قصة جوري 💔( فصلية الشيخ القاسي) حقيقيه 🔥
البارت الاول 💕
________________
اني جوري عمري 15سنه عايشه ببغداد ويا امي واخواني وخواتي عندي خوات 2 بس متزوجات اخوي الجبير متزوج وعده ثلاث اطفال وعده محل ملابس رجاليه واخوي الثاني يشتغل مهندس وهو خاطب واني عائلتي كل حياتي بس اخوي الجبير يدور الزله علمود يضربني ويهيني ومرته خبيثه هواي بس تخبث عليه وتوسوس لاخوي علمود يضربني وامي مره جبيره ماتحاجي،جنت ادرس بالمتوسطة وجنت اروح ويا صديقتي وجانت حيل قريبه عليه نروح ونرجع ونسوي كلشي سويه ورا فتره رجع اخوها من السفر وصار اخوها ياخذها بسيارته ويرجعها واني اخاف بوحدي اروح وارجع اخاف وجاي اكولها كالت خلص اخلي اخوي يوصلنه سويه كتلها لاشلون حسين اخوي يموتني
رهف:::لاتخافين شلون راح يعرف
جوري::: :من توصلوني يشوفني
رهف:::;لالا اخلي اخوي يوصلج بعيد شوي عن بيتكم ومايشوفوج واخوي كلش حباب وراح يقبل
ترددت بالبدايه وخفت وهي ضغطت عليه ووافقت ورحت
رهف :::وكفي هنا فد دقيقه علمود احجي وياه وارجع
جوري::::اوكك بس بساع ماريد اتاخر
راحت وشفتها جاي تحجي وتاشر عليه وشوي واجت عليه وسحبتني من ايدي
رهف::::يلا يلا وافق اصعدي
جوري::::السلام عليكم
شفته كدامي يالله شنو هذا الجمال كله ياربي هذا موجود ببغداد صدك لو احلم
سيف ::::وعليكم
جوري اويل حالي صوته احلى بعد اويلي يالله
وضلينا طول الطريق ساكتين ولاكلمه ووصفت اله رهف البيت ووصلني وراح واني مصطوره بجماله يالله شنو هذا الجمال يالله ووصلت للبيت وصعدت لكيت مرت اخوي بوجهي يالله خرب اليوم
ابتسام::::شوواا الابتسامه شاكه حلكج شعجب
جوري::::ماكو اني يوميه هيج
ابتسام:::::اي يوميه يلا طبي بدلي ونزلي نصب غده لو نسيتي يلا اخوج يجي
جوري:::اووف تمام
ومرت الايام واخو رهف يوصلنا واني اتوه بيه يوم ورا يوم صرت احلم بيه واصحي عليه هو هم بدا يحجي ويايه واني اتوه اكتر وصرت مغرمه بيه بس جنت اكول مايفكر بيه ابد حب منتهي وراح اقهر روحي بالنهايه بس مو بيدي اتعلقت بيه هواي وحبيته وعشقته صرت اروح المدرسة بس علمود اشوفه
................................................
وهسة نروح بغير مكان بمحافظة من محافظات الجنوب وتحديدا العمارة
السلام عليكم يابة اني صكر عمري 30 سنه من العمارة وظيفتي ضابط وشيخ عشيرة بنفس الوقت مواصفاتي: طولي180 والكل يشهك من يسمع بيه اني من النوع العصبي ومااتحمل اليرادد وخاصة اذا احد يعاند اتخبل من هيج بشر،اني اسمراني عيوني وساع وعندي شخطة بطرف حاجبي والدي متوفي والدتي الله ينطيها الصحة والعافية بخير عندي 3 إخوان واني الرابع اخوية الجبير مصطفى دكتور جراحية متزوج من بنت عمي عمره 35 سنه والثاني انه وبعدها يجي اخوية سلام طالب جامعي سنه اخيرة عمره 24 خاطب بنت خالتي وبالاخير يجي اخوية الصغير أمير الي كل البلاوي بيه وكل يوم مشاكل
كعدت من النوم على صوت الموبايل يدك شلته واشوف صديجي(صديقي)وابن عمي شاهين فتحته
صكر:ها ولك شعدك من الصباحيات دكيت
شاهين:بلا حجي زايد مالك يلا تعال اني كبال بيتكم عدنه طلعة
صكر:خير وين نطلع
شاهين:راح أكفر بيك شكد تسئل تعال وأنجب
صكر:انه أعلمك من اجي يلا مع السلامة
شاهين:الله وياك
صكر:طبيت سبحت وبعدها بدلت ونزلت لكيت الوالدة كبالي بالمطبخ
ام صكر:ها وليدي كعدت صباح الخير
صكر:هو دنك على رأس أمه وباسها هلا بيج يالعافية صباح النور
ام صكر:تعال يمه اسويلك لكمة تاكل
صكر:لايمه مشكورة مااشتهي اريد اطلع
ام صكر:خير وليدي من الصبح طالع
صكر:يمه شاهين بالباب منتظرني يلا اودعناكم
ام صكر:الله وياك يحفظك الله
صكر:طلعت من البيت لكيت شاهين منتظرني بسيارته صعدت
صكر:ها ولك دايح شلونك
شاهين:الناس تكول صباح الخير وشوف انته شتكول😒
صكر:هسة ديلا اسكت مرلنه على مطعم نتريك بيه
شاهين:حاظر سيدي بالخدمة بعد تريد شي😑
صكر:اشبيك ولك على حسابي لاتخاف مو منك الفلوس☺
شاهين:اي اي زيين يلا انزل وصلنه
صكر:نزلنه بمطعم وكملنه أكل وطلعنه رحنه افترينه وبقينه نسولف بعدها وصلني للبيت وراح طبيت للبيت لكيت الكل مجتمع ومنتظريني
صكر:السلام عليكم
الكل:وعليكم السلام
صكر:شلونكم يابة هاي منو يمنه اليوم نوارة شلونج أخيتي عاش من شافك
نوارة(اخت صكر وزوجة شاهين):هلا بيك يخوية الحمدلله وانته
صكر:زين يبوبة تعاي حدري(قربي) يمي تعاي
نوارة:كامت نوارة وحدرت يم اخوها وسلمت عليه وكعدوا والكل داياكلون
صكر:شلونج شموسة(بنت نوارة) خالو شلونها الدراسة وياج
شموسة:زينه خالو
الوالدة:أوف يايمة شوكت اشوفك عريس واشوف جهالك بحظنك ويترسون البيت بصوتهم
صكر:يمه رحمة لأهلج سدي الموضوع اني ماحب الزواج
ام صكر:يايمة شجاك هيج عليج جا هو اكو احلى من الزواج اكو أحلى من تطب للبيت وتسقبلك مرتك وتشوف جهالك
صكر:يمه ماريد عوفيني هيج
أم صكر:يمه انته بس أشر بيدك وهاي بنات عمامك خير من الله
صكر:ههههههههههههه يمه اليوم شبيج وياية ها حجية 😉
ام صكر::::دكوم شبيك يالاغم وتغمزلي واني شمسوية
صكر::::لايابة اعذريني بالغلط يلا شبعت الحمدلله دائمة أن شاء لله
نوارة بيدج صعديلي كلاص جاي يبعد اخوج
نوارة:تدلل يخوية
صكر:مايدلل عليج ظالم،صعدت بدلت وكعدت أكلب بالموبايل إندكت الباب
صكر:منوو
نوارة:اني يخوية جبتلك الجاي
صكر:تفضلي يابة
نوارة أخذ يخوية محتاج شي بعد
صكر:تسلمين
صكر:تسلمين يالغالية، سلامتج
بقيت شربت الجاي وبعدها نعست ونمت كعدت على صوت الموبايل ب5 الصبح سويته صامت بدون مااانتبهه منو يدك بعدها خبلني فتحت واني طاكة روحي يااثول كعدني وحرمني من النوم
صكر:نعععععم
شاهين::::طيح الله حظك صارلي شكد ادك عليك وين جنننت
صكر::::خرب غيرتك شاهين جنت نايم احجي😒
شاهين:::::ولك عوف الحجي وكوم بدل عدنه مهمة بعد نص ساعة الاجتماع
صكر:شنووووو وانته استوك تكول خرب حظك درروح
شاهين:اي ديلا بلا حجي زايد وتعال بسرعة
صكر:سد الخط وكام سبح وبدل الزي مالته العسكري ولبس ساعته وطلع
بعدها رجعنه اني وشاهين للبيت الساعة جانت ب10:00رحنه للديوان لكيت ولد عمومتي موجودين كعدنه سولفنه جان اخوية امير كاعد يمي ورا شوية طلعت اشم هوه بالحديقة فتحت فوتي وطبيت على البرامج دخلت على الانستا شفت التعليقات على صوري المنشورة رحت رديت عليهم بعدها شفت وحدة داخلة خاص انطيتها حظر وسديته مالي واهس بهيج سوالف ومال الحب وتعارف تلعب نفسي من هل الشئ
................................
امير::::(اخو الشيخ علي الصغير):ها عبوسي شرايد داك عليه
عباس::::اكلك راح نروح لبغداد باجر تروح ويانه
امير::::ليش شعدنه ببغداد شوف خاف عبالك مثل ذاك اليوم تره اني ماحب هيج
عباس:::::اشبيك امير لاتطوخها هسة اليشوفك مايكول رجال شكبره شكده ويخاف من أهله
امير:::::أنجب شنو اخاف ورجال ماغصبن عنك هذا هوه باجر نروح
...........................
نمت صار الصبح كعدت على صوت الباب يندك
صكر::::منوو
امير::::اني خوية اجيت اكعد
صكر:تعال ولك طب هاي كعدت
امير::::ها شيخنه شلونك اخبارك 😉
صكر:هو ويرفع حاجبه خير امير اشبيك من الصبح وثاني شي شهل اللبس يبوبة
امير:::هو ويسوي نفسه فقير اكلك لاتحسسني اني جندي عندك لخاطر الكعبة
صكر:::اي هسة عوفنه من اللبس شرايد خوية مو وراي روحه للديوان بعد
امير::::هو ويغمز لاخوه اكلك شيخه انه أدري انته تحبني وماتردلي طلب طبعا اني أخوك الصغير والمدلل
صكر::::اميييييييييير
امير::::شيخنه بس ردت اكول باجر اريد اروح لبغداد
صكر::::هو ويعكد حاجبه شعدك ببغداد بس لا لسة مصاحب هذا صديقك العار
امير::::هو وينفخ بضجر خوية شسالفة هو باجر انه وأصدقائي نجتمع ونتونس شوية
صكر::::ولو مااقتنعت بس شسوي ماريد اردلك طلب
امير:::::هو ويكون يبوس رأس أخوه حبيبي والله😉
صكر:ولك وخر عني لزكت بوس مثل النسوان
امير::::اشبيك ياخوية غير أدلل شيخنا
صكر:::ماشي يلا كايم اروح للديوان عنده كعدة اليوم ها ومااوصيك دربالك على نفسك
امير:ادلل خوية
.............................................رجعت من الدوام كلش تعبان وماطايك روحي لكيت عمامي وعماتي عدنا سلمت وصعدت تسبحت وبدلت وجيت انام سمعت دك الباب
صكر :منو
ليان:اني
صكر;شرايده
ليان;افاا ع الاقل فتح الباب
اووووف رحت وفتحت الباب اعرف هاي البنيه لزكه
صكر: خير بت عمي
ليان:شنو هيج ع الاقل كول تفضلي
صكر:هااي انتي لاتنسين عمرج انتي منو وواكفه كدام منو
ليان;هاا اي اي بس
صكر:لا تبسبسين كولي شرايده
ليان:ججيت ب بس اطمن عليك اشتاكيتلك لان
صكر:تسلمين شي ثاني
ليان:لا ب....
ليان: قفل الباب بوجهي شنو ه̷̷َـَْـُذآ
باليل نزلت لديوان كعدت ويا عمامي وعمي يحجي بنفس السالفه مال كل مره اني لا واعده ولا واعد بته بشي بس هو يريد يلزكه بيا
صكر:خير ياعمي انشالله خير
جاني اتصال من العقيد واحس حركه وراي جيت التفت لكيت ليا يالله شنو هذا شمطلعها هاي هنانه
صكر: تمام تمام الله وياك حاضر
سديت الخط
صكر: شمطلعج انتي هسه تخبلتي تره الديوانيه كلها رجال
ليان:تغار علي
صكر:على شنو اغار دولي
ليان:ليش هيج تسوي بيا واني بحبك اكثر من روحي
صكر:اني وعدتج بشي لا خلاص تنجبين وتتدخلين
ليان;ماادخل
صكر:على راحتج ابوج يحجي وياج.
ودخلت الديوانيه صدك مالي خلك.
شوي جاي نحجي اجا واحد من الحراس ياشيخ ياشيخ الحك
صكر:شكو شصاير
الحارس:اكو عركه جبيره برا وباقي شوي ويكتلو بعض
جوري ::: ومرت الايام واني احبه وجنت اتوقع حب من طرف واحد بس وفد يوم رهف جانت تعبانه وماحضرت واني رحت لمدرسه وخلص الدوام ومن جيت ارجع للبيت لكيت سيف كدام سيارته اشر لي. رحت لعنده
سيف :::شلونج
جوري::;ت تمام الحمد لله
امير;شبيج هيج مرتبكه
جوري:ها لالا ماكو
سيف:::لعد سمعي زين اريد احجي وياج بموضوع مهم
جوري:::ها شنو م موضووع مهم شكو
سيف;:::لاتخافين ماكو شي صعدي
جوري: بس
سيف::: شنو ماتوثقين بيا من جوري مامتواجده ماتصعدين
جوري;لالا مو هيج
وصعدت ومشينا شوي ووقفنا
جوري:راح نتأخر
سيف::::لا ماراح نتأخر احجي وياج بسرعه وارجعج
جوري;ها اي احجي شكو
اسيف:::باعي بدون مقدمات اني احبج واريدج بس انتي بعدج صغيره وجاي تتدرسين بس راح انتظرج لحد ماتخلصين لاتخافين
جوري::: جانت صدمه وبنفس الوكت فرحت هواي ماعرفت شاكول نزلت راسي وسكت وحسيت ايده الباره ترفع راسي
سيف:::باعي تقبلين حبي الج
جوري::: ساكته
سيف::: مايحتاج تحجين عيونج جاي تحجي عنج انتي تحبيني هواي
جوري::::بس انت تتدري باخوي
سيف:::شعليي باخوج اني احبج الج وادري من رهف اخوج معقد وماينطيج شي بس اني صدك احبج وماكدر بدونج وبدون ماشوفج بدون ماحبج واكعد يمج واتواصل جوري
جوري:اني هم احبك
سيف:::صدك تحجين
هزيت براسي بمعنى يي
سيف::::احسن خبر اسمعه اليوم واخذ ايدي وباسها واني ذايبه مدري شاكول
وشوي وفتح الدرج اللي كدامي ومده الي
سيف::::هاج
جوري: شنو هذا
سيف:::: هديه من حبيبج
جوري:ب.. س
سيف::::اششش اني حبيبج ماترفضين لي طلب خذي ومركب عليه البرامج والخط اخابرج واعلمج عليه
جوري ::::اخذته ورجعني البيت جنت حيلللل فرحااانه وماكدر اعبر عن سعادتي اللي جنت بيها
وبديت اخابره واذا طلعنه من وكت من المدرسه ياخذنا اي مكان وصرت اتنفسه خلاص ماكدر بدونه نساني عذاب بيتنا وعذاب اخوي ومرته جنت ماهتم لاي شي يضربني يهيني يسوي اي شي كلت بيجي باجر وياخدني امير واخلص وهو هم جان يكولي جاي اعد الايام علمود تخلصين وتصيرين ام بيتي ويتغزل بيا واني احبه يوم ورا يوم لحد مايوم جنت جاي اخابره لان ماكدر اخابره الا ورا 12 علمود اهلي نايمين وماكو احد
جوري:حبيبي اريد انام وراي دوام
سيف::':بعدني ماشبعت من صوتج
جوري:::اميرر
سيف:::عيونه وكلبه وروحه
جوري::::اروحلك فدوه خل انام
سيف ::اوك بس اكو سؤال قبل متنامين
جوري:::شنو
سيف::::تحبني
جوري:::اي اكيد
سيف:::::شكد
جوري:::هوواااي
سيف::::اريد اسمعها منج قبل لاتروحين
جوري:::احبكككك هواي
ماسمع الا مرت اخوي فتحت الباب وصارت كدامي مادري سمعت لو ماسمعت طاح الفون من ايدي واني اباوع لها مادري شاكول ...
شفت مرت اخوي كدامي وبدات تعيط بكل صوتها وهي متقصده تريد تسمعهم
ابتسام:::::تعالووووو شوفوووو بنتكم الشررريففففه بنتكمممم البرييييئه جاي تحججججي شباب تاااالي اليللللل وماتستحي ولاتخجل ومكضيتهتاااااااا حب ووغزلللل وانتم نايمين علـّۓ. اذانكم
اني تجمدت مَآعِرَفتّ شنو اكول طاح التلفون م̷ـــِْن ايدي وجاي ارجف م̷ـــِْن كل شعره
وكل البيت صحى واتجمع م̷ـــِْن صوتها دخل اخوي...
يتببببع ....
