جـراح:- سدن تنتظرج بالباب
انتبهت احنه بباب بيت عمي ثامر دحگت بعيونو وصوتي يرجف :- ليـش جراح انا اتساهل الاكثر!
جراح:- كلـشي تعرفينو بعدين وتعذريني
إيلاف:- هذا ذل ومهانة الي" ترضاها !
جـراح:- ماعاش تنذل حرمة تكون بأسمي " بس مجبور على كلشي والزرع حبها بروحي كلو الخاطرچ لي راح يصير ما اريد احرمچ من فرحة البنوات
غمضت عيوني يتردد براسي:- والزرع حبها بروحي
غصيت بلُعابي وهمست:- لي تشوفو صح انه راضية بي
فتحت الباب ونزلت دموعي تنزل وحدة ورا الثانية تلگتني سدن وخالة بتول بالباب يطشو جگليت على اشنو ماعرف
جراح:- سدن مثل ماوصيتچ
سدن:- تامرني أمر
طلع جراح دخلت ونصدمة صدمة عُمري من لكيت سدن محضرة الغرفة اليه والهه قفلت الباب وگعدت يمي تهدي بيه بس كان نار روحي اكبر من كلامها
مر الوقت بسرعة وانا مو غريبة عنهم ولا متقيدة بوجودهم
افتر ويً عمة بتول لليل مددة بفراشي ونطرق الباب
جراح:- سدن
سدن:- بلي
فتح الباب گعدت البس بشالي واسمع يكولها:- وين إيلاف
سدن:- ايلاف تعالي
طلعت ليمهم اشرلي اطلع ورا مشيت ورا رجليني ترجف دخل الغرفتو وسد الباب اشرلي اگعد
بللت شفتي وهمست: - مرتاحة
جراح:- أكعدي
كعدت ؏ فراش وضاح لكان مفروش مبين يردون ينامون گعد كدامي
وبيدو موبايلة يفر بي بين اصابيعو
جراح:- عمي ماحجالچ عن الاتفاق بس انه راح اوضحلچ كلشي تايبرد راسي وراسچ.
عقدنه كان اتفاق الوقت يزول الخطر منچ وتروحي بحال سبيلچ وقت الدوام تداومي انتِ وسدن وكلشي تحتاجي بباطن عيني لا تطلبي من احد ولا تستحين تردين اي شي تجين عليه ويتم
غير هيچي ماعندي شي واذا عندچ شي احجي
هزيت راسي مخنوگة وقلبي يتقطع وذر ظليت مدنگة راسي
جراح:- إيلاف
إيلاف:- ها
رفعت عيني بعينو اشرلي بعيونو:- حالي حال عمر وزياد لا تتقيدي بشي فواز ووضاح خوانچ
part-2-♕
ابدأ من البداية
