توسعت عيوني بدهشة:- لااااااا! شلون يصير
ايلاف:- اندري وابوي راضي وامي ماتگدر ترفض واذا رفضت مايتغير شي
سدن:- عمر علي زياد كلهم راضين!
ايلاف:- اي
ظلت سدن ساكتة وانه قلبي متقطع من افعالهم سدت الاتصال وگعدت انود بوحدي حكم القوي على الضعيف هدمو احلامي بالحظة وحدة
وبدون مُبرر ولا حتى اسباب واضحة
غطيت راسي اريد اهدء روحي بس امي ماعدها هذا الشي كفت البطانية مني
:- مو وكت نوم انهضي اغسلي ثيابچ
:- غسلتهم
:- عزلي لي بالكنتور
:- عزلتهم
عقدة حواجبها وعاطت بانزعاج:- انهضيييي للمطبخ
طلعت بدون صوت يم البنوات ودموعي تنزل على ساكت البنات كملو العشا وانا غسلت الماعين ووطلعت اخذة ملابسي من المشر برجعتي سمعت صوت بحديقة عمو عباس ظليت واكفة واسمع شخص يردد اسمي بصوت واطي
:- منو هنا
:- تعاي عنايد
إيلاف:- سُلطان
مشيت لين السياج وگفت قريب منو ما اشوف وجهه بسبب الظلام: - ها
:- عُمر هين!
:- اي تريده
:- لا " بس
مسح وجهو بارتباك :- عدكم فحم
:- اي
:- انطيني اثنين
:- هسه اجيبلك
رجعت للبيت اخذة فحمات ورحت انطيتهم اله:- عنايد
:- ها
ظل ساكت ماجاوبني نزل وعافني بوحدي قوست فمي مستغربة رجعت للبيت حضرت اغراضي ومددت اجت اعراف حاولت تحجي وياي بس مو طايقة حتى نفسي. للصبح عيني ما اخذة نوم القهر ياكل بروحي
فزيت على صوت مسج فتحت الموبايل
جراح كاتب" بالـ 8 اجي اخذج "
مسحت دمعتي لي نزلت وگمت اطرافي ترتجف والغصة تحرگ حنجرتي صليت الفجر وشكيت الربي عن كلشي بقلبي
صارت الـ 8 واجه " جراح ياخذني
جراح:- اليوم تعلنو كلشي ويتم الزواج اريد يوصل للكل ويعم
رياض:- اخذها بسيارة زفة تالعالم تعرف
جراح:- مو مهم العالم لمهم لي نريدهم يعرفو
دحگ بتجاهي نزلت عيني منو ودقات قلبي تضرب بصدري بقوة لزم ايدي ابوية وقدمني الجراح بيدو
رياض:- مباركين يبوي
جراح:- بالعزة ياعمي ماقصرت
طلعت وماما عينها وراي ودموعها تنزل صعدت بالسيارة كل جزء بروحي مو راضي ؏ الاسوي ولا راح اقبل بهذا الشي لو على حياتي ما ارضى بالذل
part-2-♕
Start from the beginning
