تشيلني
رحت للمطبخ منتظره مصيري
سمعت صوت الشيخه
جوري:ها
صعدي رتبي غرفه الضيوف
صعدت ورتبت استغرقت وكت لان جانت مغبره وهيج
طلعت وصلت يم الدرج شفتهن طالعات. للشيخه جميله وام ليان وليان بنتها وسميره هاي ارتعبت صرت ارجف
سميره تقدمت صوبي واني غمضت هسه اكسد سموتني هم ماكو احد من راح ينقذني منهن. شدتني من شعري
سميره: راح اشرب من دمجج تكتلون ولدد اخوي اللي مثل الوررده وانتي فرحانه تزوجت الشيخ عود اصير العب براسه واصير مرته هااا الا امووتج وهجمت عليه والباقيات ماصدكن تعاونن وياها اني ماكدر ادافع عن روحي اني صغيره بينهن صرت احاول اغطي نفسي بيده الصغيره صرت اسمع صوت سحر واصوات يمها وصوت فشار كلشي كلشي
شوي ماحسيت الا دااتحرج من الدرج بقوه ضربه ورا ضربه اقوى حسيت ممكن تكون هاي نهايتي حسيت داسبح بالدم واستسلمت لظلام مادري ظلام شنو
صكر
دخلت اشوف شكو وصلت عليها وصلت لنهايه الدرجه وهي كلها دم اباوع لامي وعمتي وجميله وليان وامها واكفات بانتصار واشوف سحر داترجف وتحاول تنزل الدرج بسرعه علمود تشوفها واختي الصغيره داتبجي يمهن
ماتوقعتهن بهاي الوحشيه اشوف البنيه مدمايه مادري بيها روح لو لا
يتبببع
بارت٤
Start from the beginning
