دحگ الخلود واشرله براسه وخلود تقرب وهمس لقطت الكلمات بعصوبة
خَلود:- ناخذها ونطلع وهم يجو هنا مايلكونه نلعبهم اول شي
السياف:- ما نحصل شي
خَلود:- خلي نعذبهم بالاول
هز راسه ورجع يحجي ويَ جراح :- تعالو
بس كال هيج الاثنين ركضو شال السلاح وهو عافني مربوطة بمكاني وطلع تخبلت احرك براسي واصيح اريد صوتي يطلع ماكو نمردت روحي وتخبلت رجع واحد منهم ماعرفتو منو لان لابس لثام وبيدو قطعة قماش سد انفي بيها توسعت عيوني وكتمت النفس حاولت وحاولت وانتهت بالفشل واحتلني الظلام
اصوات قريبة مني وريحة الخمر كلش قوية فتحت عيوني وفزيت مرعوبة من اشكالهم گاعدين كلهم وكدامهم مشروب واجباس وخاثر وكرزات
اشياء ما تتاكل مع بعض وهم ياكلوها كلها سوا!!!
انتبه واحد منهم عليه نزل الكاس من ايده واجه كنبض گدامي نزل القطعة القماش من فمي
خَلود:- تردين ماي
ظليت ساكته بس عيوني ترمش راح ليمهم
خَلود:- كعدت راح انطيها اكل لا تموت وتوگعنا بمصبية
السياف:- ذاك اكلها مو هذه
اشرله ؏ كيس بنهاية الغرفة عاف لـ بيده واخذ الكيس الثاني
كعد گدامي طلع بطل ماي وعلبة خلاهن كدامي طلع سلاحه سحب اقسام ومد ايده فتح ايديني بدون ما انطق ولا حرف بس عيوني تنتقل من واحد الواحد بخوف حرف اذا احجي ياكلوني بلا رحمة،
اخذة البطل شربت الماي
ومديت ايدي الترجف ضعف وجوع اخذة قطعة خيار اريد اكلها رفعت عيني علي لكيتو صافن بوجهي
نزلت عيني مرتبكة وخايفة اخذة قسم من الخيارة وفكي مايتحرك من الوجع بصعوبة مضغتها طول ما انه اكل هو عينه ما نزلت مني لحد ماصاح بي الثاني
السياف:- يهووو هناااااا انهض
عافني وراح ظليت اكل بخوف شربت اكثر من بطل مي وحتاجيت حمام بس شلون احجي وانا حتى صوتي مختفي من كثر ما مسدود فمي مسحت دمعتي النزلت بخوف وعيني عليهم يشربون بس ابد مايسكرون
شلون ماعرف!
همست كل جزء بروحي يرجف:- اريد اغسل
دحگ السياف عليَ وهز راسه ووگف بيده السلاح اشرلي اطلع سندت نفسي وگمت لازمة الحايط وكل شوية افز بخوف والتفت ادحگ علي و؏ البيت طفرت خايفة من صوتو
السياف:- هنااا
اشرلي ؏ الباب دخلت وسديت الباب كتمت فمي ودموعي تنزل بخوف ورهبة
تلتفت بارجاء الحمام بـ خوف ثواني بس ونطرق الباب غسلت ايديني وفتحة الباب صارت عيني بعينو نزلت عيوني وبقيت واكفة
السايف:- يلاا
أيلاف:- اريد
عاط بصوت عالي:- يلاااااااا
part -1-♕
Start from the beginning
