لحد ما نزلنا مقابيل بيت اهلي مو مصدكة
نزلت رجليني ترجف وجمدت بمكاني وهبط حيلي من نزل علي يركض من السيارة بتجاهي
وصل ملهوف وهو يردد: - يا خيتييي ياخيتييي يا راسييي
حضني بچيت ونفجرت الحزن لي كان من ايام حابستو بروحي
لتمو عليه اخواني واولاد عمومي وطلعت امي واخواتي
تلگوني بالاحضان والخوف والرهبة لي كانو عايشينها الواضح اكثر مني دخلتني ماما للحمام وعيوني تتحرك بينهم ماكدر اللفظ لو حرف لساني نربط
جابتلي اختي اعراف ملابس وماما يمي تمسح بوجهي وتبچي
ثُريا :- يمه يابنيتي يولي ايلاف يمه حاجيني يبعد امچ
إيلاف:- ماما خليني اسبح اطلعي
درت وجهي نزعت شالي ونداريت سديت الباب وغمض عيوني دموعي تنزل وروحي تنمرد بكل لحظة
فززت قلبي طيف ذكرى فتحت عيوني اتلمس بداية شعري
منا لمسني " حضنتو" انا انااا حضنتو الجراح!
اتلمس ايديني وزندي سارت قشعريرة وهتزت روحي من الموقف
حُب الطفولة جراح. كل عمري الراح وانا روحي بي كل مرة اشوفو
عيوني تحتظنه بنظراتها دقات قلبي تنتفض داخل صدري اذا اسمع صوتو
مسحت وجهي بقوة وفتحت المي اغسل بجسمي ودموعي تنزل وحدة ورا الثانية
خفت وصابني شعور سيء. اسرعت بلبس الملابس وطلعت صارت بوجهي أُمي
ادحگلي بخوف مشيت وياها للغرفة ونوارس بالباب واگفة ودموعها على خدها مددت مغطية راسي واهمهم بصوت ناصي بس اُمي تسمعني
:- ماما جوعانة
:- اي بنيتي اي هسع اجيبلج اكل
طلعت تركض غمضت عيوني واسمع عبدالله يسأل عليه ونوارس تردلو
نوارس:- عمه نايمة بعدين نشوفها
اسدالله: - عمو جراح يريدها
نوارس:- وينو
اسدالله:- بالديوانية
ظليت ساكته لا نوارس اجت ولا ماما والبيت فوضى قوية واصواتهم برا البيت يتناقشون فزيت بخوف على صوت عمو كريم
كريم:- وييينهاااا بنت رياض
نهضت من مكاني گعدت ودخلو كلهم عمامي وياهم اولاد عمومي
كريم:- شلونج عمي الحمدلله على سلامتچ
إيلاف: - الحمدلله عمو الله يسلمك
كعد بصفي وجر راسي باسه :- ضربوچ عمو؟
:- لا
:- مدو ايدهم عليچ!
:- لا
:- عجل والفيديو ياعمي
مسحت دمعتي وعيني على رجلين جراح الواگف گدامي روحي وعيوني ما تشوف غيرو
:- بس يريدون يخوفون جراح بي
جراح:- هجسسست والله
كريم:- احجينا عمي شلون اخذوچ من بيت عمچ
بللت شفتي بتوتر عصرت ايديني وحدة بوحدة وهمهمت بخوف
:- كنا كاعدين انا والبنوات نشرب عصير وبعدها نومنه الاطفال وطلعنا للحديق
البنات نامو على وقت وانا ونمارق ظلينا كاعدين سمعنا حركة يم بالباب
part -1-♕
Start from the beginning
