ايلاف:- اصبرررررري منووو هاي سااريييين
دفعتني أمي داخل الغرفة وقفلت الباب تخبلت اريد بس افهم مايخلني جرتني سدن ليمها
سدن:- ايلاااف
ايلاف:- شعدهاااا ويَ جرااااح
سدن:- ماعدها والله
دفعتني ايلاف بقوة للباب دموعها تنزل وحده ورا الثانية تحاول تفتح الباب ماتگدر صوتهم عتلا امي وعماتي صارت اصواتهم اعلى من صوت الرياجيل نفتح الباب ودخلت نوارس عيونها طافحة بخوف ركضت ايلاف بره ونوارس دگت على رجلها
نوارس: - راااحووو
سدن:- وين! منو!
نوارس: - جراح اخذ سارة وبنتها وراحو لـ بغداد
سدن:- كذب!
نوارس:- والله
طلعت ركض على صوت امي وعمتي ثُريا صار صوتهم يوصل العرب وعم الهدوء بثواني بدخول جراح وايلاف بيدو دفعها بالغرفة وعاط
جراح:- اررررركددددي ويييين طااالعة
سدن:- جراح جراااح
لزمت ايده عتها مني ودفعني يريدني اطلع ركضت ؏ ايلاف لي تصنمت بمكانها رگع الباب وقُفلة
جراح:- شكوووووو طالعة تتمركضين برااا
ايلاف:- منو منووو هاي ساريييين شعندك وياهاا
تقرب يخزر بيها :- شعنديييي!! تحاسبينييي
ايلاف:- لا بس هاي مو بنت خالة سارة!!
عت ايدها قربها علي وهمس بنتر غاصب: - حسس نفس افصم راسج تربزيييين هين لين ارجع
ايلاف:- بس
قاطعها بصوت عالي يسكتها عافها وطلع خلانه نفووور
عفتها وطلعت اركض من دخلو عمتي وبنواتها لكيت امي برة تصييح ومتعاركة هي جراح عافها وطلع وظل فواز يمها يهدي بيها رجعنا للبيت الوضع متكهرب رجع ابوي للبيت غادي نار
ثامر:- شبلااااااااج
بتول:- ماااااتعووووفنه الااااااا تهد البيت على راسنه سااارة وبنتها مااايعوفنه
ثامر: - ول مهبووولة انتِ البنتتتتت شبلاااهااا شوووصلهه الهييين
ضربت على رجليها تولول وهاي العادة مو جديدة وبلش عياطهم وعركاتهم المعتادة لوقت رجعت جراح لزمتو طلعت روحو بالملحة
part-2-♕
Start from the beginning
