قصة جوري 💔 ( فصلية الشيخ القاسي ) حقيقيه 🔥
#البارت الرابع#**😔🎶
جوري :::
اتجمعن النسوان وهجمن عليه واللي تضرب بيديها واللي برجلها واللي بمدري. شنو واللي تسب واللي تفشر بديت احس عمري انتهى لهاي اللحظه احتاج معجزه ترفعهن عني وهن دايطلعن حرقه كلبهن بيا اني اللي ماسويت شي بيا اني اللي تحملت ذنب مو ذنبي واحس الضربات اللي ع جسمي اكبر من مني ومن قوتي وبديت استسلم لظلام ماحسيت غير صوت قوي على اثره توقفن كلهن
صكر:ولجننن شنووو خذا صوتججن واصل لنهايه الشارع
ام صكر;انت كلت بردي حره كلبج خلاص
مصطفى:يمه تره راح تموت البنيه تره هذا حرام
جميله ;اي واذا مو هم اخذو روح اخوي اللي مثل الورده لعد يتحملون
مصطفى;تره مو هي اللي كتلت اخوج
جميله ':لعد منو كتله اني
صكر:خلاص كاافي عااد اني انطيتها لامي تصير خدامه الها مو كلجن تصيرين وحوش
ام صكر:يمه اني امرتهن يسون هيج
مصطفى;يمه مايصير هيج يمه
جميله: ليششش داتتدافع عنها
مصطفى;مو ادافع بس مو هي اللي كتلت اخوي لو النا ثار ع ابن عمها مو عليها هي تحملت ذنبه
سلام;اي صح هذا تخلف اللي داتسوه اخوي انطها لامي انتن شعليجن ماتصدكن
صكر:يمه ماريد اللي صار يتكرر تخدمج تسوي اللي تريدين بس احنا مو وحوش علمود نسوي هيج
ام صكر:ششبسرعه لنت الها
صكر:لا اله الا الله يمه مالنت مالنت وح اخذ ثار اخوي
ام صكر;خل اكعد احسلي
مصطفى;سحر خذيها
ام صكر':للمخزن
مصطفى;خذيها ياسحر
تقدمت مني مره حامل ورفعتني يالله امشي احس ماداكدر امشي ولااتحرك عمري مانظربت هيج صح اخوي يضربني بس مو لهاي الدرجه وينج يممه وينج مو كلتي حيعاملوج زينن وينننج حملتوني فوق طاقتي هذا توني وصلت شلون لو مرت الايام يكتلني اكيد
نزلتي لمكان مظلم ومابيه الافراش وخالي من اي شي ثاني
وراحت ورجعت ويا اسعافات اوليه هاي المره مبينه طيبه وع نياتها
سحر:تحملي تتدرين تو كلبهم محروق ع ابنهم
جوري:بس اني ماسويت شي
سحر:ادري ادري بس اهلج انطوج فصيله يعني هم يدرون حيصير هيج يعني قدمو حياه ابن عمج عليج
جوري واني ابجي;بس امي كالت حيعاملوج زين
سحر:والله باعي ممكن بس هيه ماظن لان عمتي كلبها محروق ع ابنها بس عمتي كلبها طيب يمكن تحن عليج
جوري هزيت راسي
سحر:اني اروح هسه انتي ارتاحي شوي
وراحت واني تمددت ع الاض وضليت ابجي ليش هيجي يسوو بيا وينك يا بابا لو انت موجةد ماحد يكدر يسوي هيج بيا ليش اتحمل ذنب مو ذنبي
صكر
كعدنا
ام صكر':تتدري ان هاي اللي ماتتسمه مايصير تظل بدون ماتعقد ع واحد منكم وانت اللي حتعقد عليها
صكر:شنو
ام ليان;هااي هاي شنة هالحجي تالي عمرنا شيخنا يتزوج فصيله ويعوف بنت الشيوخ
ام صكر;كعدي اني احجي الكل يسكت بنتج تظل منا وفينا وحتظل مرت ابني وام جهاله بس هسه يتزوجها لان هو بعده مامرتبط بعلاقه رسيمه مصطفي مزوج وعده مرته وسلام خاطب وعاقد وعرسه بعد شهر اما صكر بعده ماكال او حدد ايشي يتزوجها اهو
ام ليان:وبنتنا تنجرح هاا مو خطيبته من صغرها واحنا نكول ليان لصكر وصكر لليان
صكر: انتو تكولو مو احنا واني مااقبل يدمر بيت اخواني علمود بنتج ست الحسن والجمال وانتي وابوها داتألفون القصص احنا حتى ماكلنا لكم نريد بنتكم
ام ليان:هاا علمود فصيله تعوف بنتي
ام صكر:ياخيتي دافهمي بنتج تظل بنتنا وح يتزوجها
ام ليان:اني ساكته علمودج بس
ليان كامت وراحت تبجي ع اساس يهمني هم دايلقصون بنتهم ليا واني لا كلت ولاشي واني ماريد بيت اخواني ينخرب ع اي سبب هم اريدها علمود اتفنن بعذابها
مصطفى;يمه بس يظل شي
ام صكر;شنو
مصطفى;ماحد يمد ايده عليها تره نظل شيوخ ومايصير نصير شيوخ نريد نرتفع عن هالشي
ام صكر:لو انتو جبتو لي دم ابني جان ماسويت شي
صكر: بس تظل خادمه لامي وتسوي شما كالت لها وح اخليهم يجيبو شيخ ونعقد
ام صكر;هم عندي شرط اني
صكر;تفضلي امري
ام صكر':تتدخل عليها وتخدمنه بس تظل بغرفتك
صكر:بس يمه
ام صكر:هذا شرطي بعد
ام ليان;مو كلتي علمود تظل صار هسه ادخل عليها
ام صكر:ها شكلت
صكر:على امرج يمه
صعدت للغرفه تعجبت من امي شلون تريد هيج بس اعرف وراه شي بس هم هذا مايمنع اني منتظر ادمر حياتها من تصير تحت ايدي
ورحت تمدت ع الجربايه تذكرت ابوي من اامني ع اخواني تالي هسه فرطتت بامانته الا اندمكمم. الا ابجيكم بدل الدموع دم
اتصلت بمصطفى علمود ماينسي يجيب السيد وياه جنت تعبان حيل من يوم توفى اخوي واني مانمت ولاغفيت
اتظكرت من اخذتها من بيت ابوها ماشفتها مالمحتها حتى رجعت افكر شلون راح اتفنن بعذابها ومن كل هاي الافكار المزحومه نمت
