ميلت طرف فمها بمعنى ماعرف بقت ماما تلوب لليل يلا رجعو محد عرف ولا فهمت منهم كملت اكلي ورحت نمت بمكاني بكل رمشت عين اشوف خيالو تأجل العقد الثاني يوم
الليل مر بين احلامي الوردية وعالمي لي راسمته النفسي
كعدت الصبح على صوت البنات وكلها محتفلة رغد وازل يمي وسدن اخت جراح اجت من الصبح
افتر بينهم وهن محتفلات يختارو فساتين والاكسسوارات
سدن:- وينو فستانچ إيلافة
أيلاف:- بغرفة نوارس
سدن:- عجل مشي نجهز حيجون وحنا ماجاهزين
طلعنا الغرفة نوارس دخلت وهي تهمهم بصوت ناصي
:- ايلاف يلا جراح حيجي دقيقة ويمشي هو دزني عليج
:- ليش مستعجلين
:- يكول عندي شغل بس اعقد واطلع ومن ارجع احجي. وياها
هزيت راسي اي: - عادي. " بس سمعتي خبر على سلطان ما رجع ويَ عُمر البارحة
:- امم عماير يكول ماشفتو انا طلعت وحدي وهو وحدو
:- يرجع وين يروح اخيرو راجع
:- ههه يلا عوفي هسه تحضري يلا ايلاف
لبست فستان لون ابيض ورتبت شعري وخليت شال بعدني اعدل بمكياجي وسمعت صوت خالة بتول سدن ضحكت
:- خالتچ ماتگدر تركد بمكانها ول دووووده والرحمن
:- هههه اششش لج لا تحجين عليها
طلعت اعدل بشالي صارت بوجهي خجلانه شعور الخوف على الارتباك صعب
بس غالبته الفرحة
بتول:- جنتيييي يمحلاها كلوووووش
هلهلت وتقربت تبوس بي وتشم لتمو خالاتي وعماتي وكل بنات عمومي ودخل ابوية وجهو محتقن
رياض:- هيرو البنت
ثُريا :- جاهزة ابو زياد جاهزة
نظراتو حادة تقرب لزم ايدي ومشيت ويا طلعنا للباب وكف على جهه وانا مستغربة. حالة ابوي ما متعود يتصرف ويانه بهذا الحدية
مسح وجهو بقوة
رياض:- انتِ موافقة بوية موافقة على الملچة انتِ وجراح
دنگت راسي خجلانه وساكت لزم زندي وقربني علي
:- موافقة
:- اي
عاف ايدي وندار للباب صاح بصوت عالي: - عُمر
نفتح باب الحوش ودخل عمر اجه ليمنه يمشي بهمة.
:- بلي يابة
رياض:- جيبو الشيخ بالديوان
عُمر:- هساعين امر
طلع عمر وابوي راح جاب عباية ورجع ليمي لبستها ودخلت للديوان كعدت بصفو ارجف كلي، دخلو جراح والشيخ وياهم فواز ووضاح وعُمر
سلمو وكعد عيني بالگاع بس اسمع صوتو بلش الشيخ بمراسيم العقد
الشيخ:- ايلاف رياض خشان هل تقبلين الزواج من جراح ثامر خشان زوجاً لكي على مهرة مقدمهُ عشرة مليون دينار ومؤخرة عشرة مليون دينار
ظليت ساكت عاد السؤال مرتين
همست برجفة:- نعم
عاد نفس الكلام لجراح نطق الكلمة بصوت خشن ومحتلة نبرة صوتوا العصبية تم العقد وبارك الشيخ وطلعو
تصافح جراح وبابا
جراح:- بـ أمانتي من هَين الوقت يتم كلشي وأرجع أأمن الوضع
رياض :- لا تكسرها يبوي
جراح:- بين عيوني اخيلها اخيتي هاي
ماكانت كلمة سكين وضربها بنص قلبي نزلت دمعة حفرت خدي بنار
رفعت عيني عليهم من طلعو بعدو واگفة بالباب يلبس بالحذائة
رفع راسو وعقد حواجبو على اثر صوت بنت قريب مشيت للباب
دخلت بنت وجها منتفخ وعيونها طافحة بعصبية تمشي بتجاة الديوان وجراح همس بصوت واهن مصدوم وفاتح عيونو ؏ كبرها
:- سارليين !!!
__________
نلتقي مُجدداً🏹
نبدء ؏ بركة الله طلبِ منكم تدعمو الرواية بالتعليقات بين الفقرات ونشر ؏ مواقع التواصل
حتى نستمر في تنزيل البارت ؏ الموعد
نيات قلبي♡
part -1-♕
Start from the beginning
