بوست وجهي وتحضن بيه احبها مثل ماتحبني طبعة قبلة على جبيني ورفع وجهي الهه:- شلل بيدو يا يمه خفت عليچ والله
رجعت حضنتي ابتسمت وسحبت نفسي منها:- شكرا عمة
تعديتها وسلمت على عمة سارة دخلنا كلنا ودار الحوار البينهم وبين امي وكيف صار وشنو راح يصير وليش صار
تيبس كل جزء بروحي من كلام خالة بتول
بتول:- اليوم خبرتو الجراح تانعقدلهم هو وألوفة وتكون تحت حمايتو وفنو ليگرب صوبها والله ينحرو جراح من لوزتو
ردتلها ماما بدهشة:- عقد! !
بتول:- اي هساعين خليتهم يتناقشو وابو وضاح قرر يعقدلهم. تا نسد حلگ السياف وطلابتو
ام نمارق:- ليش شنو صار! السياف هم رجع!
رفعت ايدها بحركة الدعاء:- يااا رب بجاهو الاسمك تشيلو من گاعو وطموو بسابع أرض
نزلت ايدها وأكملت كلامها- ول هسه داز الفيديو الجراح يهددو بي ويكلو يا تكمل كلشي اطلبو منك يا انشرو بين العبران
ضربت صدرها بشهگة وصاحت:- يااا حفييظ احفظنا ياا ساتررر استرررلي بناتي يولي شوووكت هذه
بتول:- هسع والله واجيت دزنا ابو وضاح نوصللكم خبر راح يتم العقد باجر وينشر ولازم يوصل الخبر للكل تايعرف السياف صارت جزء من جراح وبعد مايگدر يتلاعب بأشي يخصهم
امي دگت ولطمت لحد ما نهد حيلها ماتريد تزوج بناتها لاولاد عمومي عكس خالة ام جراح تريد بس القريب وحالفة ماتاخذ غريبة
رجعت للغرفة شعوري غريب خوف على فرحة من اتذكر هو مايحبني ولا يبادلني المشاعر تطفى فرحتي
بس من اتذكر حُبي اله
تكبر فرحتي راح يجي يوم وتحبني وراح احبك اكثر من حُبك اليه
كعدت لام رجليني الصدري اباوع بالمراية المقابيل السرير بكل رمشة عين
تنبني جزء من احلامي ويَ جراح
راح احقق كل اماني حياتي واتخرج ايدي بيدة
راح اكون
زوجة جراح الوحيدة وحُب حياته.
اذا بعد هذا العذاب
انجمع بي انا راضية
مر اليوم والثاني صار العصر والهوسة تارسه البيت طلعت اسمع صوتهم يم بيت عمو عباس الصاير بيتهم بظهر بيتنا سمعت من بينهم صوت فواز ابن عمو ثامر يصيح
فواز:- مااكوو سُلطاان وعُمر
وضاح:- وينهم
فواز:- ماعلموني. هم الظهرية طلعو وماردو بعد
صارت هوسة وكل لي فهمته منهم سُلطان وعُمر مو هنا وهم حاليا داخلين انذار اذا ما يلزمون واحد من ربع السياف مايرگدو
رجعت للبيت واسمع ماما تولول دخلت الغرفتها
أيلاف:-شكو!
اعراف:- عُمر وسُلطان ماكو وماما خايفه عليهم
أيلاف:- ليش مو دائما يطلعون بهيج وقت
part -1-♕
Start from the beginning
