دحگت للجهة الثانية بيها مجموعة ثانية واگفين بعيد منا ولي مداورين السياف بيهم اكثر من عشرة اشخاص
لمحت ضوء سيارة من بعيد
حميد:- وصل
كلها سحبت اقسام والسيارة كل مازالهه تقترب اكثر رجع السياف لي يمي ابتعد الشخص لي وراي وگف السياف مخلي السلاح براسي ولازم كتفي احس اصابعو نغرست بكتفي بس الوجع مو هامني عيني ؏ السيارة لي وگفت ببعد امتار نزل شخص اشوف بس خيالو
تقرب اكثر وصاح بصوت فزز قلبي وطلعت شهگة خفيف مني رد فعل على وجودو
جراح:- سيااااااف
السياف:- الله حيووو الثعالببب تعااال يابة مشتااااگ ههههههه شلووون حظ عدنا نتشاوف كله بالچول
اجه يمشي بهمة وسلاحو بيده نزلت دمعتي حارة وكل شي بجسمي انتفض بين ايده وگف گدامو وصاح بصوت مميت
جراح:- اتررك البنت
السياف:- الاوراق بالاول خطوة ليمي تموت
صاح بصوت كلو ثقة :- راح تجيبوا نهايتكم،، اترك البنت
لتفت علي شخص واشرلو يروح سحب ايده من كتفي ودفعني بفوهة المسدس
السياف:- اخذها بس اي حركة تموتون انتو الاثنين
ركضت اله فتح ايده الية غمرت روحي بين ايدينه ارجف واردد
:- جراح يلا يلا اخذني مناا
جراح:- اشش يواشچ بلا حركة لا تخافين
مسد على راسي وجر مقدمة شالي غطا شعري بعدني من حضنه وخلا بيدي مفتاح السيارة واشرلي براسه
:- للسيارة وقفليها من الداخل ويمچ سلاح انتبهي مسحوب الرصاصة خلي بإيدچ
هزيت راسي ومشيت برعب وخوف وصلت للسيارة فتحتها وصعدت قفلتها من الداخل وعيني ادور بالمسدس لگيتو على الكرسي الثاني خليتو بيدي وعيني عليهم يحجون بس ما اسمع صوتهم
ندار عليه جراح اشرلي براسه على ضوء السيارة لمحتو ملامحو المغضبة لي تفسر مرحلة الغضب لي واصله
اكيد ما تعدي سلامات راح يصير شي مميت
دخلو للبيت والباقين يفترو حوالي السيارة ربع ساعة او اكثر مرت على احر من الجمر روحي تحترق بانتظار
والخوف صاب قلبي بقوة
اطرافي ترتعش رهبة من القريب مني
طلع جراح وبعدو السياف بيدو اوراق والضحكة مالية عيونو صعد جراح وحرك السيارة بدون اي صوت
طلع من يمهم واختفو لميت ايديني الصدري بخوف دحگ عليه وكال بهدوء يحاول يطمني
جراح:- أيلاف بيچ شي يُبا طلعنا منهم
هزيت راسي لا وهمست:- مابيه بس وصلني للبيت بسرعة
جراح:- يواشچ يُبا هساعين نوصل ماكو شي
هزيت راسي وبقيت ساكته شفايفي جافة وحرارة بحنجرتي خانگتني الغصة
،، من بعد اكثر من ساعة دخلنا المدينة ودموعي تجري
جراح طلع ايدو من الجام السيارة واشر السيارات واكفات گدامنه تحركو ورا
part -1-♕
Start from the beginning
