سهم السارلين

part -1-♕

غمض عيوني وهتز جسمي من اتذكر الموقف
نمارق:- هذا جراح رجع

إيلاف:- راح افتحله الباب خلي اشوفه

لزمت ايدي تمنعني جريتها منها وركضت ؏ الباب اعدل بشالي وصلت للباب زفرة نفس قوي وفتحت الباب كان رجال مثلم وسلاحو بيدو
طول وجسم جراح بس صوتو يختلف

:- الله بالخير

بعدني ما مجاوبته نجريت من الجهه الثانية وندفعت بره نسد فمي والمسدس براسي حاولت افلت روحي لحد ماصرت بين اربع رياجيل
وقطعة قماش قطعت نفسي وداهمني الظلام
ومن حسيت لكيتهم شادين ايديني ورجليني بس هم ما أذوني

بچيت تذكرت موقف حميد بس ماگدر احجي گدام كل الرياجيل راح ينفتح نهر دم ونغرگ كلنا بهذا النهر
شاهين:- عجل ليش تبچي

فواز:- تريدها ترگص ولَ شاهين مهبول انت

شاهين:- مااصدك السياف ما يعبرها ايلاف. احجي ولَ خالي احجي لا تشربينه السم

أيلاف:- ما عندي شي احجي هذا كل لي صار

علي: - شوووداگيييي وفتحتي الباب بنص الليالي

كريم:- مو وقتو العتب يلا هيرو الرياجيل

طلعو كلهم وعيونهم متروسة شر نيتهم گشرة سودة
ما تعدي على خير
كلهم حادين أسنانهم عليهم واولهم عمو كريم وشاهين وجراح لان هم سبب العداوة

رجعت راسي ومددت اجت امي جابتللي اكل اكلت كم لگمة ونمت كل الليل گاعدة بس الاسم نايمة
المواقف واحد واحد ينعاد براسي
الخوف الرعب لمساتهم ريحت الخمر
الاكل لي كنت اكله عدهم
اايام والليالي لي انام واگعد وانا مقيدة بحبال
شنو انسى!
عيني متاخذ نوم
عقلي تعب من التفكير وقلبي تمزق من الالم

أم نمارق :- يلا يماا أيلاف

أيلاف:- يمه اريد انام

نمارق:- كل الليل كاعدة ليش تكذبي

كعدت يمي وهي ترفع حاجبها تاگيد الكلامها اردفت وهي تعدل شعري المبعثر:- يلا الوفة كلهم حيجو عنا
خالة سارة
وخالة بتول ام جراح

غمضت عيوني بتملل اعرف متقصدة تذكر اسمو بقيت تلح تلح الا ان گمت معاها وغيرت لبسي وطلعت يمهن بالمطبخ عيني تنتقل بينهن وكأنما صار اشهر مو موجودة
مو كم يوم
اخواتي وبنات عمومي گدامي
نمارق اختي الكبيرة
واعراف اختي التؤم وعلي وعمر اخواني الگبار
اجه عماير ليمي وعيونو باين عليها التعب

عمر:- شلونچ
:- زينه

بقه يدحگلي بنظرات كلها خوف وعتب وتأسف بس ماحجه شي راح وعلوش واكف يحجي ويَ زوجتو نوارس

دخلت خالة بتول وياها شريكتها خالة سارة زوجة عمو ثامر الثانية
بتول:- هلاا بسور بيت رياض ونورهم الحمدلله على سلامتچ يييمة